الحمد لله اشتريت كيا سول وكيل

**gemy215** · 15-07-2010 02:11 AM

ازيكم ياجماعه
بعد تفكير ولف كتير استقريت علي سول وكيل بعد ما تنازلت عن الايه بي اس في سبيل الوكيل ولاني كنت خايف اتبهدل مع الخليجي مع اني اتصلت علي الاستاذ كريم منير واكدلي مصداقيه تكنو ون
لان الحمد لله هوا نصيبي كدا بالاضافه انو انا المعرض الي اشتريت منه كان عامل اوفر معقول
سعر العربيه 116 بدون فتحه سقف موديل 2010
هيجي الورق المعرض يوم السبت ان شاء الله وهرخص يا السبت يا الحد
كنت عايز منكم شويه مساعده
اول مره اشتري عربيه في مصر فا مش عارف في المعرض قالي انو هيطلع معايا حد المرور علشان ارخص وقالي تقريبا هتكلف 1500 او 1600 جنيه في الترخيص فا انا مش عارف هل كدا معقول ولا ايه وهل الراجل الي هيطلع معايا من التوكيل هياخد فلوس هل في ناس في المرور هتاخد فلوس تاني ولا ايه
وهل كدا سعر العربيه كويس ولا لأ
وكمان ياريت تدعولي بقا ربنا يديني خيرها ويكفيني شرها كدا علشان ربنا يباركلي فيها
وان شاء الله لما امشي بيها شويه اعملكم تقيم
اه
كنت عايز اعرف كمان مين احسن شركه اعمل تأمين عندها
وشكرا ليكم كلكم

**NoRmAl** · 15-07-2010 02:17 AM

ألف مبروك يا باشا وربنا يديك خيرها ويكفيك شرها يا رب
السعر كويس جدا الصراحه
بخصوص الترخيص
1600 جنيه دا على أساس 3 سنين وانت هتروح تعد باشا ومتتحركش من مكانك ولا تدفع مليم زياده
لو كدا ماشى مبلوعه
أنما هناك كمان تطلع 20 فى 20 وكل شويه يقلك هات كذا يبقى كتير
المفروض الترخيص 3 سنين يعمل بتاع 1100 أو 1200 حاجه كدا
فا ال400 أو ال500 دول بتوع شغل الراجل الى المفروض هيخلصلك الحاجه وأنت واقف
ودى مسعره على فكره :) ومعروفه
فتأكد أنها 3 سنين وأنك مش هتدفع حاجه غير ال1600 جنيه بس بالسلطات والحاجه الساقعه
أنا مأمن مع مصر للتأمين هما كويسيين لكن غلباويين شويه
مبروك مره تانيه

**Ahmed Samy** · 15-07-2010 02:35 AM

يعني سياسة الوكيل في تخويف الناس شغالة فعلا و بتجيب نتيجة !!!

ألف مبروك يا جيمي مادام حضرتك مستريح كده ودي أهم حاجة ...

التأمين المحترم هو أليانز من كل اللي أعرفهم هو نسبته أكبر بس تعامل كويس جدا ...

1600 كويس بس ماتزودش عن كده قوي

انت تديله 1000 و انت داخل المرور و تسيبه و تغطس لحااااااااااااااااااااااا ااااااااد ما يطلع بالرخصة تديله ال600 و سلام سلام

**m_m_k_z** · 15-07-2010 09:55 AM

بص انا لما روحت المرور مفيش واحد في المرور ماخدشي فلوس كل شباك وكل واحد اللي هيرفعلك البصمة هياخد فلوس لان ببساطة كل اللي في المرور بيبقوا مستنيين حلاوة العربية الجديدة انا رخصت من اسبوع او ١٠ ايام كدة في مرور العجوزة كلوا خد فلوس دة انا ياراجل وقفت في بنزينة وماكنتش علقت نمر لسة البنزينة كلها اتلمت عليا وعايزين الحلاوة اللي يمسح الازاز واللي يجيلي يعرض عليا حاجات واللي واقف كلهم عايزين الحلاوة فانت اديهم بس مش كتير علشان تكسر عينهم بس ومبروك علي العربية

**gemy215** · 15-07-2010 04:05 PM

المشاركة الأصلية كتبت بواسطة normal

ألف مبروك يا باشا وربنا يديك خيرها ويكفيك شرها يا رب
السعر كويس جدا الصراحه
بخصوص الترخيص
1600 جنيه دا على أساس 3 سنين وانت هتروح تعد باشا ومتتحركش من مكانك ولا تدفع مليم زياده
لو كدا ماشى مبلوعه
أنما هناك كمان تطلع 20 فى 20 وكل شويه يقلك هات كذا يبقى كتير
المفروض الترخيص 3 سنين يعمل بتاع 1100 أو 1200 حاجه كدا
فا ال400 أو ال500 دول بتوع شغل الراجل الى المفروض هيخلصلك الحاجه وأنت واقف
ودى مسعره على فكره :) ومعروفه
فتأكد أنها 3 سنين وأنك مش هتدفع حاجه غير ال1600 جنيه بس بالسلطات والحاجه الساقعه
أنا مأمن مع مصر للتأمين هما كويسيين لكن غلباويين شويه
مبروك مره تانيه

الله يبارك فيك يا باشا والف شكر علي النصيحه

**gemy215** · 15-07-2010 04:08 PM

المشاركة الأصلية كتبت بواسطة ahmed samy

يعني سياسة الوكيل في تخويف الناس شغالة فعلا و بتجيب نتيجة !!!

ألف مبروك يا جيمي مادام حضرتك مستريح كده ودي أهم حاجة ...

التأمين المحترم هو أليانز من كل اللي أعرفهم هو نسبته أكبر بس تعامل كويس جدا ...

1600 كويس بس ماتزودش عن كده قوي

انت تديله 1000 و انت داخل المرور و تسيبه و تغطس لحااااااااااااااااااااااا ااااااااد ما يطلع بالرخصة تديله ال600 و سلام سلام

والله الفكره مش فكره انها شغاله او لا
انا لو عليا مش فارقه كتير واكيد كنت هجيب الخليجي لكان الوالد مقتنعش نهائي وقالي مش عايز اوجع دماغي بعدين وانا ماليش خير غيره فا قلت خلاص بقا كلها جت في ساعتها ودفعنا معا اننا مكناش نزلين نشتري كان نازل يتفرج معايا بس العربيه كانت عجباني
وربنا يبارك فيك يا باشا

**gemy215** · 15-07-2010 04:09 PM

المشاركة الأصلية كتبت بواسطة m_m_k_z

بص انا لما روحت المرور مفيش واحد في المرور ماخدشي فلوس كل شباك وكل واحد اللي هيرفعلك البصمة هياخد فلوس لان ببساطة كل اللي في المرور بيبقوا مستنيين حلاوة العربية الجديدة انا رخصت من اسبوع او ١٠ ايام كدة في مرور العجوزة كلوا خد فلوس دة انا ياراجل وقفت في بنزينة وماكنتش علقت نمر لسة البنزينة كلها اتلمت عليا وعايزين الحلاوة اللي يمسح الازاز واللي يجيلي يعرض عليا حاجات واللي واقف كلهم عايزين الحلاوة فانت اديهم بس مش كتير علشان تكسر عينهم بس ومبروك علي العربية

يا باشا الف مبروك وان شاء الله ربنا يديك خيرها ويكفيك شركها
حضرتك جبت ايه؟؟
وممكن تقلي تقريبا دفعت اد ايه فلوس في الليله كلها وهل الراجل الي بينزل معاك يخلص الورق بياخد فلوس هوا كمان ولا ايه النظام؟؟؟

**kono** · 15-07-2010 04:10 PM

الف مبروك يا باشا ربنا يديك خيرها ويكفيك شرها

انا كنت مرخص سنة واحدة ب 700 جنيه تقريبا واديت مندوب الشركة 100 وكل اللى عملته انى دخلت الفحص بس وسيبته ومشيت ورجعت تانى بعدها بفترة كان هو خلص كل الاجراءات
شوف بقى ضريبة 3 سني كام وحسبها

**mohamed_selim** · 15-07-2010 04:18 PM

الف مبروك يا باشا ...
هترخص فى مرور ايه؟

الاكيد بالطفايه و التأمين الاجبارى و النمر الجديده و الضريبه 3 سنين و رش على خفيف عملت 1200 و الراجل اللى كان معايا اخد 100 (بس ده امين شرطه من خلال ظابط معرفه)

**gemy215** · 15-07-2010 05:23 PM

المشاركة الأصلية كتبت بواسطة mohamed_selim

الف مبروك يا باشا ...
هترخص فى مرور ايه؟

الاكيد بالطفايه و التأمين الاجبارى و النمر الجديده و الضريبه 3 سنين و رش على خفيف عملت 1200 و الراجل اللى كان معايا اخد 100 (بس ده امين شرطه من خلال ظابط معرفه)

انا مرور اكتوبر

الموضوع: الحمد لله اشتريت كيا سول وكيل

LinkBack

أدوات الموضوع

عرض

-

-

-

المواضيع المتشابهه

لو اشتريت النترا تشترى خليجى ولا وكيل ؟؟

الحمد لله أستلمت كيا سول هاى لاين وكيل و رخصتها (تقرير سريع)

الحمد لله .. اشتريت كارينز

اشتريت ميجاااااااااااااااااااااااااااااااااااااااااان الحمد لله

الحمد لله اشتريت بولو 98

الكلمات الدلالية لهذا الموضوع

المفضلات

المفضلات

ضوابط المشاركة