سلام عليكم ....
سؤال المقارنة زي ما هو مكتوب .....
سوبارو امبريزا سيدان 2010 ( اوتوماتيك و مانيوال ) ب 140 ألف جنيه فول اوبشن ( على فكرا كانت ب 155 الف بس عليها خصم ) ...
( ياباني 100% ما عدا جهاز الفرامل abs ألماني و اطارات بريدج ستون بمواصفات مصرية )
و لا
نيسان تيدا 2010 سيدان فول اوبشن بلس .. ب 128 الف جنيه ...
........
هوا رأيي الشخصي : الامبريزا لعدة اسباب :
- الوحيدة اللي دفع رباعي ( سيدان او هاتشباك ) في مصر .
- محرك بوكسد ( نفسه محرك البورش ) .
- الصاج قوي الى حد ما .
- اوتوماتيك و مانيوال .
- شكلها زي المرسيدس .
- 10 سماعات بتقنية srs و 8 اير باج .
- شنطة واسعة .
طبعاً قطع الغيار لن تجدها إلا في التوكيل ........
و اعادة بيعها اكيد في الضياع ...
بالرغم من كدا , لكن العربية لفتت نظري صراحة ....
طبعاً انا كلمت واحد من التوكيل و خليته يقارن بصراحة , و يكلمني كواحد مشتري عادي برده .... قال لي ان النيسان ماركة محترمة , و التيدا عربية محترمة , لكن شكلها مش لطيف و غير كدا بيقول لي : يا باشا انا ح اقول لك بكل صراحة , مفيش محرك بقوة السوبارو ح تلاقيه في اي عربية تانية , دا غير انها 4*4 و ده برده مش ح تلاقيه في اي عربية تانية .....
قلت له بس المشكلة في اعادة البيع و قطع الغيار ...
قال لي : بالنسبة لقطع الغيار , فاحنا ارخص قطع غيار ياباني في مصر و ممكن اثبت لحضرتك بالأوراق و بالمقارنة ما بينها و بين اي ماركة ياباني تانية .... عند حضرتك المازدا مثلاً , عربية جميلة و محترمة , لكن تعال لقطع غيارها , ح تلاقي اسعارها مبالغ فيها جداً , نفس الحكاية للهوندا ....
اما اعادة البيع , فكله بيخسر , و انا مع حضرتك ان خسارة تفرق عن خسارة , بس العربية دي بجد و عن تجربة مش ح تفكر تبيعها , السوبارو دي تعتبر اللادا بتاعت الياباني ....
ده كلام التوكيل .....
:)
...........
بس انا عاوز اعرف رأيكم .... و لو ان المقارنة بالنسبة للمعظم ح تيجي في صالح التيدا ..... :)
المفضلات