اخيرا ... اشتريت لمبة الفوج لايت للاوبترا ... Trifa المانى
السلام عليكم ورحمة الله وبركاته
اللمبتين بتوع الفوج لايت عندى بقالهم فتره طويله محروقين
دورت عليهم كتير مش لاقى نوع كويس
حاولت اجيبهم من توكيل فيليبس مش موجودين خالص بقالهم كذا شهر
وكل ما اسأل فى المحلات العاديه مش موجودين
يا اما موجودين بس نوع كدا شكله صينى تعبان مش عاجبنى مكتوب عليهم OSAMA
معرفش مين اسامه دا :) بس دول منتشرين جدا موجودين فى كل المحلات تقريبا مفيش غيرهم
اتصلت بالتوكيل اسأل عليهم مش موجودين
لحد النهارده بالصدفه كنت ماشى فى شارع المنيل قلت اسأل
لقيت واحد بيوصفلى محل اسمه الجندى ( وانا كنت سمعت الاسم دا قبل كدا )
قاللى اكيد هاتلاقى عنده
المهم رحتله عندك لمبه 880
قاللى موجود
قولتله نوعها ايه
قاللى المانى :)
قولتله طب وريهانى
فعلا طلعت المانى نوع اسمه TRIFA
ونفس اللمبه اللى انا عايزها 880 - H27W/1
ودى صورها
http://img80.imageshack.us/img80/5874/15072010982.jpg
http://img22.imageshack.us/img22/1594/15072010983.jpg
http://img196.imageshack.us/img196/4895/15072010984.jpg
http://img15.imageshack.us/img15/5185/15072010985.jpg
http://img441.imageshack.us/img441/3...0720101002.jpg
http://img21.imageshack.us/img21/8530/15072010997.jpg
اللمبه شكلها محترمه فعلا وخامتها نضيفه زى الاصليه اللى كانت راكبه بالظبط
بس لسه مركبتهاش ان شاء الله هاركبها واقولكم ايه الاخبار
سعر اللمبه الواحده 45 جنيه
والسلام عليكم
