الموضوع: انا ينفعلي cbr ??

اولا احلي سلام لأحلي اعضاء ف أحلي منتدي
ثانيا انا عندي سؤال يا جماعه يا ريت تفيدوني فيه ؟

انا جديد ف حوار الموتوسيكلات ده عندي معلومات كتير الحمد لله من المتابعه لكن خبره عمليه ضعيفه

انا ان شاء الله ناوي اشتري موتوسيكل و بصراحه نفسي ف حاجه ريس مش كستم
مع العلم اني عمري ما سوقته بس عادي بعرف اسوق موتوسيكلات عاديه
المشكله هي اني طولي 191 سم ف اعتقد ان شكلي علي الريس هيبقي كأني جمل راكب فيسبا

ف يا ريت حد يقولي كلامي ده صح و مظبوط ولا لأ و بيتهيألي بس ولو صح ايه هو اكبر حجم من الcbr ينفع يبقي شكلي مقبول عليه ؟؟ يعني 250 ولا 400 ولا 600 ؟؟؟

ولا مش هينفع معايا غير الكستم بقي ولا ايه
ارجو الافاده وشكرا علي الاطاله

اولا الف شكر علي ردك يا بو كمال d:
انا متابع معاك ف كل مواضيعك والله انت و كل الاخوه الكرام والف مبروك علي الشادو طبعا
بس يا ريت تقولي ليه اخليني ف الكستم ؟

المشاركة الأصلية كتبت بواسطة KHALED2010

اولا ياباشا اهلا بيك فى عالم الدراجات النارية وعايز اقولك حاجة فى البداية قبل ماتغوط فى الموضوع لان الدراجات النارية عامله زى البحر ال مالوش شاطيء يعنى لو دخلتها صعب تخرج منها ......

وارجع اقولك اهلا بيك فى عالمنا هذا وعلى فكرة بقى انتا فى بايك ريسينج هيا ال تنفع معاك وهتبقى تمام اوى معاك .........cbr 900 model 1998 المكنة ضخمة جدا والجدون بتاعها ساحب لقدام يعنى هتخليك قاعد مرتاح جدا وشوفها وجرب الركوب عليها وهيا واقفة مكانها بجد مكنة ممتازة

ههههههههههه اعتقد انه في اليوم الاول هيقول اقسم بالله العظيم اني ما شفت واحد في رجوله خالد ولا مواقفه وازاي انته تعبت معاه ورحت وجيت وسيبت الشغل وبعد اول وقعه يبتدي يدور علي زبون سريع يشيل المكنه وطبعا الموضوع هيبقي فيه خساره وطبعا تلاقي موضوع طويل اتفتح وعنوانه لو سمحت خلي بالك من رجليك

ممنوع التهكم على الاعضاء
تم الاكتفاء بتنبيهكم وسيتم توقيع العقوبة اذا تكرر الفعل

مشرف القسم
١١ب

ربنا يوفقك وتلاقي حاجه كويسه وانا رايي في عضو هنا ممكن يجيبلك حاجه كويسه من السويس زي مكنه الاخ عمر كده واهو عشان تتعلم الميكانيكا فيها انتا بس اديلو فلوس وهو يظبطك

الف الف شكر لكل الناس اللي ردت و بجد يا جماعه ربنا يباركلكم عشان بتفيدوني معاكم
و شكرا يا خالد علي ردك بس اعتقد ان ال 900 هتبقي كبيره شويه اني ابدأ بيها ده غير انها غاليه ولا انتو ايه رأيكو ؟
و اتمني لو حد عندو صوره مثلا لواحد طويل راكب مكنه 400 عشان اشوف شكلي هيبقي عامل ازاي عليها :(

و انا بجد نفسي ف الريس فلو فعلا في حاجه او موديل هينفع معايا يا ريت حد يفيدني لو مفيش يبقي دلوني علي الكستم بقي