والله يا جماعه الواحد لو قعد يكتب صفحات في الشارع المصري وبلاويه مش هايخلص يعني باختصار شديد والواحد ماشي في الشارع بيحس انه ماشي فى السيرك القومي واحيانا كتير كل ما اشوف سواق ميكروباص راكن في نص الشارع افتكر عنوان الروايه اللي اسمها مدينة البهائم
لدرجة اني بقيت متحفز للانتقام من اي سواق ميكروباص
من كام يوم نازل من الدائري وجاي ورايا ميكروباص ضاربلي العالي في المرايه عماني وعمال يقلبلي نور اتخنقت منه جاي يعدي من جنبي رحت قافل عليه بيعدي من الناحيه التانيه زنقته تاني وفي التالته رحت سايبه وداخل بنزينه وهو طبعا وقف شايط عمال يضرب كلاكسات طبعا انا كنت في قمة سعادتي عشان اللي عملته فيه بس بعد ما طلعت من البنزينه لقيت سواق تاكس بيقلي الحق نزلت لقيت الإكصدام في الأرض وبيجرجر وسواق الميكروباص كان بينيهني وانا عملت فيه كده زعلت من نفسي وفكرت من كتر اللي بيعملوه فينا في الشارع الواحد بأه متحفز على أي سواق ميكروباص بسبب ومن غير سبب حسبنا الله ونعم الوكيل
المفضلات