اعلي دريكسيون الفيرنا ازاي؟
صاحبي اشترى فيرنا 2009 اوتو كاملة قاللي جربها وجربتها والعربية ما شاء الله تحفه تطير من غمزة بنزين
لكن لاحظت ان اول ما قعدت على الكرسي فخدي حك في الدريكسيون ولما مشيت كانت عداد التابلوه مختفيه في الدريكسيون قلت له انت منزل الدريكسيون ليه هو انت سافرت مشوار طويل النهارده ؟
وطبعا هو لسه خام في العربيات
قاللي منزلو ازاي وقاللي انه متضايق علشان الدريكسيون مغطي العدادات
قلت له ياعم انا معايا اللانسر وبيحصل الكلام ده لما انزل الدريكسيون ولما ارفعه عادي كل شئ يبقى تمام
وحاولت ادور على دراع الرفع لقيت حاجه على الشمال وحاولت احركها شمال يمين فوق تحت مفيش فايده ومرضيتش ازود علشان انتم عارفين الناس الخام بيخافوا على عربياتهم موووت
فقلت اسألكم ارفع الدريكسيون ازاي
وسامحوني على الرغي الكثير
سؤال بره الموضوع
الموتور بتاعها 1600 DOHC اثنين كامه Double overhead camshaft
وهي بتنزل كده اثنين كامه ولا الموتور متسقط ؟