الكاريــــــــنز - ضغط الكاوتش فى الكارينـــــــــز

يا جماعة انا محتار فى حكاية ضغط الكاوتش المناسب للكارينز !!!
حسب ال sticker على القائم ... مكتوب 32 على مقاس الكاوتش بتاعى ... حتى فى ال maximum load مكتوب 32 برضه

حبايبنا بتوع الكاوتش ... اللى يقول 28 واللى يقول 30
مرة ظبطتها على 30 لقيت العربية ناشفة وبتهبد فى المطبات ... وحسيت انها عايمة ؟؟؟

امبارح رحت محطة كالتكس حى السفارات ... عندهم الماكينة بتظبط لوحدها لغاية ما تعمل صفارة
بعد الولد ما خلص سألته ظبطها على كام قال لى 28 !!!!!

بس العربية بقت أنعم من الأول وبقت تتنطط على المطبات زى بالونة العلاج الطبيعى

ايه رأيكم وتجاربكم أفادكم الله ؟؟؟

بالنسبه للمقاس عندى بيقول 33 لو فاضيه و 35 لو محمله
عملته 34 و ثابت على كده ... ناشف سنه بس استجابه سريعه من الثبات ...
مره كان اخويا ظبطهالى على 30 من غير معرف و كنت حاسس ان فى حاجه غلط و شكيت فى حاجات كتير (كانت العربيه بحس انها نايمه و عايزه بنزين كتير علشان تبدأ تتحرك) و لما ظبط الكاوتش على 34 حسيت ان فى فرق كبير ...

الجنط عندى 16

افضل حاجة 32 زى الكتاب مابيقول يا ا/خالد وعن تجربة.

34 دا على أوى ليه كدا
بص يا مستر خالد ممكن تظبطه على 30 وتحط نيتروجين
المقاس الصح هو الى ميخليش العربيه تنط زى البلونه ولا تبقى ناشفه أوى
كلاهما مضر للكاوتش

طب ايه رأيكم فى الفتوى اللى اجمعوا عليها تقريباً كل بتوع الكاوتش اللى تعاملت معاهم
ان فى الصيف نظبط على ضغط أقل علشان حرارة الجو ؟

معلهش كمان طلب ... حد معاه صورة لمنظر الكاوتش وهو مظبوط بيكون شكله عامل ازاى ؟

أنا حا صور عربيتى بكره ان شاء الله وأوريكوا منظره

يا أ/ خالد أظبط علي 30 نيتروجين

اقتباس:

---

المشاركة الأصلية كتبت بواسطة normal

34 دا على أوى ليه كدا
بص يا مستر خالد ممكن تظبطه على 30 وتحط نيتروجين
المقاس الصح هو الى ميخليش العربيه تنط زى البلونه ولا تبقى ناشفه أوى
كلاهما مضر للكاوتش

---

معرفش بس هوه ده المكتوب على القايم عندى و بصراحه مريحنى ... هصور القايم و بعتهلكم :)