الموضوع: بعض الملاحظات بخصوص مصيف فى الاسكندريه.....

انا لما كنت فى الساحل فى اواخر مايو عرفت انزل الاسكندرية و قعدت يوم من اوله كان فى منتهى الجمال لكن بعد كدة مجرد التفكير فى زيارة الاسكندرية تبقى عملية انتحارية ، زحام غير عادى من الصباح الباكر الى المساء ، يعنى الواحد ينتطر ايه ، كل سكان محافظات مصر كلها بيقضول الصيف هناك , من كام سنة كدة مراتى قلتلى انا عايز انزل الاسكندرية و كنا فى شهر اغسطس ـ قلتها هو انا قليل العقل علشان اعملها ، حد يبقى قاعد فى الساحل و ينزل الاسكندرية و كمان فى اغسطس راحت قالتلى انا زهقت و عايزة اشوف زحمة ، المهم ارضاءا لها رحت نازل على المنتزة و دخلنا الشاطىء هناك و عينك ما تشوف الا النور زحام غير عادى فى شباك تذاكر دخول الشاطىء بتاع المنتزة و اصلا مشوار الذهاب كان معاناة فى حد ذاتها و بعدين بمجرد ما الراجل جاب كراسى و شمسية رحت قلتها هو احنا بنعمل فى نفسنا كدة ليه ، هو احنا بنكفر ذنوبنا بهذا الطريقة و لا جايين نقضى وقت ظريف راحت طبعا ردت عليا انا مكنتش متوقعة المنظر يكون بالشكل ده ده و راحل هى بنفسها مرجعة التذاكر و رحنا مروحيين طيران من هناك و راجعين فورا على نقطة الانطلاق الاولى ادامها الله و احنا طول الطريق بنسترجع مشاهد المعاناة و الحمدلله كانت الدروس المستفادة هى عدم التفكير فى الاسكندرية تماما من منتصف شهر يونيو و حتى اوائل سبتمبر من كل عام ، و لكن بخلاف هذه الفترة اى باقى شهور السنة تكون زيارة الاسكندرية من امتع الزيارات التى ممكن ان يقوم بها الفرد و خصوصا زيارة القلعة او متحف المجوهرات فى زيزنيا او متحف الاحياء المائية او زيارة الاثار الرومانية المنتشرة بدءا من المتحف الرومانى و حتى المسرح الرومانى ، و بالمناسبة انا رايح يوم السبت باذن الله لمدة خمس ايام بس طبعا ححود شمال بعد ماكدونالدز كالعادة من على الصحراوى