السالم عليكم ورحمة الله وبركاته كان عندى مشكله مع الاريال بعد ما غيرته نتيجة الكسر النوع اللى بيتباع ضعيف جدا وبيتكسر بسهوله ياريت لو حد يدلنى على نوع كويس و أجيبه منين علما بأن النوع اللى مركبه من التوفيقيه و ثمنه أربعون جنيها
عرض للطباعة
السالم عليكم ورحمة الله وبركاته كان عندى مشكله مع الاريال بعد ما غيرته نتيجة الكسر النوع اللى بيتباع ضعيف جدا وبيتكسر بسهوله ياريت لو حد يدلنى على نوع كويس و أجيبه منين علما بأن النوع اللى مركبه من التوفيقيه و ثمنه أربعون جنيها
متـــــــــــــــــــابع
فى نوع طويل كورى دا كويس
فى نوع تانى صينى قصير دا تعبان مش بيجيب حاجة اصلا
ركب الكهرباء وريح دماخك
انا كنت مشتري نوع كويس كان ب185 ج من سنه من الحي السابع بس مكنشي كهربا (علشان انا عربيتي
كانت لانوس 1 ومش مصممه انه يركبلها اريال كهربي وكانت عايزه حوار كده الراجل قاللي عليه ولقيته هايطول
فمرضتشي اركبه بصراحه)
العربيه اللانوس 1 نازله بفيشت الاريل ويركب عليها عادي انا ركبته عندي في لانوس 1 وفي عربيه اتنين اصحابي اقصي مشكله شوفتها ان السلك اللي بين الكاسيت والفيشه اللي بيدي اشاره من الكاسيت للاريل عشان يطلع بين الكاسيت وبين علبه الفيوزات اللي شمال السواق من تحت كان مش واصل وجبت سلك ومشيته في عشر دقايق وركبته واشتغل تما وبصراحه متعه ولا حد يكسرهولك ولا حد يتنيه ولا تقعد تطلع ودخل بتمن اريلين تلاته من اللي بيتغيرهم كل شويه واحد كهرباء
جيب اريال كهربا و ريح دماغك بس احسن حاجة جيب الاستيراد علشان خامته كويسة و الموتور يستحمل ,
بيعمل بتاع 90ج و تركيبه سهل في 10 دقائق عن طريق مد سلك من الكاسيت للإريال , و مصنعية 10 أو 15ج مش اكتر....
السلام عليكم ورحمة الله وبركاته
مش عارف الكلام ده إشتغاله ولا لأ بس أنا آخر مرة كنت في التوكيل ، شفت مهندس التأمين بيكتب تقرير عن عربية متعجنة
" لانوس بعيد عننا كلنا " لفت نظري صوته وهو بيراجع ويقول إريال كهرباء 268 -حاجة كده لو سمعي ما خانيش- ، فلو الأستاذ إلي بيقول إنه إشتراه قبل كده بـ 185 يبقي مش إشتغاله ، وممكن تسمع كلام السيد أكرم وتجيب واحد إستيراد شغال أو علي التجربة ومتهيالي هايبقي أحسن من الجديد من عند مين مش عارف بقي ممكن حد يكون إشتراه يقولك علي تجربته الشخصية ، وبالمرة خلي إلي يعملهولك يظبطه مع الراديو لو هايعرف(أكرر لو هايعرف) علشان مش كل ما تشغل الكاسيت تلاقي الإريال طالع من غير لازمة .
إحترامات
أشكر كل من ساهم برأيه وأعتقد ان أفضل حل اريال كهرباء