-
لسه عامل صاينة الـ20 الف
اولا : انتم عاملين ايه واحشنى جدا :36_3_10[1]:
ثانيا: انا كنت مشغول جدا فى الشغل و معنديش وقت أتصل بى بالتوكيل كلعاده و كل مره فى الصيانه ابلتج و ادخل من غير حجز :36_7_4[1]: و اسمع كل مره ان دى اخر مره نسمح انك تيجى من غير إتصال سابق ..المهم مش عايز اطول عليكم ...بالصدفه بحكى لصديق ليه انى رايح التوكيل اللى فى ابو رواش و كده...فقترح عليه انى اروح مركز صاينه معتمد و جمبى ..انا ساكن فى الهرم :verygood:.... و المركز ده فى شارع العريش
ثالثا: روحت المركز ده الصيح بدرى الساعة 8:00 ..طبعا كنت الاول ..الناس فى المركز كانوا فى قمه الاحترام المهندس على الساعة 9:00 استلم العربية ..الحمد الله العربية 10/10 فالحمد الله الصيانه كانت فى العادى ...التغير فى الفلتر الزيت ..و فلتر البنزين و فلتر الهواء و تنظيف دائره التكيف و تغير البوجيهات ..و فحص تيل الفرامل الحمد الله كانت تمام مشمحتاج تغير ..و تربيط العفشة ..و غسل الماتور مش عارف ليه و غسل العربية من جوه مش عارف ليه ..اصل متعود من ابو رواش اخد العربية زى ماهيه .
رابعا : الساعه 11:30 استلمت العربية ...راجل الامن جه فاتحلى العربية و ورانى كل قطع الغيار المستخدمه ..
خامسا : كانت التكلفه باكامل 750 جينه ..منها 240 مصنعية ..طبعا سألت ليه ..كانت الاجابه ان دى المصنعية مش بمزاج المركز ..دى تعليمات من غابور ..و منزل جدول فيه اسعار قطع الغيار و المصنعيات لكل صيانه ...و طبعا حاطين النيو اكسنت من العريات الفاهره اللى مصنعيتها عاليه ...ده غير فى 70 جينه ضرائب يعنى نصف الفلوس فنكشه :majd(4):
سادسا : فكرت انى اخرج من الضمان بعد كده ... اروح فى الصيانات المهم فقط للمركز ده و الصيانات اللى فيها تغير فلاتر بس اروح لى مكانيكى عارفه شغال فى التوكيل و فاتح ورشة بره (هو مهندس.. مش صنايعى )
سابعا : الساعة 1:00 المركز اتصل بيا و كان بيتاكد من جوده الخدمة
أخيرا : المركز غير معروف ..لذلك العدد مش كتير الصبح و بالتالى الخدمة ممتازه فعلا...الضمان من وجهت نظرى مهم اول 10000 كيلو بعد كده مش مهم ...و اصلا الضمان فى مصر مش بتعرف تاخد حقك الا بحرق الدم :_Alshmokh08[1]: ...
و اسف للتطويل
-
مبروك صيانة ال 20 الف و عقبال ال 100000000 الف
هو مش فلتر البنزين المفروض يتغير كل 40 الف؟
-
فلتر البنزين كل 60000 ك وليس 20000 ده شغل غبور
-
ايه ده؟!!!!!!!!!!!!!!!
فلتر البنزين كل 60 الف كم
والبوجيهات كل 40 الف كم
ايه اللي بيحصل ده ؟؟
مفيش عربية حتى لو صيني البوجيهات تتغير عند 20 الف!!!!!!!!!!!!!!!!!!!!!
-
ما تقولنا يا باشا أسعار قطع الغيار ايه؟
-
انت غيرت فلتر زيت بس ولاٌ الزيت كمان؟
-
750 جنيه.؟؟؟ ربنا يبشرك :C_laugh[1]:
انا ادامى شهر و لا شهرين و اروح اعملها .. ابتدى احوش من دلوقتى بقى :stink[1]:
-
ألف مبروك و عقبال صيانة الـ 100000
-
معلش انا كنت مشغول شوية
انا شايف تعليقات على ميعاد تغير الفلاتر ...بس ده موجود فى الجدول اللى فى الكاتلوج
وبعدين بغير الفلتر قبل المعاد مش مشكله ...ده فلتر المايه مش بيعد 6شهور اصلا :)))
بالنسبه للاسعار الفاتوره فى العربية هحاول افتكر :)) ...و اجيبها معايا البيت و اكتبلكم تفاصيل الاسعار
-
ألف مبروك و عقبال صيانة الـ 100000
Content Relevant URLs by
vBSEO 3.6.0 PL2