دواسة الدبرياج وزيت الباكم
السلام عليكم
دلوقتى ياجماعة من اسبوع كدة كنت فى مشوار وركنت العربية اخلص شوية حاجات
ولما رجعت حسيت ان دواسة الدبرياج خفت واحط رجلى عاليها تسقط لحد النص
قولت يمكن تهيئات ورجلى تعبانى من السواقة بجيب مرشدير عشان اطلع من مكانى
لقيت الفتيس تقيل والغيار عمل صوت احتكاك تروس جيت اجيب الاول لقيتة تقيل بس معضش
بدأت اقلق ومش فاهم فية اية يادوب طلعت على الشارع وبجيب التانى لقيت الدبرياج خف اكتر وبقى على اخر شعرة والغيار عشق بالعافية ... جيت اجيب التالت ملقتش الدواسة فيها حاجة خالص والغيار طبعا مش عايز يعشق عايز يجى احاول تانى مفيش قومت راكن على جنب وكان شعورى بالفرامل بردو مش قد كدة .
كان معايا واحد صحبى يعنى بيفهم شوية فى العربيات قالى افتح الكبوت قالى فين علبة الباكم قومت شاورتلة عاليها
فتحها وكانت المفاجئة مفيش زيت قالى مبدأيا كدة عايزين نجيب علبة زيت باكم وبستر ربنا كان فية بنزينة بعدينا بحوالى 300 متر روحت اشتريت علبة ورجعت قام حاطط العلبة بس الزيت موصلش للماكس كان فاضل حوالى ربع المقياس.
قالى كارك دبرياج هيجيب وشوف هيجيب معاك ولا لأ ... فضلت اكارك لقيتة بيلقط وشوية بشوية لقيتة رجع تمام
قالى كارك شوية للفرامل ولقيت الدواسة اتعدلت بردو.
جربت الغيارات لقيتها رجعت زى الحلاوة ..... المهم صحبى سألنى انت زودت زيت بكم قبل كدة قولتلة لا خالص بس كنت بتابعة قالى طب عموما تابعة كل يوم وشوف فية نقص ولا هيبقى ثابت لو لقيت نقص يبقى عليك وعلى الميكانيكى عشان معرفش اية النظام بعد كدة.
كنت كل ما اركب العربية اطمن على الزيت الاقية زى ماهو قولت يمكن الزيت بيستهلك والمفروض يتزود كل فترة
ومن اول انبارح اخويا اخد منى العربية عشان جيلة صحابة من القاهرة وبيخرجهم ونسيت اقولة على الموضوع دة لأنى لقيت الوضع ثابت .
النهاردة بقى وهو راجع العربية عملت معاة نفس الموضوع بس الحمد لله كان قبل البيت بكام شارع ويادوب ركن العربية كان الدبرياج سقطت تانى.
طلع حكالى على الموضوع وكدة بس بصراحة منزلتش ابص على الزيت لأنى متوقع انة نقص تانى وبكرة ان شاء الله
هروح للميكانيكى .
قولت طبعا لازم اعرفكم وافهم منكم اية اللى ممكن يكون السبب فى الموضوع دة
قبل ما اروح للميكانيكى وياريت لو سعر تقريبى للأجزاء المتوقعة لسبب المشكلة عشان ابقى رايح اعمل حسابى وكدة وبالمرة ابقى فاهم الشغلة والميكانيكى شغال.
معلش طولت عليكم جدا ... بس من عشمى فيكم
وقولت احاول اوضحلكم الوضح بأقسى درجة
فى انتظار الردود