الشحن زياده و عامل تحميل على الموتور
عرض للطباعة
الشحن زياده و عامل تحميل على الموتور
فعلا انت محتاج تروح لواحد تاني يكون بيفهم
انا من الاسكندرية علشان كده مش حقدر انصحك
خلاصة الدور ودي غالبا اللي عندك
المفروض الكربيراتير فيه روافع وادرعة كده
انت تقف قدام العربية وهي دايرة وتخللي حد جوه العربية يشغل التكييف وانت مراقب الدراعات دي كويس جدا
هتلاقي اول اما التكييف بيشتغل المفروض ان فيه دراع منهم بينزل يضغط على لسان كده وفي في آخره مسمار
الدراع ده سيادتك هتلفه ربع لفه بربع لفه وكل ربع لفه تشد سلك البنزين (تدي امبليه) وعين اللي قاعد جوه على عداد الار بي ام لحد اما تلاقي السلانسيه والتكييف شغال قريب جدا أو عند الألف
موضوع تقديم وتأخير الكهربا عشان التكييف ده ملوش أي لازمة غير انه بيكلبش العربية فعلا وخصوصا لو انت مش بتستعمل بنزين 80 لأن معظم العربيات وبالذات اللي نازلة التكييف فيها بيبقى الاسبيراتير متصمم انه بشكل آلي يأخر الكهربا لوحده ودي بميكانيزم معقد بعض الشئ ونشرحه هنا
هتلاقي في صدر العربية سيلينويد متوصل بسلكين كهربا وخرطومين هوا ده اسمه VSV (Vacuum Switching Valve)...سيادتك اول ما بتشغل التكييف السيلينويد بيفتح يقوم مرحل جزء من الفاكيوم اللي معدي فالخراطيم للجزء اللي بيحرك الدراعات فالكربيراتير عشان يزود سنة بنزين تعادل حمل التكييف....وجزء تاني بيتحول ناحية الاسبيراتير عشان يأخر الكهربا عن طريق تحريك القاعدة بتاعه من جوة سنة صغيرة جدا ولكنها كافيه فيما يعرف باسم Ignition Auto Advance وده موجود عندي فالسويفت
فانت الاول ظبط العربية كويس عالعادي وهتلاقي استيكر ملزوق عالكبوت مكتوب عليه الزاوية المظبوطة بتاع الكهربا وهتخللي حد من مراكز الخدمة اللي بيظبطوا الكهربا بكشاف التوقيت Timing Light ومتأخرش الا لو انت بتستعمل بنزين 80 وبعدين تفحص موضوع الدراعات ده وافحص السيلينويد ده وهتلاقي الدنيا مظبوطة
أنا عارف اني اديت كمية معلومات كبيرة وتقيلة على البعض فاللي عاوز أي استفسار انا فالخدمة
انا متشكر ليك جداا على المعلومات دى كلها بس انا توصلت خيرا الى انى قبلت واحد بتاع تكييف بيشتغل فى العربيات ال بى ام دابليو بس وشرحتلة مشكلتى مع التكييف وقالى ان المشكلة دى عايزة ميكانيكى مش بتاع تكييف لان مدام التكييف بيشتغل والعربية واقفة يبقى كدة التكييف تمام لكن اول متتحرك يبقى انت كدة دخلت فى تخصص لميكانيكى وقعد شوية يشرحلى اية اللى بيحصل فى العربية لما التكييف يشتغل والدراعات اللى بتعلى العربية شوية وقالى ان الكربرتير محتاج يتظزبط كويس وان احتمال يكون الهوا مش مظبوط
وكنت عايز اعرف اية رائيك فى الكلام دوة و هلى المسمار اللى انت صدك عالية هو مسمار التعلية
وكنت عايز اعرف منك هيا الفيوزات اللى فى الصورة دى مسئولة عن اية بالظبط
http://img105.herosh.com/2010/08/08/903609187.jpg
وكنت عايز اعرف منك هيا الفيوزات اللى فى الصورة دى مسئولة عن اية بالظبط http://img105.herosh.com/2010/08/08/903609187.jpg
اعتقد الموضوع متعلق بنوعية الفريون