عاوز رأيكم في عربية معروضة عليا

**Oliver** · 15-07-2010 04:00 AM

السلام عليكم ورحمة الله وبركاته يا أهل الخير
أولا أنا دخلت المنتدى بالصدفة ولكن كانت صدفة جميلة جدا اني الاقي ناس محترمة بتفيد بعضها وتنفع نفسها وغيرها لوجه الله ربنا يبارك فيكم ويجعل ده في ميزان حساناتكم باذن الله ومش هطول عليكم كتير

عاوز رأيكم في عربية معروضة عليا هي نوبيرا 2 خليجي معاقين موديل 2002 عاملة 68000 كيلو لونها أسود ومرفوع الحظر بتاعها وجبت ميكانيكي فحصها قالي زي الفل مافيش غير شوية دقدقة في السكوترات وساعتها صاحبها قال عاوزة تغير جلب المقصات
المهم سعرها المطلوب والنهائي 48 ألف وعلى فكرة العربية فعلا ماشاء الله عليها حلوة وفيها امكانيات جميلة مش موجودة في النوبيرا المصري وللعلم يا جماعة دي أول عربية هشتريها من فلوسي يعني تعب وشقى وعلشان كدة عاوز أعرف رأيكم علشان الواحد مش كل شوية هيجيب عربية

منتظر ردكم وبارك الله فيكم

بالمناسبة أنا اسمي أحمد والاسم اللي مسجل بيه في المنتدى ده علشان كل ما اكتب اسم يطلع موجود رحت كتبت اسم المدير الاقليمي للشركة اللي بشتغل فيها
والسلام عليكم ورحمة الله وبركاته

تم تعديل عنوان الموضوع لمخالفتة القاعدة 16 من قواعد المنتدى

برجاء عدم تكرار المخالفة منعا لتوقيع عقوبات

يرجى مراجعة قوانين المنتدى

مشرف عام الكورى و الماليزى

**khalid9411** · 15-07-2010 04:05 AM

شرفتنا يا استاذ احمد وان شاء الله ربنا هيديلك كل ما فى نفسك
النوبيرا عربية جميله جدا طبعا ومحدش ينكر ذلك
وطبعا ما ذكرتش حضرتك هى فتيس اتوماتيك ولا فتيس مانوال
وسوف ننتظر اصحاب النوبيرا الاعزاء ليفيدونا بالرد الازم واستفسارتهم عليك ان شاء الله تعالى

**Oliver** · 15-07-2010 04:20 AM

ألف شكر يا استاذ خالد ربنا يبارك فيك
عندك حق أنا نسيت أقول انها اوتوماتيك

يا جماعة أنا منتظر الرد بالله عليكم حد يفيدني أنا محتار فعلا

**shaddadfalcon1** · 15-07-2010 09:11 AM

انا من رايي ابعد عن المعاقين عشان قرفها كتيير وبتلككو في كل حته عشان ياخدو فلوس

**mxmx** · 15-07-2010 09:20 AM

هيه مانيوال ولا اتوماتيك

**TAMERHASSAN** · 15-07-2010 09:32 AM

توكل على الله يا استاذ احمد النوبيرا فعلا عربيه جميله وتتحمل السفر وثابته وعائليه وقطع غيارها متوفره ورخيصه ويكفى انها وارد كوريا بس نصيحه لوجه الله سجل فى الشهر العقاري على طول خاصه انها معاقين