سيارة خدمة شاقة وراحة للسفر الطويل !
السلام عليكم ورحمة الله وبركاته،
اخوانى الكرام،
فيه معادلة صعبة من وجهة نظرى ومحتاجه خبرة كبيرة،
دلوقتى انا مثلا محتاج عربية اعتمادية وتتحمل تكسير ومطبات الطريق الزراعى والحفر والتكسير والبلاعات،
وموتورها قوى ومش بيحتاج صيانة الا كل فترة طويلة ! بغض النظر عن تكلفة قطع الغيار والصيانة المهم متتعملش الا على فترات طويلة فعلا وتكون بجد معمره.
وفى نفس الوقت تكون مريحة جدا فى السفر للمسافات الطويلة وموتورها قوى وسريع ويستحمل الجرى والسفر مسافات طويله بثبات على السرعات العالية والملفات وبلا أعطال ،
ويكون فيها مثبت سرعه وتكون اوتوماتيك والكراسى مريحه متتعبش الظهر !
هل فيه أمل ان الواحد يلاقى حاجه كده مستعملة ولا تتعدى ال 150 ألف ؟
