الموضوع: سخونه الماتور ومؤشر الحرارة لم ترتفع

صحيح جداً

مفيش ميه = مفيش مؤشر

وعندي الدليل على كده كمان

ايه رأيكم في الماركات التاليه من العربيات: بي إم دبليو - فولكس فاجن - مرسيدس؟

طبعاً هتقولوا عربيات ممتازة وأي واحد بيحلم بعربيه حيكون بيحلم بحاجة زي كده.

طيب ايه علاقتهم بموضوع الميه والمؤشر؟

حقولكم...

العربات دي كلها فيها قربة مياه فايظ مزودة بحساس وظيفته انه يظهر للسائق لمبه تحذير في حالة نزول مياه القربة عن مستواها الطبيعي، علماً بأن كل هذه العربيات مزوده بمؤشرات حرارة في التابلوه.

وأعتقد انه مش معمول طريقتين لمراقبة السخونة والمياه للرفاهية بس عشان تحمي العربيه من مشكله زي تسرب المياه من غير ما يحس السائق او يسيبها سنه مثلاً من غير تزويد مياه وتتبخر بشكل طبيعي والعربيه تبوظ

ومع الأسف في مناقشة أخرى مع الأخوة في المنتدى حول نفس الموضوع رفضوا الرأي ده لما عرضته رغم اني قلت اني فقدت وش السلندر مرتين بسبب تسرب مياه التبريد دون ملاحظة تغيير غير طبيعي في المؤشر.

من ساعتها بشوف مياه التبريد كل يوم ... طبعاً دي مبالغة بس بقى عندي الهسهس بسبب المواضيع دي!

وتقبلوا تحياتي ومروري...

المشاركة الأصلية كتبت بواسطة احمد المصرى

ما دى مصيبه من الشركه المنتجه معنى كدا ان الحساس يعتبر ملوش لزمه فى حاله ان حصل تسريب للميه لاى سبب



واحد اعرفه حصل معاه نفس الموقف والعداد قرايته تمام التمام والعربيه طبيعيه معرفش انها سخنت غير لما طفت لوحدها من كتر السخونيه وكل ما يدورها تطفى ساعدها نزل بص ملقاش مايه حطلها مايه راح وش السلندر ضرب

على فكرة عكس اللى حصل معايا تماما
انا مرة من فترة وانا ماشى فى امان الله
بالصدفة بضرب عينى على مؤشر الحرارة
لقيتة عمال يعلى وداخل على الربع الاخير
قومت راكن فورا ومبطل العربية وفتحت الكبوت لقيت الحرارة عالية
اتصلت بالميكانيكى قالى سيبها تهدى خالص وشوف القربة فيها ميا ولا لأ
لو لقيتها فاضية دور وزود ميا وحاول تشوف لو فية خرطوم ولا حاجة بيسرب او مقطوع
وبالفعل لقيت خرطوم مشقوق وبيجيب ميا .

معنى كدة ان لو حصل تسريب عداد الحرارة هيعلى ولا اية؟؟؟
اعتقد ان الوضع دة الصح.........