محدش عارف طريقه نزود بيها ال Free Space للـ C فى وندوز 7 ؟

السلام عليكم يا احلى اعضاء
طبعا عنوان الموضوع شارح نفسه
مع وندوز 7 بلاقى مساحه البارتشن بتتاكل اكل و الفرى سبيس بيقل يوميا تقريبا و بمعدلات مخيفه !!
ياترى فى طريقه للحوار ده ؟؟ او فايلات وفولدرات فى فولدر الوندوز المهول ده ممكن تتدلت من غير ما تأثر على شغل الوندوز ؟؟
الله يرحم ايام الأكس بى كنت بانسف فولدر الوندوز من حجات كتير من غير مالنسخه تتأثر نهائى
للعلم انا مقلل ال virtual memory page file والـ Hibernation لاغيها .. ومش مستب برامج كتير يادوب اللى بحتاجه بستبه و غالبا بامسحه بعدها
أعمل ايه تانى ؟؟؟ :shyy:

====

للعلم .. بعد ما عملت بوست للموضوع اول مره و التحميل وقف رجعت للصفحه الرئيسيه و اتأكدت ان الموضوع مكانش اتحمل و نزل .. و لما عملته تانى لقيته موجود مرتين برده مفيش فايده !!
اسف جدا للإداره و ارجو حذف الموضوع الأخر ..

قلل مساحة الريستور بوينت اللي على السي
system restore points
من اعدادات النظام
وامسح ال recycle pin
وشغل برنامج ال ccleaner المجاني مع ملاحظة والتدقيق في علامات ال " صح " امام الذي سيحذفه ,, وعلم على اللي تحت ماعدا آخر مربعين

1 أفتح my computer
2 هتلاقي في شريط فوق مكتوب فيه system properties ... دوس عله
3 هتفتح صفحة فيها مواصفات جهازك
4 هتلاقي علي الشمال كذا أختيار منهم system protection .... تدوس عليه
5 هتلاقي صفحة ظهرت فيها ال drivers بتوعك ومعمول عليهم off سيبهم زي ما هما ودوس علي زرار configure
6 هتظهر صفحة كمان فيها كذا أختيار وكل واحد جمبه mark
7 هتعمل mark جمب أخر واحدة turn off system protection
8 apply و ok
وقولي النتيجة

نزل النسخة دي ومن مرحلة التثبيت غير المساحة

Puppy Linux version 4.3

الف شكر يا شباب بس انا برده كنت لاغى ال System restore !!
وهى دى نسخه لينوكس يا mrwho1982 ??
فى اى افكار تانيه ؟؟

نزل البرنامج دة
CCLEANER
وهايشيل ليك ملفات التمب والملفات المؤقته والملفات المؤقته اللى بتنتج عن البرامج المتستبه
جرب وقولى النتيجه

السلام عليكم اولا

بص ياسيدي دي نسخة لينكس بس اصدار قديم وخفيف

انت مش هاتنزلها عالجهاز انت هاتشغلها علي الجهاز وتعمل بووت منها كانك هاتنزل النسخة ومن هنا تعمل resize

بعد كده هاتعمل ريستارت للجهاز ويتم عمل شوية عدادات علشان ال taple

وتعمل ريستارت تاني وهايقوم بالواجب وادعيلي ولو انت في مدينة نصر او التجمع الخامس قولي وانا اجي اعملهاللك مش هتاخد 15 دقيقة

تقبل تحياتي

نصيحة ماتجربش portetion magic

او اي برنامج يعدل في ال taple

تقل تحياتي

ابو عبد الله

هو حجم البارتيشن ال C اد ايه ؟
لو فولدر الويندوز في حدود 10 جيجا يبقي طبيعي الويندوز بتكرر نسخ كتير من كل ملف
في اداة شغلتها انها تشيل النسخ المكررة من الملفات في الويندوز و بتعمل لك نسخة واحدة باك اب
بس الصراحة لم اجربه و لا اعرف تاثيره علي الويندوز
برنامج
Duplicate Cleaner


انما جربت CCLEANER الذي نصحك به الشباب و هو برنامج مفيد و امن طالما متاكد اولا هو حيمسح ايه

بص يا باشا يستحسن تفرمت باسطوانة ال7 وتحدد مساحة كبيرة لا تقل عن 40 جيجا لدرايف السيستم لان ال7 ملف ال page file بتاعها كبير جدا ومينفعش يتمسح وكل ما بتعمل حاجة على الجهاز بيكبر اكتر.يعنى لحد دلوقتى مستغل عندى 3 جيجا.

ال C-Cleaner برنامج ممتاز بستخدمه من اكتر من 5 سنين بس مش هيشيل كتير.بس هو مفيد مع الTemp اوى.

وطالما انك بتستخدم ال 7 يبقى اكيد الفورمات عملتهNTFS ؟ لانه لو FAT 32 هيعملك مشاكل كتير منها المساحات اللى انت شايفها فاضية ومش راضى مثلا ينقل فايل اكبر من 4 جيجا

افتح بقى اللينك دهCopy and paste فى الشريط اللى فوق واعمل ديليت للفايلات كلها بش مش الفولدر Windows\SoftwareDistribution\Download

ممكن تنقل temp فى درايف تانى
وكمان ممكن تنقل temporary internet files ايضاً - أو تمسحهم أول بأول

استاذ mrwho1982 تسلم على الشرح و بإذن الله هجربها فى اقرب فرصه
emo_ayman
البارتشن مساحته 20 جيجا و انا عامل كل البارتشنات NTFS .. و جربت اللنك و الفولدر طلع فاضى تماما .. مفيش حاجه امسحها .. كنت نفسى الاقى حاجه افرتكها مش بس امسحها :)

نوبل و asl وخالد.. هجرب و اقولكو النتيجه ان شاء الله

هو الويندوز واخد كام جيجا من السي اول ما سطبته وواخد كام الان ؟
هو في الغالب بياخد 9 جيجا من غير ما تثبت اي برنامج
بعد ما تثبت الاوفيس والفوتوشوب او برامج الصور الكبيرة وكمان شوية برامج وكوديكس تلاقي خد مساحة 12 الى 14 جيجا
فلو كان في الحدود دي فده يعتبر طبيعي
لو تستخدم برنامج تورنت فخلي الداونلود بعيد عن السي علشان هو بيحمل عليه
انا عامل السي 26 جيجا
انا بستخدم البرنامج Disk Cleaner لمسح ملفات النظام المؤقتة وخلافه

http://www.xs4all.nl/~mp2004/a_install/dcsetup.exe


http://www.xs4all.nl/~mp2004/images/screenshot.png

اقتباس:

---

المشاركة الأصلية كتبت بواسطة m7nsh

استاذ mrwho1982 تسلم على الشرح و بإذن الله هجربها فى اقرب فرصه
emo_ayman
البارتشن مساحته 20 جيجا و انا عامل كل البارتشنات NTFS .. و جربت اللنك و الفولدر طلع فاضى تماما .. مفيش حاجه امسحها .. كنت نفسى الاقى حاجه افرتكها مش بس امسحها :)

نوبل و asl وخالد.. هجرب و اقولكو النتيجه ان شاء الله

---

مساحته 20 جيجا و متضايق انه بيتملى بسرعة!!

انا بارتيشن الويندوز عندى عاملاه 100 جيجا و دلوقتى فاضل فيه بتاع 7 جيجا فاضى
دانا على كده اولع فى الجهاز بتاعى :majd(4):

يبقى لازم تفرمت من اول وجديد وتكبر مساحة السيتسم عشان كمان كل ما تكبر كل ما الجهاز هيبقى سريع.

بالنسبة انك لقيت الفولدر فاضى يبقى انت قافل الوندوز ابديت.

هو انت لما نزلت الوندوز كنت مفرمت ومنزلها ولا كنت عامل upgrade لفيستا ؟

اقتباس:

---

المشاركة الأصلية كتبت بواسطة shery103

مساحته 20 جيجا و متضايق انه بيتملى بسرعة!!

انا بارتيشن الويندوز عندى عاملاه 100 جيجا و دلوقتى فاضل فيه بتاع 7 جيجا فاضى
دانا على كده اولع فى الجهاز بتاعى :majd(4):

---

هههههههههههههههههههههههه الجهاز لو بيتكلم هايقوللك حراااااااااااااااااااااام عليكي ارحميني

كما ذكر الشباب 20 جيجا قليل علي ويندوز 7
عندي هنا 40 جيجا البارتيشن و الويندوز نفسها تحتل حوالي 28 جيجا و لا استطيع تقليلها عن كده

الحل الامثل لمشكلتك تكبير البارتيشن C باضافة مساحة فاضية من البارتيشن D و هناك العديد من البرامج المجانية او بالكراك التي تقوم بهذه الوظيفة بدون مسح او فورمات او اي تاثير علي السيستم بتاعك
acronis disk director
EASEUS Partition Master
Paragon Partition Manager

لو معندكش مساحة الهارد ال 500 بلو ويسترن ديجتال ساتا 2 عامل 220-240 جنيه و ده سعر كويس اوي

شكرا يا شباب على الردود
نوبل ..انا شكلى كده هكبر مساحته فعلا .. هابقى اعمله resize من اى برنامج من اياهم
ايمو .. انا مستب نسخه و مفرمت .. مش عامل ابجريد من فيستا ليه .. و فعلا انا قافل الوندوز ابديت
شيرى .. بجد حرااااااااام !! انا مش مصدق 93 جيجا فى وندوز ليييييييييييييييييه ؟
سكاى بيرد .. انا دونت البرنامج هجرب و ربنا يسهل :)

[QUOTE=m7nsh;3872863684]شكرا يا شباب على الردود

ايمو .. انا مستب نسخه و مفرمت .. مش عامل ابجريد من فيستا ليه .. و فعلا انا قافل الوندوز ابديت

لو عامل ابجريد بيبقى عادة واخد مساحة اكبر من المفترض.بس لما وضحت انه الدرايف متقسم صغير يبقى انت كدة فعلا محتاج تفرمت من اول وجديد.

بلااااااااااااااااااااااا ااااش resize باي برنامج ممكن تبوظ ال taple portetion

وممكن تلاقي مرة واحد درايف طاير بالملفات اللي جواه وبلاش برامج ال portetion magic

والكلام الفاضي ده

ياريت حضرتك تفهمنى ايه حوار ال taple partition ده ؟
لأنى استخدمت البرامج دى كتير جداااااااااااااا بمختلف انواعهم و اصداراتهم مع هاردات كتير و مكانش فى مشاكل ؟؟ مش تشكيك بكل تأكيد فى كلامك بس فعلا انا باحس ان البرامج دى ممكن يكون وراها بلوى بس مش عارف السبب :(
و فرصه انت بقى تقولى :)

الويندوز 7 نفسه ممكن يكبر لك السي بطريقة امنه

اقتباس:

---

المشاركة الأصلية كتبت بواسطة m7nsh

الله يرحم ايام الأكس بى كنت بانسف فولدر الوندوز من حجات كتير من غير مالنسخه تتأثر نهائى
للعلم انا مقلل ال virtual memory page file والـ Hibernation لاغيها .. ومش مستب برامج كتير يادوب اللى بحتاجه بستبه و غالبا بامسحه بعدها

---

نفسى فى حاجة ازود بيها السى من غير ماعمل فورمات للهارد..نفسى اسطب ويندوز7 بقى:stink[1]:
والبرامج بتفشل عندى لأن جهازى كومباتبل ibm فمبياكلش من البرامج العادية
نفسى اسطب ويندوز 77777777777777