يا رجالة دايهاتسو الاقسام كلها مظبطة مقابلات إلا قسمنا....هو احنا مالناش نفس ولا إيه؟؟؟؟

أنا عارف إن فيه ناس زعلانة من آخر موضوع لتحديد المقابلة, بس كلنا ناس كبيرة ولازم دلوقتي نتفق مع بعض على مقابلة...

الصيف جه وقرب يخلص واحنا آخر مقابلة كانت من حوالي سنة!!!

يا ريت يا جماعة اللي لسة متضايق يتنازل ويشارك معانا, ماهو برده ماينفعش يبقى في مقابلة من غير الناس التقيلة بتاعتنا!!!

أنا اقتراحي كالاتي:

المكان: الرحاب (على أساس إن كل الناس عرفت المكان وكله اتبسط منه)
الميعاد: بعد صلاة الجمعة (طبعا هنظبط للناس اللي تحب تصلي الجمعة مع بعض )
التاريخ: 30/7 هيوافق الجمعة اللي بعد اللي جاية.
أو
التاريخ:13/8 هيوافق شهر بالظبط من دلوقتي, وهيكون في رمضان نفطر مع بعض. (واللي ليه في السهر ممكن نتسحر هناك)


اللي ليه طبعا اقتراحات يتفضل. المهم نتفق.




ملحوظة: أنا ما عنديش مانع للسفر بره القاهرة, يعني لو الناس موافقة على السودان (أرض محايدة) برده هاطلع..