محتاج شوية اكسسوارات للبيتلز

[overline]
انا اشتريت بيتيلز كويسه بس كانت مركونه من مده طويله وغيها حاجات ناقصه
اولا علشان نتفق هي برازيلي موديل 82 ومحتاج الاتي لاني باشدها كلها
محتاج 4 طايات كوبايه اللي بتركب جوه الجنط
محتاج نواكل الجنب كامله ونيكل الشنطه الاماميه
محتاج وشوش فوانيس ( باغات خلفيه الكبيره الاصليه )
محتاج وشوش استانليس للكشافات الاماميه
وتتكلف كام كراسي طياره اسبور؟ جلد اسود؟
يار يت تساعدوني انا طول عمري راكب مرسيدس واول مره مع البيتيلز ومش عاوز اشتغالات من اللي في السوق
اللي عنده قطع زياده من اللي انا محتاجها يقول لي او يدلني اجيبها من فين واسعارها ايه
ياريت استقبل منكم ردود بجد
[/overline]

لو عاوز حاجات استيراد - و فيه هناك محلات جديد برده عندك بعد حديقه بدر اللي عل جسر السويس - عدي المزلقان و قابل بقى بتوع الفلوكس كلهم

عندك هناك - حبيبي في الله - اسامه علام بتاع استيراد و استشيره بس اي حاجه انت عاوزها - ده راجل محترم و امين قولله بس انا معرفت وائل صاحب الفلوكس الخضرا الامريكاني
و عندك بتاع الجديد محمود عويس راجل امين جداااااا
و في غيرهم كتير برضه

يا رب اكون افادتك زز
نسيت انا اسف .......ز مبروك العربيه
ربنا يديك خيرها و يكفيك شرها
يا تر جبتها بكام
ربنا معاك

1 - النواكل بتاعت الجنب جبها جديدة هى الاسعار بتختلف من ال 1300 وال 1302 و1303 مش فاكر الاسعار والله ومش عاوز افتى
يمكن 70 او 170 والله ما فاكر وابقى غير بالمرة الكلبسات بتاعتها

2 - بالنسبة لوش الفانوس الخلفى هات الامريكانى اقوى بكتر من البرازيلى والمصرى عاملين زى الشبسى طبعا المصرى مش عاوز اقولك عالية بس هل يا ترى هتلاقى وش بس مش عارف وشوف هل ينفع يركب على الداخلى العندك ولا لا على العموم انا كنت جايب الفنوس كامل امريكانى ب70 جنية وكان فى عواكس من جوة شكلة رايق قوى

3 - الوش الاستانلس اظن هتلاقية بس هات زى الموجود فى العربية بالظبط يعنى خد القديم معاك لو موجود عشان ميجيش موديل تانى وتحس ان العربية عندها حول

4 - فى واحد اسمة اميل فى نفس المكان العند اسمة علام هو معملة ناشفة شوية بس هتلاقى عندة كل الرفايع وحجاتة نظيفة عشان كدة بيبقى كلامة واحد ومش بتع لف ودوران

ربنا يخليك ويبارك فيك هي كويسه وبنت حلال وسليمه بس كانت مركونه اكتر من 10 سنين اول يد و سعرها مقعول قوي يقبل المصاريف بذمه واشكركم علي ردودكم المفيده واقبلوني واحد من مغرمي البيتيلز لانها كانت عندنا وانا في سن 7 سنين زيرو بس مالحقتش اسوقها بس هي ممتعه ودمها خفيف .
بس ياتري حد عمل كراسي طياره وعند مين وكلفته كام؟