العمل اكثر من 12 ساعة يومياً ( هو ايه بالظبط ) ؟!

**Terrible_DaRsH** · 15-07-2010 12:30 AM

مساء الخير يا جماعة نايل موتو

البعض يعرف انى من اول الاجازة و انا بدور على شغل لانى مليت من قعدة البيت و الخروجات و اللعب Online و الحياة البايخة دى .

و بصراحة عملت انترفيوز كتيرررر و دورت كتير لحد ما الحمد لله نزلت فى شركة فرش سيارات و يملكها والد صديقى و هى تعتبر من اكبر الشركات اللى موجودة حاليا ( عبارة عن مجموعة محلات منافذ بيع ) .

نزلت اول يوم و كان الشغل 13 ساعة و طبعا انا كنت فى غيبوبة , ثم تانى يوم و هكذا الى الان شغال بقالى اسبوع الحمد لله .

اللى انا حاسه انه مش طبيعى هو مواعيد العمل احنا بنشتغل اكتر من 13 ساعة و ده العادى يعنى يمكن نقعد فوق ال 14 كمان , حاليا حياتى كلها شغل و اروح انام علشان اصحى تانى يوم و يوم الاجازة بيبقي كله نــــــــــوم , يعنى و الله انا مش مصدق انى فاتج المنتدى و داخل على النت عموما :)

و المرتب يعتبر قليل جدا على عدد ساعات العمل , فانا فى حيرة كبيرة اوى ! يا ترى اسيب الشغل و ارتاح شوية و ادور على شغل تانى ؟ و لو المرتب قليل على المجهود استمر و لا لا ؟ و لا العمل اكتر من 13 ساعة يوميا ده شيء عادى و انا اللى بتدلع و لا اعمل ايه لانى بجد دماغى هتنفجر , و انا لسه متخرجتش يا جماعة " للعلم بس " :)

**heshamzaky** · 15-07-2010 12:37 AM

بص عفوا فى الى حا اقولة انت ذكرت انك لم تتخرج يعنى فى بيت الحاج و طبعا هو قايم اكيد بالواجب وزيادة 13 ساعة عمل كتير جدا مش حا تلاقى وقت تعيش و تستمتع بكرة يا بطل لما تتجوز حا تتمنى يوم من ايام بيت الوالد حاول تشوف شغل اخر تكسب من مهارة و خبرة حقيقية الا لو كنت ناوى تشتغل فى التجارة مثلا لو حا تشتغل فى التجارة مش فى وظيفة يبقى انت فى مرحلة اعداد و المرتب مش مشكلة كأنك بتاخد كورسات مجابا و كمان بدل أنتقال لو مجرد مرحلة و مش حا تكمل فى الاعمال الحرة شوف حاجة تانية خصوصا ان كدة سنك لسة شباب و صغير و شكرا لك

**أبو إياد** · 15-07-2010 12:47 AM

بالنسبه لانك طالب فالعمل من اجل العمل وليس العمل من اجل المال
اكتسب خبرات واتعود على العمل واشتغل كل ما هو صعب لا من اجل المال انما من اجل اكتساب خبرات التعامل مع الاخرين والتعود على الشغل علشان لما تتخرج وتشتغل الشغل اللى نفسك فيه وبتحبه هتلاقى نفسك انت عاوز تتعب فيه علشان تنجح وده لانك متعود على الشغل

صدقنى هايجى عليك وقت وتفتخر كل الفخر بما انت فيه الان
اشتغل اى حاجه افضل من انك تدور على شغل او انك تقعد فى البيت
لان الشغل فيما بعد هتلاقيه سهل اوى
وربنا يوفقك

**M.Osman** · 15-07-2010 12:54 AM

بص يا درش...
انا مش هقدر افيدك اوي
بس انا اشتغلت حوالي اسبوعين لمدة 13 ساعة يومياً حتى ايام الجمعة ..

هي كانت حاجة زي الجيش
بس اتعلمت حاجات بسيطة... و عالأقل كتبت حاجة جديدة في الـcv..
و حالياً بدور على شغل تاني...
النصيحة .. مفيهاش حاجة لو استنيت شوية في الشغل دا... اسبوعين مثلاً تشوف الدنيا ماشية ازاي و اكيد هتستفيد
و بالتوفيق

**Ahmed Nouh** · 15-07-2010 01:39 AM

بص يا درش انت كدا كدا لازم تسيبه , 13 ساعه شغل فى دراسه يبقى انسى انك تعمل اى حاجه فى الجامعه

بس لسه الاجازه فاضل فيها شهرين على الاقل مش هتخسر حاجه لو كملت منهم شهر ونص شغل وتريح الاسبوعين الباقيين قبل بدايه الدراسه

كل فتره شغل هتستفاد منها فى حياتك كتييير جدا

حتى لو الشغلانه نفسها نمطيه قوى ومفيهاش اى مهاره تفيدك مستقبلا ولا ينفع يتحط الشغل ده فى cv خليك فيه لحد ما الاجازه تخلص او تلاقى شغل احسن , اى شغل فيه حاجه جديده هتتعلمها

تحب اقولك على سبب تافه اتعلمته من شغلانه تافهه نفعنى جدااااااااااا فى شغلى الحالى ؟

اشتغلت فتره كوول سنتر فى فودافون , اتعلمت اكلم العملاء فى التليفون وفهمت دماغ الشاب اللى قاعد جوا الشركه بيكلم العميل

دلوقتى بما ان شغلى حاجات مهمه فيه معتمده على مصاحبه والطبطبه وتوقيع بتوع خدمه عملاء الشركه فى الكلام حسيت ان ال 6 شهور اللى ضاعوا من حياتى فى فودافون ادونى افضليه فى شغلى كبيره علشان محدش من اللى شغالين معاى كلهم بيعرف يتعامل مع موظفين خدمه العملاء وبيلطشوا مع بعض سريعا ( بنكلمهم ممكن 6 مرات فى اليوم )

اطحن نفسك يا باشا ربنا يوفقك , و من النهارده ودع اهلك واصحابك

اثنين صحابك دلوقتى بس هيوحشوك , اكل الست الوالده والسرير :)

**A7MED_PHARMA** · 15-07-2010 01:54 AM

أنا بقالي 3 سنين تقريبا

بنام 8 ساعات (في المتوسط)...وبشتغل 16 ساعة
هههههههههه

بس أنا أخدت على كده...وعلشان أنا صاحب الشغل..لو ينفع أني مانمش وأفضل قاعد في شغلي
كنت عملتها

لما تكون إنت صاحب الشغل..تحس إنك عاوز تديله كل وقتك
ومش فكرة فلوس بس...
لا
فكرة إنك تشوف مشروعك بيكبر قدامك

**HeMa_LanCeR** · 15-07-2010 02:21 AM

ممكن تدور علي شغل وانت معاه
وبأذن الله هتلاقي :)
بس خليك يعني انت بتعمل ايه في الأجازه
اتعلم حاجه جديده
اتعلم الاختلاط بالناس
كل ده بيديلك ثقه في النفس :)

**mexmarine** · 15-07-2010 05:08 PM

لازم تدرب من دلوقتى لأن الزمن اللى احنا فيه فيه حاجتين . الاولى تبقى موظف حكومه من 9 الى 2 و تاخد ملاليم الا لو فتحت الدُرج لا قدر الله و الثانى انك تشتغل اكثر من 12ساعات و ممكن تكون مسافر و مرمى فى نصف البحر و مفيش غير طياره تقدر توصل لك و تنزل اجازه كل اسبوعين هههههههههه زى حالاتى كده

-

-

الموضوع: العمل اكثر من 12 ساعة يومياً ( هو ايه بالظبط ) ؟!

LinkBack

أدوات الموضوع

عرض

-

-

-

-

المواضيع المتشابهه

لجنة يومياً علي طريق الواحات - الرماية ..

العمل ثم العمل ثم العمل - منقول للافاده..

هنا شبرا .. دقت ساعة العمل

الكلمات الدلالية لهذا الموضوع

المفضلات

المفضلات

ضوابط المشاركة