الموضوع: عن مهندس ال fm اتحدث

ده ميل كنت باعته لزمايلى فى الشغل ولمن لا يعرف ده المهندس اللى بيشتغل فى شبكات المحمول اللى فوق البيوت
ازاى تعرف ان اللى قدامك مهندس FM (field maintenance

-معاه لاب توب متهان لاعلى درجه وبرضه صامد معاه على الحلوه والمره

-جيبه الشمال منفوخ بعدتين اخنق من بعض

-بيحب يلبس الغوامق ودايما يسمع الجمله المعروفه من الجماعه فى كل غسله قميص(اموت واعرف ايه اللى بيطين الكتف الشمال ده عندك) ودى محتاجه سؤال من الشنطه طبعا!!!

-لما يسال الناس فى الشارع فيه سايت هنا ياحج فوق عماره؟فيتدخل السواق بحنكته المعهوده قصده محطه محمول برج يعنى ياحج

-شنطته لونها ترابى ولما تتغسل بتقلب ُبنى

-شنطته فيها كل التناقضات اللى تهبل اى حد عادى لما يشوفها سلوك كهربا وبنسه وقصافه ومفكات كده يبقى كهربائى شويه ويطلع مفتاح ال32 كده قلب انابيب شويه كمان الساحر يطلع من شنطته 3 ريموت تكييف-2 كارير الابيض والدهبى و1 ال جى- يبقى كده بتاع تكييف الراجل العادى ده بقى يغمى عليه من الدهشه لما يشوف بقى مع اللاب توب وكابل الminiusb واخواته وكمان الحته ال htc الزفره وممكن يلاقى بمب العيد فيها برضه

-صحته مبتجيش فى الاماكن المقفوله واسالوا كل زمايلنا اللى نقلوا لاى حاجه فى smart

-البنطلون الجينز هو الزى الرسمى بتاعه-لو حصل فيه ايه عادى بيستحمل-ربنا يحفظ بناطيلنا

-صديقه الوحيد واللى بيشوفه اكتر من اهله فى اليوم هو السواق علشان كده فيه رابط كبير بينهم بفعل العشره يعنى ساعه القلق تلاقى السواق اسد جنبه بس يركن العربيه بعييييييد الاول وبعدين يرجعله

-اكتر حاجتين بيفتحهم فى اللاب excel sheet &google earth address

-دايما اللاب بتاعه stand by وبيحن عليه ويقفله لما يهنج

-روح التعاون بينه وبين زمايله على اقصى درجه حتى فى اجازته (الو ايوه يا .... انا فى .... والكهربا قاطعه بجد!!!)

-بيكون ارخم خلق الله مع الغفرا والبوابين واصحاب البيوت (-منتاش طالع من هنا يابشمهندس الا لما تجيلى فلوسى)

(-ومين قالك انى عايز اطلع من عندك ولعلمك فلوسك مش هتجيلك علشان بكره وبعده اجازه مش هتعزمنى على شاى ده انا فى ارضك؟)

-عنده زهايمر فى الارقام من كتر مابيسمعها (كنت عايز اشيك على على على.... طب بص هكلمك كمان دقيقه)

-لازم يكون معاه شاحن كهربا وشاحن عربيه فى شنطة الساحر طبعا وتبديل البطاريات مع اى حد طبع فيه مبيتغيرش

-اول مالناس تعرف انه طالع للشبكه يجيله واحد ناصح ويقوله(العده دى ياباشا بترست لوحدها ايه الحل يازعيم؟) او السؤال الغتت(مفيش عروض حلوه كده او ارقام مميزه ده انتوا الشبكه كلها) وفيه ناس محترمه بتحب تخدم (يلزمك ُبنى ياهندسه ؟؟)

-كل ال contacts عنده ارقام جنبها اسماء وساعات مفيش اسماء كمان ونادرا لو لقيت ....*

-لازم يكون فى الموبايل بتاعه صوره مولد محروق او تكييف مسروق!

-لازم تلاقى على اللاب بتاعه شويه folders موحده على الكل زى (sites report-weekly sheet -work--)

-لو ماشى فى الشارع حتى وهو فى اجازه مبيبصش قدامه لازم يبص فوق ولازم يركز فى اى محطه تلقطها عينه حتى لو برج حمام

- لازم يجيله مكالمه من مجهول (بقولك ايه ياباشا عندى عمارتين لو عايز تبنى عليهم محطه ومش هنساك طبعا)

-اكتر واحد الناس بتحبه وتدعيله وهو طالع من site (ربنا يمرضكوا زى مامرضتونا)

-اهم حاجه تهمه هيا النشره الجويه لو شبوره يبقى ربنا يستر .... و..... و.... هيقعوا باللى وراهم الساعه 7 ص ولو مطر اهى فرصه الكباين المفتوحه تتغسل او تعمل قفله ولو حر يبقى البيبان اللى لسه مستحمله هتتفتح والناس كلها هتشغل التكييفات فشركه الكهربا هتقطع الكهربا فهيقعوا باور زى الدبان تفكيره منطقى جدا وفى الاخر بيحصل الكلام ده اكنه بيقرا الودع

-لما يكتشف انه انحس واحد فى الكون لما ياخد spare ومتشتغلش معاه فى الاخر او يطلب مولد ولما يوصل ويركب ميشتغلش !

-يكتشف محبه الناس كلها له مره واحده لما يكون معاه hub واقع وتليفونات بالهبل بتتطمن عليه-الhub طبعا مش هو -

-الايام بتتكرر زى بعضها وعمره بيجرى من غير مايحس بس مش لدرجه الف مبروك

-الموضوع خلص وياريت تعرفونا بشغلكم سلام