أهالي القوصية يغلقون طريق أسيوط القاهرة الغرب

**A.Saad** · 15-07-2010 11:29 PM

أهالي القوصية يغلقون طريق أسيوط القاهرة الغربي بعد مقتل وإصابة طفلين

قام أهالي مركز القوصية بمحافظة أسيوط بقطع طريق أسيوط القاهرة الزراعي احتجاجاً على عدم اهتمام السائقين بحياة المواطنين والسرعة الجنونية وتكرار حوادث الطرق التي كان آخر ضحاياها مصرع طفل وإصابة أخرى.

تلقى اللواء جاد جميل مدير أمن أسيوط بلاغاً بوفاة أحمد رجب توفيق 6 سنوات وإصابة طفلة أخرى صدمتهما سيارة بعزبة روفائيل، قام على إثرها أهالي القرية بقطع الطريق وإغلاقه من الجانبين وعدم مرور السيارات وضرب وتكسير سيارة كل من يمر بالطريق مما أدى إلى تكدس وازدحام الطريق وظل الحال حتى انتقلت بعض قيادات محافظة أسيوط إلى موقع الحادث وتهدئة الأهالي وإقناعهم بفتح الطريق على أن يتم حل المشكلة في أقرب يوقت بوضع مطبات صناعية ونقاط مرور بالطريق.

يذكر أن الطريق شهد نفس الواقعة قبل أشهر عندما قام الأهالي بغلق الطريق عقب وفاة شخص صدمته سيارة.

**Abo_Lina** · 16-07-2010 12:24 AM

شوف الحل إيه ? نعمل مطبات !! إيه المخ ده ?
ما فيه كباري ممكن تتعمل ..
و بعدين عيل عنده ٦ سنين بيعدي طريق سريع لوحده إزاي ..

**Ahmed_Elkhateb** · 16-07-2010 01:51 AM

والله عين العقل انا سافرت يا جماعه ديروط اول مركز فى اسيوط اول امبارح وعلشان اتجنب الزراعى وقرفو طلعت من الكريمات على المنيا وبعد كده على الصحراوى الغربى فى حين ان الزراعى كان اقصر بكتييير

**Abdo_Eldesokey** · 16-07-2010 03:11 AM

يعني عيال بيبلعبوا كورة على الطريق .. وناس بتعدي بقفاها .. وفي الآخر الي سايق هوا الي غلطان

همج

**dr-mohamed** · 16-07-2010 04:24 AM

والله قلة ادب
طريق وصحراوي يعني سريع وسايبين عيال تعدي الطريق وتلعب براحتها ولما عيل يتخبط يقطعوا الطريق ويضربوا عريبات الناس والله قمة قلة الادب والسفالة
انا قبل كدة على الزراعي واحد متخلف ماسك ماسك جاموسة وراكب على الكارو ومعدي الطريق ولا كانه طريق الىل خلفوه وعمال اضرب له كلاكسات من بعيد ولا كانه سامع ومدير وشه الناحية التانية طبعا ضربت فرامل وهديت على اد ما قدرت
والله والله الحمار اول ما لقي العربية قريبة جري بالعربية واللى فوق العربية ولا كان فيه حاجة
اول ما عديت جنبه قلتله يا حمار سوق الكارو زي الحمار اللى جاررها احسن

الطرق عندنا خصوصا طريق الصعيد قمة المهزلة ناس بتعدي ولا كانها بتعدي في اوضة النوم بتاعتها وعيال بتلعب وحاجة تقرف