سؤال للمهندس طارق زويـــل

شكرا جزيلا لحضرتك جميعا وجزاكم الله خيرا
اناهاشتري من المصرية طنطا اللي هي عند الاستاد
انا ما عرفش هى توكيل ولا لا بس هي فيها انواع كتيرة جدا من جميع السيارات فمعرفش هي توكيل ولا لا
وهل الموتسوبيشى ليها موزع معتمد في طنطا
واية اخبار الاتوماتيك بتاعها في 1600 سي سي و1300 سي سي
لان لو كان السعر زى ما حضرتك بيقول كدة 110000 يبقي هالغى يا اما الاتوماتيك يا اما اخليها 1300 سي سي مش عاااااارف لو حضرتك تفيدني فيها واية اخبار الاتوماتيك بتاعها وانا محتار بين الاتوماتيك والمانوال قوووى في ناس كتيرة مخوفانى من الاتوماتيك عموما بااسيارات فا اية راي حضرتك وما هو الفرق بين العربية الخليجى والمصرية وياريت لو فية اسعار اسف للاطالة
وشكرا جزيلا

( المصرية ) موزع معتمد لشركة (مصرية) وكلاء ميتسوبيشي ، وطبعا موزع معتمد لماركات كتير اوي تانية علشان كده عندهم كل الماركات تقريبا

لو حضرتك عايز اوتوماتيك فالـ 1600 ب 110 زي ما قلت لك والـ 1300 بحوالي 99 أو 100 ألف

بخصوص الـ 1300 أوتوماتيك وسحبها فطبعا فيه مواضيع كتير في المنتدى هنا على الموضوع ده تقدر تقول ملخصها ان لو حضرتك عايز عربية جري وشد يبقى بلاش 1300 أوتوماتيك لأن تجميعها مش هيعجبك انما لو بتحب الاوتوماتيك وسواقتك هادية وعادية يبقى مفيش اي مشكلة من ال 1300 أوتوماتيك وتذكر ان كل اللانسر أوتوماتيك طوال التسعينات وحتى عام 2004 كان بمحرك 1300 ورغم كده كان الاوتوماتيك بيبيع فيه كويس جدا (من 2004 اتعدل قانون الجمارك وتم تخفيض جمارك 1600 وبدأنا نجيبها)

بخصوص الخليجي كتير جدا من اعضاء المنتدى جايبين الخليجي (طبعا فيه فرق مش أقل من 5000 جنيه بين المصري والخليجي) وبيشكروا فيها والحمد لله ماشية كويس ومش محتاجه للضمان فلو لقيت معرض عنده 1600 أوتوماتيك خليجي بسعر 105 يبقى كويس بس يفضل يكون المعرض محدد لك ضمان لها ويفضل لو تبع الرواس لأنه افضل ضمان للخليجي
وبالتوفيق

شكرا جزيلا يا باشمهندس طارق وجزاكم الله خيرا

حاجة بره موضوع الرسالة . بس أحب أوجه خالص شكرى للمهندس طارق . على تعاونه الكامل والسريع والوافى لأى سؤال من أعضاء المنتدى .
أما صاحب الرسالة :
أحب أنصحك . أنا عندى أتوماتيك 1300 . العربية حلوة جداً بس انت فى الصيف لما تشغل التكييف ولو فى 3 راكبين معاك فى العربية هتحس ان عزم العربية وحش . انما غير كده هتلاقى العربية ان شاء الله زى الفل .

1600 خليجى بتعمل 105 او 106
الافضل انك تجيب 1600 اوتوماتيك