الخشونه دى عندى برضو فوق ال80 برضو بس انا مغير البلى من سنه و العربيه 128
عرض للطباعة
الخشونه دى عندى برضو فوق ال80 برضو بس انا مغير البلى من سنه و العربيه 128
طلع الصوت في العجلة اليمين قدام
ان شاء الله هاروح اغيرها في اقرب وقت
لا يا باشا مش هتمشي
لان فى حاجة فى الفيس اسمها التروس الفرقية ودى بتبقى مسؤلة عن تعويض السرعة بين العجلتين عند دخول المنحنيات لان فى عجلة بتلف بسرعة اعلى من التانية والتروس دى هى اللى بتقلل سرعة وحدة وتزود سرعة التانية
فلما انت بترفع عجلة والتانية بتبقى على الارض التروس دى بتدى العجلة اللى مرفوعة الخرج بتاع الموتور كلة والعجلة اللى على الارض بتبقى ثابتة ومبتتحركش
ايوة يا باشا موجودة فى كل العربيات لانها لو مش موجودة يبقى العربية كدة مش هتلف لان العجلتين ليهم نفس السرعة ولو حصل والعربية لفت يبقى الكاوتشات هتتقطع
وخلفى كمان ودفع رباعى
فكرة عمل الدفع الرباعى وقتيس الغرز
انة يخلى الاربع عجلات ليهم نفس السرعة عن طريق ميكانيزم معين بيثبت مجموعة التروس الفرقية دى وميخلهاش تسمح لاى عجلة ان سرعتها تختلف عن العجلة الاخرى
ودول فديوهين بيوضحوا طريقة عملهم
YouTube - Differential (animation)
هنا زى مهنلاحظ الترسين الكبار (هما اللى مسكين الاكسات اللى مودية الحركة للعجل) ليهم نفس السرعة يبقى مجموعة التروس الفرقية (التروس الموجودة بالعرض بين الترسين الكبار) ثبتة ومبتلفش حول محورها
انما عند اختلاف سرعة العجل ابتدت مجموعة التروس الفرقية تدور حول محورها لتعوض السرعة للعجلة الى بتلف اكتر
YouTube - differentiel
وهنا الحالة اللى كنا بتكلم عنها فوق لما نرفع عجلة ونترك الاخرى على الارض العربية مش هتتحرك
اتمنى اكون قدرت اوضحها بشكل كويس
واى استفسار انا موجود
شكرا يا باشمهندس على المعلومة دي وهي كده وصلت بالفيديو والشرح الرائع ده