الموضوع: جبت كارينز جديدة و عندي ملاحظات

المشاركة الأصلية كتبت بواسطة ideftar

السلام عليكم.انا عضو جديد لانج ولسه مستلم العربية اول امبارح.هاى لاين وكيل من الدفعة الطازة اللي وصلت من اسبوع كده

الصراحة عندي كام سؤال عايز حد يشور عليا
1 تقريبا مفيش فرامل يد.انامشيت بتاع 250 متر و هي مشدودة واللمبة منورة وعادي جدا مفيش مشاكل! اما نزلتها محستش بحاجة
2 اناواقف على منزل جراج والعربية وشها لتحت. جبت ريفرس وعايز اطلع العربية . لوشلت رجلي من الفرمل العربية تنزل لتحت ومترجعش لورا الا لو دوست بنزين حبة حلوين
3 العربية سلسة جدا ما شاء الله. بجيب 120 واناموش حاسس. حتى لسه 150 كيلو و خايف التليين ميبآش صح.

مارايكم دام فضلكم؟

عزيزى ideftar
مبروك عليك الكارينز ... ربنا يعطيك خيرها ويكفيك شرها وتستمتع بيها ان شاء الله ... العربية جميلة ومريحة

طبعا أ./ محمد سليم اعطاك الاجابات الشافية لأسئلتك ..
وفعلاً مشكلة ان فرامل اليد بتيجى مهوية خالص .. وانا رحت ظبطتها عند محمد زكى فى القطامية
والعربية مشكلتها فى الطلعة الأولى من الثبات ... لازم تكبس لها خصوصا فى المطالع أو لو كان التكييف شغال
انا عربيتى مانيوال واعتقد ان الفتيس عندك ستبترونك ,, والأخوة اللى معاهم اوتوماتيك ممكن يفيدوك فى كيفية استغلال هذه الميزة الرائعة فى العربية

تجنب تشغيل التكييف قبل صيانة 1000 كم حسب ما بيقول كتالوج العربية ... وتجنب السرعة العالية ... الخ

وأخيراً زى ما Normal قال لحضرتك ... يسرنا انضمامك لمجموعة مالكى الكارينز وتم ارسال الدعوة اليك
برجاء الدخول على موضوع مرحبا بالجميــــع عشان تتعرف على جميع أعضاء المجموعة ... وكمان نعرف اسمك الحقيقى اذا ماكانش عندك مانع

وأهلاً ومرحباً بك فى المجموعة