أنا زي ما كتير عرفين في هندسه حلوان تخيلوا عملوا إيه السنه دي
النتيجة كل سنة بتظهر على النت ببلاش يجوا السنة دي يلغوا إنها تطلع على النت وكمان مش هتظهر في الكليه ولو عايز تعرفها تتصل ب09000222 بجنيه ونص الدقيقة وطبعا أغنيه في الأول وبعد كده تكت رقم الكليه وبعدين رقم الدفعة وبعدين التخصص وبعدين رقم الجلوس يعني بتع ربع ساعة كده وكل دقيقة بجنيه ونص يعني خراب بيوت مستعجل وبعد كل ده ممكن تلاقي النتيجة مطلعتش وتتكلم تاني!!!
يعني الواحد المفروض يعرف نتيجته ببلاش وكمان ده إحنا في جامعة حكوميه يعني عندنا ناس مش قادره تجيب تمن الكتب هتتصل بأرقام المسابقات عشان تعرف النتيجة

والله ما عارف أقول إيه ولو إتكلمت أكتر من كده هتوقف للألفاظ الخارجة ده إذا متعمليش محضر سب وقذف!!!!!!!!!!!!!!!!!!!!!!!!!!!!!!