الموضوع: معاناتنا اليومية فى شوارعنا البهية (فضفض معانا بدل ماتفرقع )

كان الله فى العون

:d:d:d
هكهربهولك انا
هروح اركن هناك واجرب الصاعق اللى جبته من ساعه مجبته مجربتوش على حاجه بتمشى وجتلى الفرصه هكهربه وااقلك


:)اعمل زىى انا برجع الكرسى لورا واقفل القزاز واشغل الكاست وانفض

السلام عليكم أخوة الكفاح و الجهاد في شوارع المحروسة مصر
هناك فئة كبيرة من هذا الشعب عايزة الحرق ببنزين يكون أقل فئة يعني لو في أقل من الثمانين يبقى ماشي
المهم .... إن أنا أكتشفت حاجة .... إن أغلبية اللي بيسوقوا على الشوارع المصرية من محدثي النعمة الذين كانوا لفترة قريبة جدا فقراء أو من غير مالكي السيارات و هذا بالإضافة إلى أنهم ليس لديهم أي أخلاق و لذلك تنتقل أخلاقهم المتدنية تدني حقير و رهيب إلى الشارع و يلوثونه بفيروساتهم اللأخلاقية
و يأتي الدور على الناس أمثالنا المحترمين لكي نتحمل هؤلاء الجرابيع .... الحيوانات الذين ينغصون علينا حياتنا بأخلاقهم المتدنية
يعني تلاقي أغلبية سائقي الميكروباصات ( ليس كلهم حيث أن كبار السن محترمون ) من هذه الفئة و يشاركهم بأقتدار سائقي النقل بأنواعه .... و تنتشر فيروساتهم بسرعة رهيبة إلى بعض الشباب الذي يظن نفسه مايكل شوماخر على حلبة فورميلا وان للسباقات و بدون وعي يقنلون الأبرياء
المهم .... إن المشكلة الحقيقية تكمن في أن الشرطة لا تحرك ساكنا لوقف هذه المهازل .
و تساعدهم بالآتي
رخص القيادة المصرية من أسرع الرخص في الاستخراج في العالم و أسهلها
الطرق المصرية تتميز بأن مستخدموها يجب أن يستخدموا قانونهم الخاص عليها نظرا لغياب قانون الدولة على هذه الطرق
الرشاوي التي يتقاضاها أمناء الشرطة من هؤلاء السائقين للتغاضي عن مخالفتهم الجسيمة و التي تؤدي إلى تعطيل الطرق و قتل الأبرياء
------------------
نيجي بقى لموضوع الركن في القاهرة الكبرى
أنا مرة رحت ركنت في شارع عباس العقاد ..... المهم و أنا راجع على العربية علشان أمشي لقيت برشوت نزل من السما و بيقولي أي خدمة يا بيه ؟؟؟؟؟؟؟؟ فتسألت أي خدمة على أيه ؟؟؟ فقالي أنا خدنا بالنا من العربية .
المهم طنشت ..... و طلعت جنيه و اتديتهوله و أنا عارف إن أنا غلطان لأني بشجع الجرابيع دول يبقوا بلطجية .... المهم أخونا البجح بص للجنيه و قالي أنا عايز 2 جنيه فقلتله ليه ؟؟
رد و قالي هي الركنة هنا ب 2 جنيه !!!!
قلتله بس أنا مش شايف معاك دفتر تذاكر و مش شايف أي علامة أو يافتة بتقول إن الركن هنا بفلوس
المهم كنت أخر صبر معاه و قعدت أستدرجه في الكلام و عرفت أنه من الصعيد و مش لاقي شغل و راح سايب الصعيد و جه على القاهرة علشان يبلطج على أهلها .
المهم أقنعته و قلتله بص يا ريس اللي أنت بتعمله ده أسمه شحاته بالأكراه و أنت أصلا مش من حقك تقف هنا و تلم فلوس من الناس لأن الشارع ملك للناس جميعا و من حقي أركن ببلاش مادامت الحكومة محتطش يافتة تقول عكس ذلك .
و أنا لما أتعطف و أطلع جنيه و أديهولك يبقى تبوس أيدك و ش و دهر و تحمد ربنا إن أنا عطفت عليك و اديتك جنيه ..... و رحت قايله بس أنا هاديك ال 2 جنيه
و رجت راكب العربية و طلبت منه الجنيه اللي أنا اديتهوله في الأول لأنه كان نصين و ركب العربية و رحت مدور و لا شاف جنيه و لا حتى ربع جنيه
و فرحت قوي أنا أنا عملت كدا ......... غيظت اللي جابوه ....
و طبعا أنا عايز صفحات و صفحات للتنفيش عن نفسي و القدرو على حكاية كل القصص الخرافية التي تحدث في مصر بلد العجائب .
و لي عندكم طلب ......... بالنسبة للفقرة الأولى من كلامي و اللي تودي في داهية أرجوكم إذا ذهبت بسببها لمكان ما مغلق و عليه قضبان :D :D :D .... لا تنسوا أخوكم بالعيش و الحلاوة
و السلام ختام يا رجاله
----------------
شكرا خاص لأخينا الأستاذ فيات مومو لفتح الموضوع

الفقرة الأولي بالفعل اصابت كبد الحقيقة ..واحنا بسلبيتنا الي بنخلي الناس دي تتجرأ علينا وموقف fiatmomo بيحصلي كتير وفي الغالب مبدفعش حاجه عند و بسيبه يهفلط في الكلام و بأضغط علي اعصابي و استحمل لأني لو نزلت حتكون بهدله خصوصاً ان الناس دي بتساعد بعضها و بتعتبر ان الأفنديه الي زي حالاتنا ميصحش نعلمهم الأدب وان لازم يسندوا الزملاء في الكار .

والغلط بصراحة من الحكومه و الشرطه بشكل خاص الي سايبه الناس دي تطيح في البشر والناس الواطيه دي بتعتمد علي انك مش حتغامر و تبهدل نفسك و خصوصاُ لو معاك مراتك و عيالك ..والحل التاني انك تلجأ الي الشرطه وده انساه و واحكيلك عي واقعتين في هذا الصدد :

الحادثه الأولي :

كانت من حوالي 7 سنين و كان عندي امتحان في شركة و بحاول ادور علي ركنه في ميدان الخرطوم امام كلية الطب واخيراً وجدت مكان..في المرأة لاحظت ان شخص جاي يجري عليا ..
الشخص:بتعمل ايه يا استاذ ؟
انا : يعني حكون بعمل ايه...بركن العربيه
الشخص : ميمفعش تركن هنا
انا : ليه يعني ؟ امال اركن فين
الشخص:اركن في اي حته تانيه عشان ده محجوز
انا : يعني ايه محجوز و انتا مين اساساً ؟ بقولك ايه انا مستعجل و اخلع من دماغي
الشخص: انا السايس هنا هو انت مستغني عن عربيتك و لا ايه ؟
انا محتداً: انتا بتهددني و لا ايه ؟ اروح اجيبلك عسكري يشدك ؟
الشخص: انتا حتعملي فيها وطني وريني تقدر تعمل ايه
انا بعد ان لاحظت انه مش همه:بقولك ايه ؟ انتا ملكش غير حسنتك و خلاص سيبني بقي عشان انا مستعجل
الشخص : سيب الهند بريك عشان إحتمال احركها
سبت الهند بريك و قفلت العربية و انا بلعن مهنة البلتجة الي اصبحت منتشرة و تركت التفكير في كيفية الإنتقام إلي ما بعد الإمتحن.
بعد الإمتحان خرجت وانا متعكنن اخر عكننه لأني نيلت الدنيا في الإمتحان و قررت اني اروح اطلع نفخي كله علي السايس ..بل اني قررت اني امسكه اطحنه علقة..ولكن بعد تفكير قررت اني ابقي متحضر و اعمله محضر..ثم سألت اول عسكري وجدته عن وجود ظابط قريب من هنا فقرر العسكري انه يوجد ظابط علي بعد 50 متر بس من الموقعة فتوجت له و دار الحوار الأتي :...
انا: السلام عليكم
الظابط: و عليكم السلام
انا : من فضلك فيه واحد سايس هنا عامل بلتجي و بيبجح في الي ييجي يركن
الظابط : و بعدين؟
انا : كنت بسأل ساعتك إن كان ممكن تبت معايا عسكري من الي وقفين يخوفه شويه عشان ميعملش كده مع حد تاني
الظابط: للإسف اصل ده مش تبعي ..ده تبع حي شرق
انا: حضرتك ده علي بعد 50 متر اهو هناك
الظابط: مانا قلتلك انه مش تبعي..ممكن تروح قسم باب شرقي و هما حيبعتوا معاك عسكري يديه علي قفاه و يعلمه الأدب .
انا شكر الظابط و هو منفوخ من البلد الوسخه دي و راح راكب عربته و مشي من سكات

الحادثة الثانية :

مساء احد الأيام اتصلت بخطيبتي (الكلام ده من 10 سنين) للخروج وذهبت لها في الموعد و انطلقنا بالعربية (كانت السويفت ساعتها )علي شاطي الكورنيش و علي الرغم من اعمال التوسعة في الكورنيش إلا انه كان رائع كالعادة.انا انسان متحضر و بسوق بإعتدال حتي إذا وجدت مطبات علي الكورنيش فيبطء من سير العربية مع تشغيل اضواء الإنتظار . و في احد المطبات تصرفت كالمعتاد أبطء من سير السيارة و اشغل اضواء الإنتظار الإ ان صوت من خلفي دوي (بوووووم) و اهتزت انا و خطيبتي داخل السيارة ثم نزلت من السيارة عشان اشوف و انا احدث نفسي بأن اكيد واحد حمار خبط فيا من ورا .....
انا: ايه ياعم الي انتا عملته ده ..كده كسرت اكصدام العربيه !
الحمار بصوت عالي :فيه حد يفرمل مره واحده كده !
انا : مانتش شايف ..الأرض مكسره و بعدين انا مدي انتظار ...انتا مبتشفش ؟
الحمار و هو متجه لسيارته : ناس اغبيا
انا وانا بجري ورائه في اتجه سيارته : رايح فين ؟ و الأكصدام الي كسرته ده
الحمار: ابقي خد نمرة العربيه انتا مش عارف انا مين ؟
ادركت انه لن يفيدني شيء الإشتباك مع الرجل في خناقه بالأيدي خصوصاُ انه معايا خطيبتي و لا اعرف نتائج خناقة زي دي ممكن تكون ايه ..طب و الحل ...فكرت في انه لازم اعمله محضر فتوجهت لأقرب نقطة شرطة و دار الحوار الأتي....
انا: السلام عليكم
الصول : عليكم السلام
انا: في ظابط جوه من فضلك
الصول: ايوه ايهاب بيه جوه
خبط علي باب ايهاب بيه : السلام عليكم
ايهاب بيه: و عليكم السلام...خير ؟
انا: عاوز اعمل محضر لواحد خبط عربيتي من ورا
إيهاب بيه: و ده فين الكلام ده ؟
انا :علي البحر في استنلي
إيهاب بيه : و عربيتك حصل فيها ايه ؟
انا: الإكصدام اتدغدغ
إيهاب بيه:وبكام الإيكصدام ده ؟
انا: حوالي 100 جنيه
إيهاب بيه : عاوز نصيحتي ؟
انا :ايوه طبعاً
إيهاب بيه: كبر دماغك و روح اشتري واحد جديد.انا ممكن اعملك المحضر بس مش حيفيد بحاجه إلا لو كنت مأمن علي العربيه
انا: يعني حضرتك رأيك كده ؟
إيهاب بيه: انا بقولك الصراحه
انا و انا مستاءً من الصراحه:طيب انا شاكر ليك جداً ...السلام عليك

المشاركة الأصلية كتبت بواسطة ams

مع كامل احترامى لك انى اعارض وبشده هذا الجزء من كلامك . صحيح ان الطبقتين الغنية و الفقيرة هم الاكثر انحلالا والطبقة الوسطى هى الاكثر محافظة لكن ما نراه فى الشواره هو تدنى عام فى الاخلاق من كل الطبقات الا من رحم ربى وهم ليسوا بالفئة القليلة ولا تنسى ان من تدعوهم ب"الجرابيع" حظهم من الدنيا قليل جدا فلا تربية ولا تعليم ولا ظروف صحية او بيئية انسانية و لا اهتمام او رعاية او حنان لكثير من الاسباب و يصارعون لاجل قوت يومهم فلا تطلب من جائع ابدا التهذيب و التحضر

لأ طبعاً الأخلاق و التحضر ده مالوش دعوه بالفقر ..وانا اعرف ناس كتيره فقيرة بس متحضرين جداً في سلوكهم و حياتهم و كلنا بنصارع من اجل قوت يومنا و يكفي ان الي شغالين علي الميكروباصات و السياس و دول ممكن يكونوا بيحققوا دخل اكبر من ناس كتير منا ولكن هما بيشتغلوا الشغله دي عشان هما ميعرفوش يشتغلوا غيرها وانا بصراحة مقتنعش بواحد يدعي ان دخله قليل و حظه من الدنيا قليل ويروح يضيع القرشين الي بيتحصل عليهم علي المخدرات او حتي السجاير