محفظتي ضاعت بكل اللي فيها ايه العمل

**Karim_Monir** · 15-07-2010 04:13 AM

السلام عليكم
محفظتي ضاعت من كام ساعة وانا في النخيل في اسكندرية بكل اللي فيها
فلوس مصري ودولارت ويورو والرخص والبطاقة وكارنية النادي والمشكلة الاكبر كروت 6 بنوك والتامين الطبي وكذا كارت تخفيضات
مش مهم كل الفلوس ما عدا الرخص والبنوك
مش عارف اعمل ايه
جايلي حالة شلل ومش عارف افكر حتى في اي حاجة
دلوني ودعواتكم اللي يلاقيها يجيب الرخص حتى عشان اعرف اروح القاهرة

**fady.bekatcho** · 15-07-2010 04:19 AM

فى داهية الفلوس
المهم طبعا تعمل محضر بان الرخص والبطاقة ضاعو علشان ما حدش يعمل بيهم مصيبة وتخلى مسئولية
وطبعا البنوك تروح تلغى كل الفيزا والكروت بتاعتهم

**fady.bekatcho** · 15-07-2010 04:20 AM

وباذن ربنا واحد ابن حلال هيلاقيهم ويرجعولك تانى

**NoRmAl** · 15-07-2010 04:25 AM

الحمد لله وقدر الله وما شاء فعل
فعلا أول حاجه تعمل محضر فورا وتكلم البنوك بسرعه جدا توقف عمل كل الفيز
وإن شاء الله ربنا يعتر فيها واحد أبن حلال يرجعهالك
بس أنت أدعى وقول يا رب

**ahmed ismail** · 15-07-2010 04:25 AM

اجارك الله فى مصيبتك

بالنسبة للفلوس انساها مبدائيا عوضك على الله فيها

ثانيا
اتصل حالا بكل بنك من البنوك ديه و بلغهم يوقفوا كل الكروت عشان اللى خدها ممكن يشترى بيها اى حاجه
ثالثا اعمل محضر فى القسم وخد صورة منه و امشى بيها و حط فى المحضر ده محتويات المحفظة عشان لا قدر الله لو وقفوك فى اى لجنة عقبال ما ترجع مصر تطلعلوهم صورة المحضر ان الرخص ضاعت منك
رابعا اول ما ترجع مصر روح على السجل المدنى طلع بدل فاقد اظن حتاخد اسبوعين و ممكن اقل لو فيه واسطة وطلع بالمرة وانت واقف صورة شهادة ميلاد بيدوهلاك وانت واقف و لو عندك صور البطاقة بتاعتك خدها هى و شهادة الميلاد الاصلية وصورة المحضر و روح على المرور وابدا امشى فى اجرائات بدل الفاقد للرخصة بتاعتك ورخصة العربية

اهم حاجه دلوقتى تبقى مركز وانت فى اسكندرية على حاجتين اول حاجه تتصل حالا او اول ما يفتح مركز الكروت بتاع كل بنك توقف الكروت بتاعتك فورا تانى حاجه تعمل محضر

اهم نقطة دلوقتى خالى بالك من العربية بتاعتك كويس جدا جدا جدا و حاول تأمنها علىقد ما تقدر عشان ممكن يتعمل عليها توكيل رسمى فى الشهر العقارى و تتسرق منك و تبقى بتاعت الحرامى رسميا وقانونيا و بتحصل كتير لو حد ليه معرفة فى اى شهر عقارى بيعمل الموضوع ده بسهولة
و ربنا يعينك و يسترها معانا ومعاك

**ehab_mansour** · 15-07-2010 08:02 AM

لا حول ولا قوة الا بالله
اللهم أجره في مصيبته واخلفه خيرا منها
ربنا يسترها معاك لحد ما تسترد حاجتك يارب

**ahmed4000** · 15-07-2010 09:21 AM

البنوك ممكن توقف الكروت بالتليفون لغاية لما تعمل محضر
ربنا معاك

**Pharaoh** · 15-07-2010 09:23 AM

هو اية موضوع المحافظ اليومين دول
ركز و جرب تدور عليها كويس لانك بتقول انها ضاعت مش اتسرقت
ووبص تحت كراسى العربيه
وحاول تركز اكتر و ترجع شريط الذاكرة يمكن تفتكر لقطة كدة تقولك نسيتها فين

ولما تكلم البنوك عشان توقف الكروت اتاكد اذا كانت فى عمليات تمت بيها ولا لا

ربنا يسهل ان شاء الله وترجعلك

-

-

الموضوع: محفظتي ضاعت بكل اللي فيها ايه العمل

LinkBack

أدوات الموضوع

عرض

محفظتي ضاعت بكل اللي فيها ايه العمل - انشر الموضوع فى :

-

-

-

-

المواضيع المتشابهه

الكاوتشة فيها عالي وواطي .. ايه العمل ؟

العمل ثم العمل ثم العمل - منقول للافاده..

اللي عربيته ضاعت يروح لسيدنا الشيخ

شاشه من اللي فيها يو اس بي مع جي ام

ايه اللي عمل فيها كدة ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة