مشكله في العربيه في الدواره و صوت العربيه عالي !!!!!!

**khaled_bibo** · 16-07-2010 01:41 PM

السلام عليكم ورحمة الله وبركاته

عندي مشكله في العربيه في الدواره ان لمبة البطاريه بترعش جامد و

لازم اسخن العربيه اكتر من ربع ساعه عشان تطفي و كمان لاحظت

ان صوت المكنه عالي عن الطبيعي و كأنها بترزع في بعض مع العلم اني

عمله عمره للمكنه من سنه تقريبا العربيه 128

**Eng_Mostafa_89** · 16-07-2010 05:20 PM

المشاركة الأصلية كتبت بواسطة khaled_bibo

السلام عليكم ورحمة الله وبركاته

عندي مشكله في العربيه في الدواره ان لمبة البطاريه بترعش جامد و لازم اسخن العربيه اكتر من ربع ساعه عشان تطفي

هو حضرتك وانت بتسخن بتزود بنزين ولا بتبقى سايبها سلانسية

و كمان لاحظت

ان صوت المكنه عالي عن الطبيعي و كأنها بترزع في بعض مع العلم اني

عمله عمره للمكنه من سنه تقريبا العربيه 128

الزيت بتاع العربية بقالة قد اية؟
وياريت وصف للصوت دقيق شوية
عند الدوارة موجود ولا لاء وهل شوية وبيروح ولا لاء

**khaled_bibo** · 16-07-2010 06:05 PM

1- وانا بسخن بزود بنزين عشان لمبه الدينامو تطفي و اما تطفي بسيبها

سلانسيه

2- هو بقاله 5000 من ساعة عمرة الماطور و اللي حصل ان بعد العمره وش

السيلندر باظ و جابت زيت عليه مايه و بعد كده بعد اما غيرت الوش رجع لونه

الطبيعي بعد اما كان ابيض و كمان كان مظبوط بس دلوقتي نقص شوية و

بالنسبه لصوت الماطور تحس انه صوت خلاط و كمان زي اما يكون

حاجة بترزع جوه

**khaled_bibo** · 17-07-2010 04:12 PM

ايه ده يا جماعه 28 مشاهده و مافيش غير رد واحد !!!

**kantoosh** · 17-07-2010 06:31 PM

اولا بالنسبه للمبة البطاريه يبقى سير الدينامو هو اللى مش كويس وعاوز يتغير او الدينامو هو اللى بيودع وعاوز يتكشف عليه اما بالنسبة للصوت العالى للموتور فهو اكثر من احتمال الاول انك تحط بنزين اعلى يعنى لو بتحط 80 حط 90 والثانى ان نوعية الزيت اللى بتحطها نوعها مش كويس او مشيت عليه كتير وابتدى يحل مع السخونية ويبقى الموتور بيحك فى بعضه ونصيحه غير زيت وفلتر وهات زيت يكون انظف شوية من اللى بتحطه لو بتحط كالتكس ولا التعاون فيه شل او موبل ب 50 جنيه وده نوعيه نظيفه شوية وده على حد علمى القليل وربنا يوفقك لكل خير

**khaled_bibo** · 17-07-2010 06:36 PM

شكرا ليك على النصيحه بس انا فاكر انها عملة موضوع لمبة البطاريه ده قبل كده و كان الابلاتين لادع و غيرته من شهر و ان شاء الله هاغير بزيت نوع احسن و شكرا على النصيحه :(