السلام عليكم
هل السيراتو الخليجي ممكن يتعملها صيانه في التوكيل؟ انا سمعت ان ده ممكن لو دفعت مبلغ 4000 ج
و هل التوكيل افضل ولا تكنو وان في الصيانات العاديه؟
شكرا
عرض للطباعة
السلام عليكم
هل السيراتو الخليجي ممكن يتعملها صيانه في التوكيل؟ انا سمعت ان ده ممكن لو دفعت مبلغ 4000 ج
و هل التوكيل افضل ولا تكنو وان في الصيانات العاديه؟
شكرا
بالظبط كده يا باشا .. ممكن يتعملها صيانة بعد ما تدفع 4000 جنية
ولو دفعت 4000 جنية طب ما تجيب سيراتو وكيل وخلاص .. ماهي حتبقى نفس السعر ..
وبخصوص تكنو وان فهو مركز كويس وفيه تخفيضات كمان لأعضاء المنتدى
شكرا على الرد السريع
ازاي نفس السعر؟ الخليجي الهاي لاين ب117 زائد ال4 تبقى 121 بما ان الوكيل هاي لاين ب127
حاجه تانيه: التوكيل احسن من ناحيه الصيانه ولا لا؟؟
تحياتي
بص يا باشا الخليجي ممكن تشتريلو ضمان لقطع الغيار سنتين او 40 الف كيلو من شركة تأمين اسمها أمان الشرق وتبقى وفرت الأربع الاف ... أمان الشرق دي ممكن تشتريها من تكنو وان او المعرض اللى حيبعلك العربية .. و صيانة الوكيل زيها زي تكنو وان ... ده بشر وده بشر
شكرا يا رجاله كيا....ما شاء الله منتدى مصحصح عن باقيه المنتديات
انا شايف انه ما فيش فرق بين تكنو وان و التوكيل , و الموضوع مافيهوش اجهزه ولا حاجه انت ما بتشوفش عربيتك ايه اللى بيحصل فيها جوه التوكيل زائد ان معملتهم مش اد كده و ده من كتر الضغط عليهم لاكن تكنو وان فى احترام و اهتمام و متابعه و ده من وجهه نظرى لان العربيه مش محتاجه اجهزه اد ماهى محتاجه اهتمام و حد عنده ضمير
اذا حابب تستني اد 3 4 عشر 15 شهر ممكن تستني الوكيل والي هقوله ده اعتقاد قد يصيب و يخطي ان مفيش حد في البلد دي بيدي ضمان حقيقي كله مضروب انا واحد صاحبي معاه عربيه من ماركه تانيه راح الوكيل و هوة في الضمان ودفع عشان مروحه راديتير 400 جنيه برغم الضمان و الكلام ده انا عارف ان ده توكيل مختلف ولكن
انا لا اثق في اي توكيل في مصر بالمرة حتي لو توكيل موبيل " ده مش عيب صناعه يا باشا ده سوء استخدام سعادتك"
عشان اكده انا مش مبصدق التوكيل ولا بحبه
الي حابب طبعا التوكيل اهلا بيه
انا معايا خليجي و الحمد لله ماشي الحال
طبعا انا رايي مجرد راي فردي لا يمثل قاعده و الي بقوله عن اعتقاد شخصي
اتمني لك التوفيق
انا معاك في رأيك والاختلاف في الرأى لا يفسد للود قضية يا نورمال ويا لولي ... الأجهزة دلوقتى موجودة في كل مكان بس العنصر البشري عليه عامل مهم لانه هو اللى بيشغل الأجهزة دي ... ثانيا انا مش ضد الوكيل لأن عربياتي السابقة كانت وكيل وكنت متخوف من موضوع الخليجي ده .. بس بعد كذا فصل من فصول الوكيل قررت اني اتوكل على الله واجيب خليجي والضمان ربنا لانها بقت مش فارقة .. ده رأيي والله اعلم
ربنا يخليكى يا لولى وزى مبيقولو
great minds think alike :))
على فكره أحنا مش مختلفين :)
بالتأكيد العماله ليها دور وفعال كمان
لكن التوكيل مش العامل الى واقف بيصلح وممكن يكون لسه جاى من يومين
دا خبرات متراكمه من مهندسين عايشوا عربيات من ماركه معينه لقتره كبيره وهما أدرى بعيوبها وحل مشاكلها
إضافه لتلقيهم دورات تدريبيه على أيدى مهندسين من الشركه الام فى التعامل مع أعطال العربيه
يعنى حتى لو أتكلمنا على العماله وتركنا الجانب التكنولوجى جانبا
بردو يفضل التوكيل متفوق لأنه الادرى بالعربيه من غيره وبكتير كمان
هو خلينا نتفق أن فيه فرق
لكن أد أيه؟
أنا شايفه كبير ويستاهل
دي وجهات نظر طبعا .. بس للأسف في مصر الفرق مش كبير زي ما انت متخيل مش كل التوكيلات بتهتم انها تجيب خبير من دولة المنشأ علشان يدي كورسات للعاملين وكمان اغلب المراكز اللى بتبقى فاتحة لصيانة السيارات بيبقى اصحابها دارسين او كانو شغالين في توكيلات ..
مش معنى كلامي ان مراكز بره افضل ... انا اقصد ان الفرق أكيد لصالح التوكيل بس مش كبير لدرجة فرق السعر بين العربية الوكيل والخليجي ..
كلام جميل يا رجاله بس في نقطه مهمه: انا قرأت هنا موضوع ان كان في معرض كبير اوي بيجيب الكيا الخليجي و يركبلها تكيف هنا....(تقريبا كانت بكانتو و تقريبا الموضوع لسه في المنتدى)....هل الكلام ده بيحصل في السيراتو ولا لا؟؟ لانها تبقى مصيبه لو الواحد وفر كام الف علشان يأخد عربيه خليجي و يتضح ان تكيفها اتشال و اتركب هنا في مصر!!!
حد عارف حاجه عن الكلام ده؟؟ او في معرض امين حد يعرفوا؟؟
و معلش بالمره...(علشان الموضوع ده سمعته اكتر من مره)....اه حوار السيراتو البتتقلب على 100؟؟!
انا يوم ما اكون سكران مش هزود عن 100-120....الاقي العربيه اتقلبت ولا حاجه؟؟
سؤال للاخ normal او اي خبير سيراتو.....لو العربيه اتوماتيك و فيها 4 احجام عاديه و التكييف شغال و السرعه 100...الrpm يبقى على كام بالتقريب؟؟
السيراتو وكيل أو خليجى بتنزل زى ماهيا كده من كوريا ومبيتغيرش فيها حاجه
فمتقلقش من موضوع التكييف
طبعا موضوع العربيه بتتقلب زى الصرصار والكلام الغريب دا أرميه فى أقرب صفيحه زباله
والى عايز يتكلم على ثبات العربيه أحسنله يتكلم على بعد 150 أو 160 إنما على أقل من ميه لو حد عايز يقلبها مش هيعرف
بس
العربيه زيها زى أى عربيه لو حد أتغاشم عليها ولا دخل فى حيطه ولا طلع على جزيره مش هتقله لأ
فخد بالك بس
موضوع الrmp هيختلف على حسب الجير.
شكرا على الرد السريع :)
بالنسبه لل rpm فل نفترض انو على اخر نقله (الرابع)....هل هيبقى بعد ال3 و الموتور صوته عالي ولا عادي؟
انا لسه بدور و السيراتو شكلها هتكسب الموضوع....و بقارن بين السيراتو و البونتو ايفو (عيبها التوكيل وقطع الغيار و ضعف الموتور) و الابيزا (اكيد طبعا قطع الغيار نار و اعاده البيع في المشمش)
و لكن عيوب السيراتو الوجدتها لحد دلوقتي كالاتي:
1- الحدفه الشمال
2- سخونه التابلوه
3-الثبات بعد ال140 (مش عيب بالنسبه لي....)
4-الفتيس الاربع نقلات
5- الكلاكس بيعلق (يتغير :) مجتش على دي)
6- في مشكله في الحته بتاعت الفلاشه في معظم العربيات
7- الجنط ال17 و للاسف ولا معارض الخليجي ولا التوكيل راضي يبدلوا ب16 (موضوع البلونات الشائع)
و طبعا تتفق السيراتو على الايفو و الابيزا في اعاده البيع و سعر قطع الغيار (التيل الامامي للسيراتو حوالي 260, في الايفو ب450 اما في الابيزا فمحدش عارف!!!)
لو عندك نصيحه متبخلش عليه :)
مش عند كل الناساقتباس:
1- الحدفه الشمال
دلعاقتباس:
2- سخونه التابلوه
مسأله نسبيه ومش مطلوب من اى عربيه فى الفئه دى انها تمشى 200اقتباس:
3-الثبات بعد ال140 (مش عيب بالنسبه لي....)
ايه العيب فى كدااقتباس:
4-الفتيس الاربع نقلات
فعلا اغلب الاعضاء بيقولوا الكلاكس صوته يكسف :)اقتباس:
5- الكلاكس بيعلق (يتغير :) مجتش على دي)
ممكناقتباس:
6- في مشكله في الحته بتاعت الفلاشه في معظم العربيات
الحل فى الخليجى عشان الجنط 16 او تجيب وكيل وتغير الجنط بمعرفتك ودا هايبقى مكلف طبعااقتباس:
7- الجنط ال17 و للاسف ولا معارض الخليجي ولا التوكيل راضي يبدلوا ب16 (موضوع البلونات الشائع)
توكل على الله السيراتو صفقه رابحه
لا مش هبخل عليك :)
بس أفولك تجيب أنهى واحده من التلاته هنا فى كيا
مينفعش
لأن ببساطه هيطلعلك 100 واحد يقلك دا منحاز
بس هكلمك على المشاكل الى أنت قلتها بحكم إننا فى كيا بقى :)
1.الحدفه الشمال سببها أختلاف ضغوط الهوا فى الاربع عجلات...هى بتنزل كده
أول متجيب العربيه ظبط الهوا ولو مرححتش "إن كانت موجوده أصلاً" بدل العجلتين الاماميتين مكان بعض
2.دى حته دلع كده واحد كان بيهزر معانا بس :)
3.الثبات بيقل بعد 150 فعلا لكن مش بشكل كبير عنه قبل ال100 يعنى بيقل لكن مش بشكل ملحوظ أوى وثبات السيراتو مش أحد عيوبها على الاطلاق
4.ماله؟
أنا عايز أقولك لو الفتيس يبعى عيب علشان أربع نقلات يبقى مفيش مهندسين بقى بتصمم والعمليه بتطلع كوفته كدا :)
الفتيس متصمم على المحرك وكويس جدا
سريع الاستجابه وذكى ومش عيب أبدا
كل ما هنالك أنه لو كان 5 أو 6 كان هيريح المتور لكن بجد مين أنا علشان أحكم أذا كان هو بحالته دلوقتى تاعب المتور؟
أنا مقدرش أعرف بس مؤمن أنى فى حد صمم
5.دا عيب فى الكلاكس نفسه وبيتغير فى التوكيل
6.أعتقد الفلاشه بتعلق بس لو ركبت حاجه بتسحب كهربا وأتلاقلها حل
7.الجنط ال17 بيدى ثبات أكتر بالتأكيد لكن فعلا اللو بروفايل بيسبب البلالين دى
هو طبعا مش هقول دا عيب شوارعنا علشان محدش بقول مش ناوى يطلع فيها عيب :)
تقدر تقول دا عيب فى العربيه وغير مناسب
لو هتجيبها 17 ركز وأنت سايق وأبعد عن النقر ومتخدهاش بسرعه
لو كنت حريص مفيش حاجه هتحصل.
ربنا يهديك للأصلح
ربنا يبارك في حضرتك و استاذ حسام :))
انا حاسس ان العربيه دي زي ما يقولوا انسب و افضل عربيه لاحوال الشارع المصري (ماعدا موضوع الجنط غير كده معتقدش ان عليها غبار او مشكله كبيره)
صاحبي عايزني استنى لغايه الالنترا الجديده بس طبعا بعد الخبور الاخدته من غبور....مستحيل اشتري عربيه توكيلها &*%$#
....و ربنا يعمل الفي الخير :)
العربيه بتجيب 100 كم فى الساعه عند 2750 Rpm
و عند ال110 كم فى الساعه بيبقى 3000 RPM بالظبط
شكرا يا اخ نورمال و معلش تعبتك معايا :))
حد جرب امير وجوزيف فى الصيانة للخليجى انا سمعت انه ممتاز يا ريت لو حد يعرف يفيدنا