الموضوع: مشكله فى اضاءه فوانيس السيراتو واظن انها مشكله عامه

المشاركة الأصلية كتبت بواسطة xshadow

أنا عندي بحسو أضعف فالنحيا الشمال عن اليمين :d

و كذا مرة أحس إن الواطي فعلاً عادي.. بس د أظن عشان اتعودت عليه فعلاً..

ونا بأيد رأي عمر برد في انك تجيب فوجات و واطي بس، بلاش عالي

و متقلقش، إن شاء الله أما تجيب زنون فالفوج مش هتحتاج الواطي كتير

إلا قولي يا شوقي إنت ناوي تجيب الزنون امتى ؟ لو ناوي تجيبو قريب ممكن أرخم عليك وطلب واحد تاني معك ؟ لو كدة ألي عشان أقبلك ولا حاجة اديك تمنو و كدة إن شاء الله

الاوردر ان شاء الله اخر الشهر ده بالكتير كمان اسبوع او 10 ايام

هجيب العالى والفوج وهجيب للمدير بتاعى لمبه الافيو عالى وواطى فى لمبه واحده

النوع امريكى ولكن بيتقفل فى البرازيل وبيركب فى البى ام والبورش واضاءته وجودته عاليه اوى زى الفيلبس لانه اوريجنال مش مضروب ولا صينى زى بتاع مصر وبنفس سعر الزينون فى مصر مش غالى خالص

المشاركة الأصلية كتبت بواسطة amr a.salam

أكيد تهيؤات يا شوقي :)

بس نصيحة لو هتركب زينون ما تركبش في العالي

لأن الزينون لازم اللمبة تفضل شغالة شوية علشان تدي اضاءة جامدة

وانت هتجيبه علشان ترعش بيه بس أكيد مش علشان تعمي الناس

فكدة انت هتدفع فلوسه على الفاضي

الكلام دة كان عضو هنا قاله وكلامه منطقي 100%

وممكن تسأل زواوي برضه علشان هو مركب في كله عالي وواطي وفوجات

هو كلامك منطقى وصح ياعمور بس انا مش عايز اجيب واطى لانى همشى عليه طبعا طول الوقت ومش عايز لجنه ولا حد يستعبط ويقرف امى ولا انت ايه رايك ؟

الا قولى صحيح احنا لمبات السيراتو 35 واط ولا 55 ؟

لا هينفع يا زواوى هيعمى الناس الرخمة الى بترمى عليك
انا كمان بفكر عالى وفوج بس خايف من توكيل حد ركبوا فى التوكيل قبل كدة؟؟؟؟؟؟؟؟؟؟؟؟

هو يا جماعة مش المفروض فيه رجلاش يعلى ويوطى الفوانيس، يمكن عندك انت مشكلة فى كده

انا معايا العربية وانا شايف ان نورها ممتاز ومش محتاج حتى الزينون بالنسبة للواطى دة بيبقى جوا البلد ممتاز وكفاية لان العربيات بتبقى قريبة منك وفى نسبة نور فى الشوارع لكن مثلا طريق زى الصحراوى او العلمين تنول فية العالى وهتلاقية قوى جدا الفكرة كلها ان الناس مش بتشغله بصفة مستمرة على السريع اعتقاد ان الى قدامك هيدايق لكن انت من حقك فى الطرق الظلمة تنوره وبالنسبة للى مدايق بحرك زرار المراية علشان النور مش يدايقوا ويلتزم فى الحارة الى الى هوا فيها لحد مانت تعديه لكن لو انت ماشى ورا بصفة مستمرة ومش هتعدى سرعته ممكن تشغل الواطى وهيبقى ضارب علية فمش هتحتاج العالى

ونصيحة محدش يفكر يلعب فى كهربة العربية لانها معمولة بحساب ومينفعش نزود اى حاجة عشوائى لان بتاثر مع الوقت الاضافات ولو حد عايز يزود يروح التوكيل لان فى اضافات بتستهلك وات عالى و بتاثر على البطارية وممكن بعد كدة متيجي تغير البطارية تغيرها بواحدة اقوى تناسب الاضفات الى انتوا حاطينها انا عانيت كتير فى عربيتى القديمة وبقى كل حاجة محتاجة كاتوت الكلاكس والنور وكله بقى ياثر على كله علشان كدة سايب كل حاجة فى السيراتو على الفبريكة بتاعتها