الموضوع: ايه رايكوا فال a3 ؟

العربية نفسها الجولف 4 - السيات ليون - سيات توليدو - سكودا اوكتافيا - البورا
بس طبعا علي اشيك بكتير.. الاساسيات واحدة.. قطع غيار الموتور واحدة..
الخوارج بس اللي مختلفة شوية.. و الميزة فيها عن الجولف انها 1600 و في منها اوتوماتيك.. لكن معظم الجولف اللي هنا 1400 مانيوال..

قطع الغيار مش متعبة بالمرة.. جديد و استيراد متوفرة..و اسعارها كويسة.. مش غالية قوي..
تمن العربية بيلعب في حدود 65-70..

في واحدة بتتعرض علي كونتاكت كتير بتاعت واحد اسمه وائل.. ماشية 80 الف كم باين.. و فبريكة تماما..
بس هو بيهرج.. بيتكلم في 85 الف...
اعتقد لو عرفت تخلص معاه علي 75 يبقي كويس..

استاذ احمد الف شكر علي رد حضرتك ........

تمام انتا طمنتني بخصوص العربية

عربية وائل بصراحة يا باشا ماشاء الله مفيهاش غلطة

انا رحت اتفرجت عليها منتهي الروعة فعلا ........... رشة جانبين بس نضافة.... عاملة 80 الف كيلو

للاسف هوا مش عايز ينزل جنيه واحد عن 80 الف .... و دا الي مخليني متردد شوية :)))

لأ كده كتير جدا عليها.. الرقم ده خليها في حضنه بقي.. :)

ده انت تزود عليهم 10 و تجيب جولف 5 تكون موديل 2005 ولا حاجة..
هو ماسك في السعر شويتين.. و اللي يشوف كده يقول انه بقي عادل في التسعير او كده.. كان عايز ياخد عربيتي ب 55 الف..!!!!
كان فيها بتاع 5-6 الاف جنيه مصاريف.. كان عايز يخسف بتمنها الارض..
شوف لو حبيت في عربية تانية زيها بس رشة حتت من برة.. بتاعت واحد صاحبه اسمه امون لونها اسود.. ماشية بتاع 130 الف.. حالتها برضه كويسة.. بس مش في نضافة عربية وائل..
دي ممكن تخلص علي 70..
شوف لو لسة موجوده حاول معاه..

المشاركة الأصلية كتبت بواسطة ahmad allawy

لأ كده كتير جدا عليها.. الرقم ده خليها في حضنه بقي.. :)

ده انت تزود عليهم 10 و تجيب جولف 5 تكون موديل 2005 ولا حاجة..
هو ماسك في السعر شويتين.. و اللي يشوف كده يقول انه بقي عادل في التسعير او كده.. كان عايز ياخد عربيتي ب 55 الف..!!!!
كان فيها بتاع 5-6 الاف جنيه مصاريف.. كان عايز يخسف بتمنها الارض..
شوف لو حبيت في عربية تانية زيها بس رشة حتت من برة.. بتاعت واحد صاحبه اسمه امون لونها اسود.. ماشية بتاع 130 الف.. حالتها برضه كويسة.. بس مش في نضافة عربية وائل..
دي ممكن تخلص علي 70..
شوف لو لسة موجوده حاول معاه..

بس يا استاذ احمد الفرق من 80الف ك ل130الف كم ميستاهلش ان الواحد يضحي بالعربية اللى ماشية كم قليل وانظف من اللى ماشية 130الف كم علشان 10000ج فرق ده رأيي يعني.

انامتفق معاك تماما.. بس الواحد لازم يبص علي سعر السوق.. عشان انت طالما بتشتري عربية مستعملة يبقي بتفكر تبيع.. و متقعدش بيها كتير..
دي ثقافة شرا المستعمل.. و عشان لما تيجي تبيع متخسرش فيها كتير.. لكن انت لو ضحيت في الحالة دي.ز و اشتريت عربية سعرها اعلي من توبها في السوق ب 10 الاف جنيه.. يبقي سعاتك معرض و بسهولة و بساطة انك انت اللي تخسر الفلوس دي كلها لو فكرت تبيع عربيتك في اي لحظة.. و ده السبب اللي مخلي صاحب العربية اللي بنتكلم عليها مباعهاش لحد دلوقتي..
من 5-6 شهور وائل ده نفسه كان بيتحايل عليا ابدل معاه و ادفع الفرق 15 الف جنيه و اخد عربيته.. و انا اللي موافقتش..
عشان هابقي بابيع له عربيتي بسعر السوق.. و باخد عربيته بسعر اعلي بكتير منه..

و بعدين في حاجة.. فرق ال40-50 الف كم دول لو العربية متصانة.. و صياناتها كلها بقطع غيار اصلية.. و عند ناس بتفهم.. مفيش اي مشاكل او خوف من العربية..

و عموما دي وجهات نظر.. و كل واحد بيتصرف حسبب اقتناعه.. و حسب ظروفه المادية.. و حسب ترتيبه هيقعد بالعربية قد ايه.. و هو عايز من العربية ايه..

عندك حق يا احمد باشا

بس انتا لما نيجي نتكلم علي اودي يبقي مينفعش نجيب سيرة اللانوس خالص يا باشا :)))

فرق كبير جدا جدا

عالعموم انا حشوف و ربنا يسهل