سوال فنى مهم

**Adham** · 19-07-2010 03:24 PM

اشرحلك انا اللي الاخوة اختصروة في كلمتين بالرفض

اللي قالك كدة بالطبع يقصد ترموستات الكوعه
و الترموستات دة باختصار فايدتة تدفئة مياة تبريد السيارة بسرعه عن طريق غلق (خنق) دورة التبريد اذا كانت حرارة المياة باردة, و جعل الدورة مغلقة عالموتور فقط و لا يتم تبادل حراري للمياة من خلال الرادياتير

يعني الصبح و العربية باردة الترموستات دة يقفل التبريد عن الردياتير و يخللي المياة تلف بس حول الموتور و بالتالي تسخن بسرعه جدا في ثواني تصبح في حرارة التشغيل المطلوب للمحرك و بالتالي انت مش محتاج تسخن العربية الا دقيقة او اتنين فقط و تمشي (كولد رننج) و توفر وقت و بنزين و اداء جيد

لو انت في طريق سفر سريع و ماشي بسرعه و الهواء قام بتبريد حرارة الردياتير عن حرارة التشغيل المثلي للمحرك فان الترموستات يغلق (يخنق) دورة التبريد ليعيد غلقها على المحرك و بالتالي يرفع حرارة مياة التبريد داخل المحرك مرة اخرى للدرجه المثلي للتشغيل ( و بالتالي يوفر بنزين و اداء افضل )

في بلاد اوروبا و امريكا تتجمد المياة داخل الرداتيرات و المحركات اثناء الليل و بالتالي هذا الترموستات هام جدا ليقوم بخنق التبريد و يرفع حرارة المياة ثم يطلقها لتقوم بفك تجميد مياة الردياتير و لا احسن انتي فريز كوولنت

**nadenono** · 20-07-2010 05:36 AM

بالصلاة على النبي هوه ده الكلام اللي يوزن دهب

**Adham** · 21-07-2010 01:25 PM

اللي يصدم بقى اني لقيت صاحب الموضوع باعتلي ايميل بثقول فية :

> شكرا لرد بس عايز اعرف اشيله ولا اسيبه ايه رايك الترموستات الكوعه
_______________________________________________

بجد حرام عليك انت محسسني اننا بننفخ في قربة مقطوعه

ياريت حضرتك تدينا من وقتك دقايق و تقرا التعليقات و تفهم هي بتقول اية

**dark_smoky** · 21-07-2010 03:57 PM

المشاركة الأصلية كتبت بواسطة adham

اللي يصدم بقى اني لقيت صاحب الموضوع باعتلي ايميل بثقول فية :

> شكرا لرد بس عايز اعرف اشيله ولا اسيبه ايه رايك الترموستات الكوعه
_______________________________________________

بجد حرام عليك انت محسسني اننا بننفخ في قربة مقطوعه

ياريت حضرتك تدينا من وقتك دقايق و تقرا التعليقات و تفهم هي بتقول اية

كنت ترد عليه في الميل أحسن

**abou-yahia** · 21-07-2010 04:17 PM

المشاركة الأصلية كتبت بواسطة dark_smoky

كنت ترد عليه في الميل أحسن

تعمدني بنصحــــك في إنفـــرادي .... وجنبني النصــــيحة فــــي الجمــاعه
فإن النصــــح بين النـــــاس نوع .... من الــــتوبيخ لا أرضــى إســـتماعه
وإن خالفتني وعصــــيت قـــولي .... فلا تجــــزع إذا لـــــم تعـــط طــاعه

**Adham** · 23-07-2010 11:43 PM

المشاركة الأصلية كتبت بواسطة afrtow

تعمدني بنصحــــك في إنفـــرادي .... وجنبني النصــــيحة فــــي الجمــاعه
فإن النصــــح بين النـــــاس نوع .... من الــــتوبيخ لا أرضــى إســـتماعه
وإن خالفتني وعصــــيت قـــولي .... فلا تجــــزع إذا لـــــم تعـــط طــاعه

عارف لما يكون فية اسئلة (صح و خطأ) وواحد بيسألك هو السؤال دة صح و للا غلط
وانت تنبري و تشرحلة 3 اسباب ان السؤال دة غلط و تقول تعليلاتك من 3 نواحي

و في الاخر تلاقية بيقولك: ايوة ايوة يعني اعلم صح و للا خطأ

هوة اصلا مش عايز يسمعك و لا عايز يشغل مخة و لا يفهم اية اللي انت بتقولة
هو عايز واحد يقصر المسافة و يقولة علم صح - علم غلط

ولو واحد تاني طلع بعد شوية و ادالة 30 سبب ان الكلام دة صح مش مهم نفهم اية الاسباب او التعليلات المهم في الاخر هوة بيقوللي علم غلط و عندة 30 سبب ... اية هما ... مش مهم.... انا فهمت اية ... مش مهم .... استفدت اية .... مش مهم
المهم بقى اعلم صح و للا غلط

**abou-yahia** · 24-07-2010 12:06 PM

طبعا انا عارف شعور حضرتك عموما ديه طبيعه عند بعض الاعضاء اللي ساعات بعذرهم عشان ممكن مش بيفهم فنيات في العربيه وعايز حد يأخد عنه القرار وديه طبعا بتكون مسئوليه بس برضك بتكون حاجه تبسط للينا ان المنتدي بأعضائه بيحظي بثقه الناس وبيساهم في رفع الوعي الفني ليهم .
طبعا فيه ناس تانيه بتنح معاك ومهما ساعدتها برضك تلاقيهم راحو لحد تاني وسئلوه نفس الاسئله والاكاده انهم بيقلوله علي نصيحتك ليهم وكانهم بيكونو عايزين عكسها اهم هما دول بجد يغيظو جدا .
عموما سواءا دول او دول حضرتك مشكور بتساعد معانا علي قد ما بتقدر وربنا يعينا علي كده .

**aymanmaly** · 24-07-2010 07:30 PM

المشاركة الأصلية كتبت بواسطة fawzyyyy

حضرتك لازم تعرف ان في اعضاء كتير هنا داخليين المنتدي عشان اللي زي حضرتك اللي فاهمين تساعدهم
في ناس متعرفش موضوع دورة المياة و الثرموستات......و عشان كدة هو عمل الموضوع
هو من الاخر اكيد مفهمش الكلام اللي انت كاتبه و ده مش عيب فيه ده يمكن لقلة خبرته في العربيات و اجزائها
عشان كدة مرضاش يقول لحضرتك مش فاهم و بعت لحضرتك علي الايميل
و طبعا كتر خيرك انك شرحتله
فيا ريت يا جماعة نستحمل بعض و نفيد بعض....اومال هو اسمه منتدي لييييه؟؟؟؟ :u_thin1[1]:
علي فكرة كان في عضو قبل كده كتب في مشاركته ان هو بيخاف يكتب او يشارك في اي موضوع عشان هو مبيفهمش في العربيات اوي و خايف الناس تضحك و تتريق عليه
عشان كدة منتدي شيفرولية من اقل المنتديات نشاط و اسئلوا منتدي كيا (ما شاء الله)

اية الجمال دة
كلام جميل و كلام معقول ماقدرش اقول حاجة عنة