ممكن نعمل Blind Zone "أليرت" للنيو سيراتو؟
السلام عليكم
أولا فى حاجه غريبه كل مكتب كلمه "أليرت" بالأنجليزي فى عنوان الموضوع تتحول لنقط :))
مش فاهم هى كلمه عيب ولا أيه :)
طبعا كلنا عارفين أن قوايم العربيه عريضه حبتين وبتعوق الرؤيه الجانبيه الى حد ما
وبتعمل مشكله بالذات مع تغير الحارات لأن ممكن تبص جنبك ومتشفش أن فى عربيه جانبك بردو
ففكرت فى البليند زون أليرت
لما دورت على النت هو تقريبا محدش ركبه على السيراتو خالص حتى بره
المهم هو فى أنظمه منه كتيره أوى
الاختلاف بيكون فى الدقة و كمان طريقه الـ output
وفى فرق شاسع - فى السعر - بين الانظمه دى
أعلى واحد بدقه عاليه جدا و بيدى رمز كدا على المرايه نفسها يدل أن فى عربيه جنبك ويحذرك كمان بتحذير صوتى
زى دى كدا
http://www.weblogsinc.com/common/ima...30831160686887
أقل واحد تقريبا عباره عن سنسورز برده بس عاديه جدا زى الباركينج سنسورز كدا لكن برينج أعلى شويه
ومتوصله بلمبه عاديه بتركب على المرايه
المشكله تكمن فى تظبيط السنسورز بحيث تغطى مساحه البليند زون
أول لما عربيه تدخل فى البليند سبوت اللمبه تنور فتعرف أنت أن فى عربيه جنبك
ولما تخرج العربيه دى من مجال البليند زون اللمبه هتطفى والعربيه دى هتبان بقى واضحه يا جانبك أوى يا اما ورا فى المرايه
السيستم دا شبه دا كدا
http://cens.com/cens/supplier/12110/...=1276597719333
وطبعا فيه الطريقه المصريه الشهيره والاسهل :)
المرايه المقعره بتاعه التكساجيه والى أنا أفضل أنزل من العربيه وأشوف فى حد جنبى ولا لأ وأركب تانى ولا أنى أركبها
http://www.smartmotorist.com/images/...pot_mirror.jpg
ايه رأيكم؟؟