محتاج مساعده عايز اعرف سعر السياره الأوبل فيكترا موديل 1995

يا جماعه لو سمحتم كنت عايز اعرف سعر العربيه الأوبل فيكتر موديل 1995 الشكل قديم سعرها كام مانيوال وكام اوتوماتيك لو سمحت عايز اعرف يستحسن اشتريها اوتوماتيك ولا مانيوال ان معايا دلوقتى دايو لانوس 1 موديل 2000 اوتوماتيك عايز اعرف تساوى كام وانا مغير كل حاجه فيها والعربيه فعلا ممتازه بجد فى حالة الزيرو ماشيه 83000كم وياريت لوحد عنده معلومه عن اسعار الأوبل ياريت يكتبلى اسعار بعض قطع غيار السياره عشان احاول اقارنها بقطع غيار اللانوس واسوف امكانياتى تسمح بيها ولا لأ

معلش اسف طولت عليكوا بس انا مش حلاقى حد احسن من الناس اللى هنا يفيدنى

فى انتظار نصائحكم

..............................
تم النقل إلى القسم المختص
الإدارة - 3

السلام عليكم

الفيكترا موديل 1995 في منها نوعين:
1600 سي سي ودي بتبقى مانيوال جميع الكماليات (سعرها في حدود 50 الف)
2000 سي سي بس اوتوماتيك (نادر قوي لما تلاقى مانيوال) جميع الكماليات (سعرها من 45 ال 55 الف على حسب الحالة)
بالنسبة لللانوس بتاعتك تعمل من 42 الى 45 الف (على حسب الحالة ) وخلى بالك ان الاتوماتيك مش مطلوب قوي زي المانيوال (بس مش وحش زي ما ناس كتير بتقول)
ولو عايز تبيع الدايو انا ممكن اشوفلك ليها بيعه حلوة وممكن كمان اجيبلك فيكترا لو حبيت
ابقى كلمنى على 0126418494
واي خدمة

قطع غيار الاوبل اغلى من الدايو عموما بس هما بيشتركوا في حاجات معينة في الموتور والعفشة عشان هما شركة واحدة (جنرال موتورز) وممكن تلاحظ ان شكل موتور الدايو اللانوس تقريبا هوا بتاع الاوبل الفيكترا

رامي (ابو احمد)

متشكر جدا يا رامى انا اخدت نمرة تليفونك وحكلمك اول ما ارجع من السفر يعنى من اسبوع لعشرة ايام على فكرة انا اسمى رامى فايد وياريت لو اوبل تبقى نضيفه اوى على اد ما تأدر على العموم حكلمك اول ما اوصل إن شاء الله