أفكار ومقترحات وملاحظات للحد من الحوادث في مصر

**sherif80** · 25-02-2008 09:57 AM

المشاركة الأصلية كتبت بواسطة magomago

احترام السيارات النقل والترلا...وعدم تخطيها إلا بإذن

حتى بتلاقى فيه تريلات و عربيات نقل كبيرة مكتوب عليها

(احترام الكبير واجب):D:D

**m_elkhishin** · 25-02-2008 10:36 AM

يا جماعة انا لسة عامل حادث من يومين دمر عربيتي بسبب جرار زراعي ماشي بدون اضاءة اطلاقا
الجرار كان ماشي قدامي بطيئ جدا بدون أي اضاءة أو حتى اشارات عاكسة. وكان الطريق فردي وجاي قصادي عربية مشغل العالي فبالتالي مشوفتش الجرار اطلاقا ولبست فيه وانا بسرعتي حتى ملحقتش أشيل رجلي من على البنزين كنت ماشي ساعتها على 80-90 والجرار سرعته متزيدش عن 20-30

بس الحمد لله الحمد لله كنت لابس الحزام وربنا جعله سبب في نجاتي بدون أي اصابة

لذلك أنا عندي كام نصيحة في القيادة:

- اوعى تمشي خطوة بالعربية من غير متكون شايف 100% أنا من هواة الجري والسرعة. شايف طريقك كويس اجري واعمل اللي انت عايزه. مش شايف اوعى اوعى تتحرك.
- تقدر تعتمد على التقدير في المسافات أو في الأبعاد أو أي حاجة بس ابعد تماما عن التقدير في الظلام. يعني لو جاية عربية قصادك و مشغل النور وانت مش شايف حاجة اوعى ثم اوعى تقدر مسافة الطريق أو تبص على حرف الطريق وتفضل ماشي . لازم تفرمل فورا وتهدي سرعتك قدر الامكان لانك ممكن تفاجأ بجرار ظلمة أو عربية كارو بردو ظلمة أو حتى عجلة أو موتوسيكل أكيد ظلمة اللي بدورهم حيخلولك -بعيد عن السامعين- حياتك ظلمة بعد كدة

-