الحمد لله أستلمت اللوجان إمبارح وحبيت أنقلكم إنطباعي الاول عنها

بعد التدقيق والتفحيص وكل شغل المخابرات اللي بيحصل في الأستلام

روحت لقيتها عاملة 9 كيلو وواقفة عن الجراج بتاع الموزع (أشتريت من موزع معتمد وقلت استفاد بفرق السعر)

أخدت شهادة الرور ومبايعة الوكيل للموزع ومبايعة الموزع ليا والإفراج الجمركي

طلعت بالعربية علي أقرب محطة وفولت 92

وبدأت الرحلة اللي كانت حوالي 35 كيلو من الشغل للبيت مهو الموزع جنب الشغل

------------------------------------------------

العفشة: كأنك نايم علي ريش نعام بجد يا جماعة أنا ركبت لانسر و لانوس وفيرنا وسبيرانزا وباجيرو وتويوتا

العربية دي عفشتها في نعومة التويوتا والباجيرو

العزل : جيد جدا

الباور : بصراحة هو ده اللي بحبه يكون في الباور سنة تقل بس في الأخر هو خفيف وسنة التقل دي بتديله ثبات علي الطريق

التكييف : شغلته للتجربة علي أعلي درجة وحسيت باللغبطة بتاعت الأر بي أم فقللت البرودة سنة لقيت كله رجع تمام وبصراحة بيبرد كويس جدا

الكاسيت : صوته كويس ومش بيخروش علي الصوت العالي

الثبات : مقدرش أفيدكم دلوقتي لقني معدتش ال 80 علشان بلين

صوت الماتور : ملحوظ بس مش مزعج وأنا عن نفسي بحب زئير المواتير بس بيعلي لما الأر بي أم يعلي لحد 3 مثلا

مفيش عضة في الفتيس نهائي الحمد لله

والهزة اللي في الفتيس بتحس بيها لما تمسكه بس ودي متهيألي هتروح بعد التللين وموجودة في كل العربيات

الدواسات عادي مفيهاش هز

نيجي بقي للحاجات اللي زعلتني

الطاسة اللي ورا يمين وقعت وانا ماشي (الحمد لله علي كل حاجة)

كمبيوتر الرحلات مهيييييييييييس تهيييييييس فظيع

بيقولي الاستهلاك 98 لتر لل100 كيلو وباقي 3.6 كيلو للبنزينة

ممكن الإفادة بالنسبة للكمبيوتر ؟؟؟

وفي النهاية أشكر كل االي قالي ونصحني باللوجان وجزاكم الله خيرا