ايه الفرق بين اكسارا 1 و اكسارا 2

**mr_hamed_s** · 15-07-2010 11:23 AM

يجماعة انا مهتم جدا بالسيارة الاكسارا وبدور على واحده تكون بحالة جيدة
بس سوالى للناس اللى بتستخدمها ايه الفرق بين الاكسارا 1 و الاكسارا 2 من حيث:
1- الاداء والعزم ؟
2- اسعار قطع الغيار وتوافرها ؟
3- ايهما افضل ؟
4- العيوب الشائعة بالسيارتين ؟
ولو حد يعرف الناس الكويسة الى بتشتغل فيها

علشان انا قدامى واحدة اكسارا 2 2002 عاملة 80000 كيلوا حالتها ممتازة وقلقان من الحاجات اللى لسه سال عليها

**ahmed azab** · 15-07-2010 02:03 PM

م أحمد غلوش بعد توكيل فيات جسر السويس حريف ستروين

**egypt_slave2000** · 29-07-2010 02:36 PM

انا نفسى برضه اعرف الفروق ياريت الخبراء فى السيارة يقولو رايهم

**egypt_slave2000** · 21-08-2010 06:25 PM

ايه يا جدعان هو السؤال صعب ولا ايه

**maroguidehouse** · 30-08-2010 03:30 AM

انا معايا اكسارا2 من شهرين و كنت بسأل نفس السؤال و كانت الاجابات كالاتي
الاكسارا2 افضل لكن قطع الغيار اغلى و اقل في السوق
موتور الاكسارا2 بيسموه n7 و هو نفس موتور البيجو 307 و هو 110 حصان و 2 كامه
الاكسارا 1 موتور بيسموه n6 و هو كامه واحده و حاجه و تسعين حصان
الشكل الخارجي فوانيس ال1 احلى من 2 و من الخلف 2 عليها علامه ستروين
مقاس الكاوتش مختلف في ال2 مقاس 15
العيوب الشائعه لا اعرفها مع العلم على ما قيل لي انها قليله جدآ
المهم اختيار سياره بحاله ممتازه و يكشف عليها متخصص فيها لأني لم ينبهني احد لهذه الحكايه و اخذت معي ميكانيكي عادي تتعامل معه الاسره من سنوات في الفرنا و الريجاتا و المرسيدس و قال لي ان السياره حالتها ممتازه و بعد الشراء تعاملت مع متخصص عن طريق الصدفه و صرفت عليها اد تمنها تقريبآ لتعود اكسارا مره اخرى غيرت العفشه بالكامل و طقم الدبرياج و كانت كل الكهرباء بها غير موصله على الكونترول و كرسي سائق لا يعمل ....الخ و لكن و الحمد لله الان اصبحت كالزيرو
للعلم الاكسارا فعلآ سياره ممتازه و تستحق
ارجو ان اكون افدتك
ملحوظه اوعى تركب انظار حيلخبط كل الكهربه

**mh7** · 30-08-2010 11:35 PM

تشكر على النصيحة يا استاذ
maroguidehouse
ممكن بينات المتخصص الي ممكن أفحص عنده 100%

**maroguidehouse** · 01-09-2010 01:22 AM

المشاركة الأصلية كتبت بواسطة mh7

تشكر على النصيحة يا استاذ
maroguidehouse
ممكن بينات المتخصص الي ممكن أفحص عنده 100%

الكل بيشكر في امير و جوزيف بس لازم تتصل تحدد معاد و الكشف ب 150ج و رقمهم 22721412 - 22721448 او عز العرب و هو نفس النظام لأن الاثنين توكيل معتمد و لكن الكل بيقول امير و جوزيف احسن بكتير
و ممكن احمد غلوش و برده كتير بيشكرو فيه و انا ناويه اجرب التعامل معاه قريبآ و رقمه 0101403527
و ممكن فريد شوقي اللي انا صلحت عنده
لو ناوي تجيب قطع غيار انا بفضل التعامل مع الفرنسيه بدر (شعبان ستروين) او بيسموهم شعبان و بدر في الحرفيين و عنده حاجات مش بلائيهه غير عنده و بيشتغل في الجديد و الاستيراد(استعمال الخارج) للمركات الفرنسيه سيتروين و بيجو و رونو و رقمه 0122821290
في كزا محل في الحرفيين بس انا بثق فيه و انا اتعاملت مع محلات تانيه لما اسئل في التليفون على قطعه غيار يقولو موجوده و سعرها كزا و لما اروح اما يقولو سعر اغلى بكتير او يقولو كانت موجوده و خلصت و من ساعتها بروح على طول على عليهم و لو طلبي مش عنده ابدأ ادور على غيره
اي استفسار انا تحت امرك

**m_car** · 14-09-2010 08:55 PM

يعنى قطع غيار الستروين سواء 1 او 2 موجودة انا من الاسكندرية وطبعا مشوار القاهرة بعيد اوى

وفى شوية ستروين فى الاسكندرية معروضين للبيع تحف فنية بجد رهيبة جداااا بس خايف من قطع الغيار

**amrmaismail** · 15-09-2010 02:18 PM

انا من اسكندريه يا باشا ومعايا اكسارا ١ وكل حاجة موجوده مستعمل وجديد في صلاح الدين واسعارها متوسطه مش غاليه زي حاجات الاكتافيا مثلا وبرده مش رخيصه زي الدايو

**amrmaismail** · 15-09-2010 02:19 PM

بس ليا سؤال عند حضرتك لو تسمح معروض عليك ايه وبكام ؟؟؟

الموضوع: ايه الفرق بين اكسارا 1 و اكسارا 2

LinkBack

أدوات الموضوع

عرض

-

-

المواضيع المتشابهه

الفرق بين اكسارا 1 واكسارا 2

اكسارا

الفرق بين اسعار قطع غيار اكسارا 1 واكسارا 2 ؟

اكسارا

اكسارا

الكلمات الدلالية لهذا الموضوع

المفضلات

المفضلات

ضوابط المشاركة