الموضوع: طالب مصري يبتكر آلية تحافظ على الأرواح أثناء الحوادث

المشاركة الأصلية كتبت بواسطة Akram

معلش , مش متخيل المشروع , هل تقصد ان الكراسي بالصالون يرتفع 50 سم مثلاً , طيب اللي قاعد قدام و مادد رجليه تحت التابلوه , ايه اللي هيحصله ,
كنت مرة قريت عن عربية ممكن تتمدد يعني الطول يزيد أوينقص و بالتالي ممكن يحل مشكلة الركنة في الأماكن الضيقة , فهل الفكرة مشابهه بس بشكل أفقى ,,,,

المشاركة الأصلية كتبت بواسطة ibrahimsaad

طبعا الفكره نفسها محل شكر واحترام وتقدير وياريت كل الناس تفكر كده

اللى انا فهمته ان الكابينه هتكون عباره عن جزء متمفصل فى الشاسيه بحيث تتحرك لاعلى عند حدوث التصادم من خلال المفاصل وبذلك ترتفع الكابينه عن الجزء الاسفل

ولكن المشكله هنا ماذا لو كان التصادم مع سياره مثلا اعلى فى الارتفاع نصف نقل او نقل او اتوبيس او اى شئ اكبر اعتقد ان ارتفاع الكابينه هنا لن يكون مجدى

سؤالين كنت سوف اسألهم...... منطقيا متنفعش الفكره إلا لو كان الكرسيين والكنبه الخلفيه تطيران لخارج العربيه وتهبطان بيبراشوت زي كراسي الطياره المقاتله او جزء الكبينه ينفصل عن العربيه ويطير في الهواء ويهبط على سوست حلازونية

معلش يا جماعه انا مش فاهم ايه يظبط

طبعا جميل إن يكون لينا أفكار على التكنولوجيا القائمة ... بس ... إحنا شعب غريب جدا ... بنفكر نعدل على تكنولوجيا آمان السيارات و إحنا آخر عربية شاركنا في تجميعها عندنا هي ال 128 ؟!!! ... من 128 سنة والعربية نفس الشكل والمكونات.
أنا باعتذر لو كلامي هايزعل حد ... بس حقيقي إحنا عايشين وهم إننا حاجة كبيرة ... بس الواقع إننا متأخرين كتييييييييييير جداااااا عن إننا نفكر نعدل على التكنولوجيا إللي إحنا معندناش 1% خبرة في صناعتها.
ده مش كلام إحباط ... إحنا ماعندناش صناعة ولا خبرة ... بس عندنا شباب ودماغ كويسة ... عايزين نبدأ صح ... نبدأ صح من الأول ... مش من الآخر.
سيبنا بقى من شعار "إبدأ من حيث إنتهى الآخرون" إللي ودانا في داهية و إللي كان السبب إننا بقينا شغالين عندهم لأننا بدأنا نفكر على الكيان الموجود إللي هو مش بتاعنا .... الكيان ده مش بتاعك أديني بفكرك أهو ... شغال عندهم يعني.
ده إحنا متأخرين عن الصين إللي بنتكلم عنها من طراطيف مناخيرنا و بنتنك على صناعاتهم ... قال يعني حد فينا عرف يعمل إللي هم بيعملوه و يبيعه في بلدنا.
الصين من حوالي 15 سنة حطت خطة لإنتاج السيارات ... واديها نجحت وبتبيع عربياتها الرخيصة لينا و إحنا بنركبها وإللي إحنا منعرفوش إن العربيات الصيني لا تباع في الصين لأنها غير مطابقة لعوامل الأمان و السلامة عندهم ... والله ده مش كلامي ... ده إللي زملائي إللي قالوه لما نزلو من مطار بكين و مالقوش ولا عربية صيني في الشارع ... بيبيعولنا عربياتهم و من مكاسبهم منها يركبو فولكس فاجن (أكتر العربيات إنتشارا في الصين).
وإحنا بنعدل على صناعة السيارات ... ده إحنا جامدين قوي ... أجمد من ألمانيا و اليابان و أمريكا و فرنسا و إيطاليا و التشيك و الصين والهند و كوريا و روسيا و أسبانيا و ماليزيا.
يا رب أشوف عجلة مكتوب عليها "Made in Egypt" في أي دولة حتى لو دولة عربية.

المشاركة الأصلية كتبت بواسطة horsepower

طبعا جميل إن يكون لينا أفكار على التكنولوجيا القائمة ... بس ... إحنا شعب غريب جدا ... بنفكر نعدل على تكنولوجيا آمان السيارات و إحنا آخر عربية شاركنا في تجميعها عندنا هي ال 128 ؟!!! ... من 128 سنة والعربية نفس الشكل والمكونات.
أنا باعتذر لو كلامي هايزعل حد ... بس حقيقي إحنا عايشين وهم إننا حاجة كبيرة ... بس الواقع إننا متأخرين كتييييييييييير جداااااا عن إننا نفكر نعدل على التكنولوجيا إللي إحنا معندناش 1% خبرة في صناعتها.
ده مش كلام إحباط ... إحنا ماعندناش صناعة ولا خبرة ... بس عندنا شباب ودماغ كويسة ... عايزين نبدأ صح ... نبدأ صح من الأول ... مش من الآخر.
سيبنا بقى من شعار "إبدأ من حيث إنتهى الآخرون" إللي ودانا في داهية و إللي كان السبب إننا بقينا شغالين عندهم لأننا بدأنا نفكر على الكيان الموجود إللي هو مش بتاعنا .... الكيان ده مش بتاعك أديني بفكرك أهو ... شغال عندهم يعني.
ده إحنا متأخرين عن الصين إللي بنتكلم عنها من طراطيف مناخيرنا و بنتنك على صناعاتهم ... قال يعني حد فينا عرف يعمل إللي هم بيعملوه و يبيعه في بلدنا.
الصين من حوالي 15 سنة حطت خطة لإنتاج السيارات ... واديها نجحت وبتبيع عربياتها الرخيصة لينا و إحنا بنركبها وإللي إحنا منعرفوش إن العربيات الصيني لا تباع في الصين لأنها غير مطابقة لعوامل الأمان و السلامة عندهم ... والله ده مش كلامي ... ده إللي زملائي إللي قالوه لما نزلو من مطار بكين و مالقوش ولا عربية صيني في الشارع ... بيبيعولنا عربياتهم و من مكاسبهم منها يركبو فولكس فاجن (أكتر العربيات إنتشارا في الصين).
وإحنا بنعدل على صناعة السيارات ... ده إحنا جامدين قوي ... أجمد من ألمانيا و اليابان و أمريكا و فرنسا و إيطاليا و التشيك و الصين والهند و كوريا و روسيا و أسبانيا و ماليزيا.
يا رب أشوف عجلة مكتوب عليها "made in egypt" في أي دولة حتى لو دولة عربية.

كامل إحترامي لحضرتك

بس أولا مش عيب ان واحد تطلع في دماغه فكرة و ينفذها
ثانيا حضرتك في تناقض في كلام حضرتك
ازاي نبدا من الأول و حضرتك بتقول ان احنا مينفعش نعدل عليهم

بس مبدأ نبدأ من حيث انتهى الاخرون هو مبدأ صحيح في رأي لأن احنا علشان نعمل صناعة سيارات و نبدأ من الاول يبقى هنقعد 200 سنة على الأقل لأن الناس دي بدات صناعة السيارات من بداية القرن التاسع عشر

المشاركة الأصلية كتبت بواسطة Mzeid

كامل إحترامي لحضرتك

بس أولا مش عيب ان واحد تطلع في دماغه فكرة و ينفذها
طبعا مش عيب ودي أول حاجة قلتها في كلامي "طبعا جميل إن يكون لينا أفكار على التكنولوجيا القائمة ....."
ثانيا حضرتك في تناقض في كلام حضرتك
ازاي نبدا من الأول و حضرتك بتقول ان احنا مينفعش نعدل عليهم
لأن هو ده الفهم الغلط.
أنا باقول نبدأ من الأول ... نعمل عربية ... نتعلم الصناعة ... نجيبهم يعلمونا ... أو نروح نتعلم حتى منهم ... بس نتعلم لهدف إننا نرجع نعمل الكيان بتاعنا ... مش علشان نكبر الكيان بتاعهم.
إنت عارف الصين إتعلمت صناعة السيارات و كل الصناعات التانية إزاي؟ ... الحكومة أصدرت من 20 سنة قانون إن أي شركة عايزة تبيع منتجاتها في الصين تعمل مصنعها في الصين و هانديكو تسهيلات و تراخيص و نقلل الضرايب وبالتالي المنتج بتاعكو هايكون أرخص عن لو إتعمل في أي مكان تاني على سطح الأرض ... بس بشرط ... 60% من هيكل الشركة يكون محلي (صينيين) ... مش عمال بس ... لا يا بابا ... من أول العمال لحااااد إدارة الشركة و مهندسينها والموارد البشرية والماليات والأبحاث والتطوير ... إلخ ... كل الأقسام ... و نشارك في إتخاذ القرارات ... بس القرار النهائي (رأسة الشركة) طبعا بتاعكم و إحنا تحت أمركم ... هو ده إنك تعلم الشعب و تشغله في كل الصناعات و جوة بلده ... تحيا الصين وحكومتها والله ... حكومة بتعمل للبلد والشعب.
وأنا ماقلتش ماينفعش نعدل على صناعتهم .... لما أكون شغال في شركة سيارات (أجنبية ... طبعا مافيش مصرية) و خبرتي لا تقل عن زملائي في العمل (وخليني أقول خبرتي فقط ... مش تعليمي) و ربنا يلهمني فكرة تطوير و تتنفذ للشركة الأجنبية ... كل ده عادي و بيحصل ... بس مش عايزك تنسى إن إحنا كدة شغالين عندهم.
إنما نبقى ولا متعلمين زيهم ولا عندنا صناعة ولا نفهم فيها ولا خبرة و ننام ونصحى على فكرة هاتغير مصير صناعة الأمان في السيارات ... يبقى أبو التعليم على الخبرة وخلينا نكمل عيشيتنا بالفهلوه.


بس مبدأ إننا نبدأ من حيث انتهى الاخرون هو مبدأ صحيح في رأي لأن احنا علشان نعمل صناعة سيارات و نبدأ من الاول يبقى هنقعد 200 سنة على الأقل لأن الناس دي بدات صناعة السيارات من بداية القرن التاسع عشر

والله أنا سعيد بالمناقشة مع حضرتك ... بس أنا ضد المبدأ ده لأن مفهوم غلط ... الفهم الخاطيء للمثل ده إن الناس سابت الأساس و بقت بتعدل عليه بأفكار تدل على إنه مش فاهم أي حاجة في الصناعة ... يعني نعدل على العربية إللي مانفهمش عن صناعتها حاجة ... هو ده نبدأ من حيث إنتهى الآخرون؟!!... عايز تعرف مين الشركة إللي لما شالت المبدأ ده من فكرها وعملت فكر خاص بيها بقت أنجح شركة؟ ... شركة Apple ... عندهم خبرة جبارة و ما قلدوش حد ... بالعكس دلوقتي الكل بيقلدهم

تقبل تحياتي

أنا أيضا سعيد بالمناقشة
و تمام موافق كلام حضرتك
بس كمثال شركة بروتون بدأت بتصنيع الميتسوبيشي و سياراتها كانت نسخ من الميتسوبيشي
يعني استخدموا التكنولوجيا اللي كانت موجودة لحد ما بقى عندهم الخبرة انهم يطوروا من الصفر منتجاتهم

ربنا يباركله و يكتر من امثاله

ايه الردود العاصفة دى...مالكوا ياجماعة؟؟...دى مجرد فكرة جديدة وان شاء الله تتطور عن كدة وانا شايف انها فكرة رائعة ماعدا فى حالة الانقلاب...ساعتها زيها زى اى عربية اما حوادث التصادم الافقية فبصراحة جامدة جدا
واكيد ياجماعة الكابينة مش هاتترفع لفوق بشكل عمودى على الارض.اكيد هاتترفع بميل للخلف وساعتها مهما وصلها تصادم هيكون جسم العربية امتص معظمه