ممكن اعرف ايه هو معدل استهلاك تيل الفرامل في الهوندا سيتي
لان في مركز الصيانه قالوا لي انه بيتغير كل 20000 كم
عرض للطباعة
ممكن اعرف ايه هو معدل استهلاك تيل الفرامل في الهوندا سيتي
لان في مركز الصيانه قالوا لي انه بيتغير كل 20000 كم
what!!!
i did 82,000 km in my Cororlla & i never changed it & it still good
i plan to change it at 100,0000
but i drive 70% on the highway
so you can say it's good for at least 50,000 in the city
20,000 is too low!
20 ألف قليل جداً فعلاً يا مهاتما ... انا عامل 22 ألف دلوقتى و مش حاسس بأى ضعف فى الفرامل ... ممكن طبعاً الوضع يكون مختلف فى الأتوماتيك ... عامةً انت تقدر تحكم بنفسك لو حاسس ان الفرامل ضعيفة ...
انا تقريبا 90% من استهلاكي علي الصحراوي
طيب ايه هي علامات تاكل التيل
شوف الصور دى ... حتوضحلك ايه اللى بيحصل ...
الصورة دى لتيل فرامل جديد ... لاحظ تخانة التيل قد ايه
http://www.evconvert.com/images/415.jpg
و الصورة دى مقارنة ما بين تيل متاكل و تيل جديد
http://www.cockeyed.com/lessons/brakeshoes/IMG_4946.jpg
شوف تخانة التيل عندك أد ايه و انت تقدر تحكم اذا كان محتاج تغيير أم لا (مش محتاج غالباً تفك الاطار ... ممكن من بين فتحات الجنط تشوف التيل)
بص عليه كل مرة تعمل صيانة او كل 25000 كم
طب تقولوا ايه لتوكيل الامل اللي بيغير التيل في صيانة العشر تلاف الاولي !!!!!!!!!!
انا بشكركم جدا علي المعلومات المفيده
احمد بجد شكرا علي المجهود
العفو يا مهاتما ... المهم طمنا بقى التيل أخباره ايه معاك
التيل لما بيتأكل الفرامل مابتفرقش ولا بتضعف لأن الفرامل الحديثة كلها مصممة انها تعادل التأكل ده. (الا طبعا فى حالة لو التيل خلص وبدأ الحديد يحك فى الطنابير بدل التيل)اقتباس:
عامةً انت تقدر تحكم بنفسك لو حاسس ان الفرامل ضعيفة
لذلك لازم يتم الكشف عليه بالنظر
ولازم يتغير قبل مايخلص لأنه لو خلص وكملت استخدامه هايبوظ الطنابير ولازم تتغير معاه.
لما التيل بيخلص بتسمع صوت حكة حديد فى حديد مع كل فرملة فى البداية ولو كملت فترة بسيطه يبدأ الصوت مع المشى العادى كمان.اقتباس:
طيب ايه هي علامات تاكل التيل
بس طبعا مش مفروض توصل للحالة دى اصلا.
انا اعرف حالة (عربية فرونتيرا) الصوت ده ماطلعش غير بعد 150 الف كم ، بس كان التيل الاصلى واغلب مشاويره سفر، المهم لما غيره التيل اللى بعده ما قعدش غير 50 الف بس بالرغم من ان طبيعة المشاوير ماتغيرتش كتير
فى طريقة تانية تشير الى مدى تأكل التيل وهى بالكشف على خزان زيت الفرامل (بافتراض ان مافيش تسريب) مستوى الزيت بيقل مع تأكل التيل وذلك لأن المكبس بيتملى زيت ليعوض تأكل التيل.
استهلاك التيل مرتبط بنوع السيارة و طريقة استخدامها و طبيعة السواقة
انا التيل اخرة معايا 7500 كيلو بس... دا طبعا لانى بستعمل الفرامل بشدة و بعتمد عليها كتير اوى... المعدل اتحسن كتير لما سكنت فى الرحاب و بقيت امشى على الدائرى غير زمان لما كانت كل مشاويرى جوة البلد
باختصار التيل بيتغير كل ما يخلص مش فى معاد مكحدد... لازم تبص على التيل بصفة دورية و تغيرة عند الحاجة
MMamdouh
أنا أول امبارح كنت فى صيانة الـ 25000 كيلو ... و الفنى قاللى احتمال أحتاج أغير التيل الأمامى عند الـ 30 ألف ... و قاللى انهم عملوا صنفرة للتيل عشان تخشينه لأنه لما بينعم كفائته بتقل ... هل الكلام دة مضبوط أم لا؟؟ مش عارف ليه حسيت بنوع من الاشتغالة فى موضوع الصنفرة دة ... مش ممكن يكون صنفر لمسافة كبيرة بحيث يجبرنى انى أغيره فى صيانة الـ 30 ألف المرة الجاية؟؟
و بعدين أنا سألته هو تخانة التيل قد ايه قاللى فيه حوالى 5 مللى .... فإذا افترضنا ان التيل الجديد بتكون تخانته 12 مللى و أنا ماشى 25 ألف كيلو يبقى بحسبة بسيطة كدة بنفس المعدل دة انه يعيش معايا لحد 40 أو 45 ألف كيلو ... صح كدة؟؟ و لما قلتله الكلام دة قاللى أصل الـ hardness بتاعت وش التيل بتكون أعلى من الـ hardness بتاعت القاع فالقاع بيتاكل بمعدل أسرع ... معرفش بقى المعلومة دى مش داخلة دماغى لأن التيل كله من مادة واحدة و صلادتها كلها واحدة ... أنا بأثق فى توكيل هوندا و هم ناس محترمين جداً لكن أنا عايز رأيكوا فى الكلام دة لكى يطمئن قلبى ... على فكرة التيل سألت على سعره قاللى 275 جنيه لطقم التيل الأمامى
احمد انت بتعمل الصيانه في الاسكندريه ولا في القاهره
فى اسكندرية يا هانى ... لأن القاهرة بيبقى مشوار كبير و مش دايماً بأعرف أفضى نفسى له ... كمان فى القاهرة لازم أحجز قبلها ... و فوق كدة مبشوفش العربية أثناء الصيانة و دى نقطة جوهرية عندى ... عند المأمون فى اسكندرية انا بأبقى شايف العربية قدامى و قاعد معاهم فى الورشة و بأعرف آخد و أدى معاهم فى الكلام غير القاهرة خالص
انا لسه راجع من عندهم حالا
كنت بركب الهوايه الشمال و كلمه السيتي
حسين اللي فاتح جنبهم بتاع قطع الغيار طلع معرفه قديمه قوي
لو احتجت اي حاجه كلمني يا احمد و ان شاء الله حكلمك الاسبوع ده لما ارجع القاهره
سمعت اخر نكته مخدع السيتي الاصلي ب 2000 جنيه :lol: :lol: :lol:
ترجع بالسلامة يا مهاتما ... كل واحد يحرص على المخادع بتوعه بقى :)