عرض للطباعة
السلام عليكم
انا العربيه عندي لسه عامله 200.000 كم
ولحد دلوقتي ما غيرتش حاجه في العفشه
غير بتاع اربع مرات بيض الدريكسيون بس
المهم كل ما اروح لعفشجي اقوله بص علي المساعدين والعفشه يقولي مفهاش حاجه كويسه
هي بتبان كده يا جماعه ولا
كل شويه هقول هغيرها وبعد كده اقول ما الراجل قلي كويسه
مش عارف امشي وره كلام الراجل ولا امشي وره العداد
مع العلم ان استعمالي في بعض الاوقات وحش جدا في المطبات والحفر
حد يقولي من اهل الخبره اعمل ايه؟؟؟؟
طيب هوا حضرتك بتشتكى من عيب معين عايز تغير بسببة العافشة ؟
+1اقتباس:
المشاركة الأصلية كتبت بواسطة Sherif Khalifa
مدام مفيش حاجه فى الدركسيون او و انت ماشى بالعربيه بتحدف مثلا او اى مشكله تانيه تدل ان العفشه فيها عيب
غير ان الميكانيكى قالك انها كويسه .. عايز تغيرها ليه ؟
لو كده روح مركز نضيف موثوق فيه زى بريدج ستون يكشفولك عليها كلها
عندك شكوى من ضعف ثبات العربية؟
العربية بتتهبد فى المطبات؟
فيه مساعد او اكتر جايبين زيت؟
لو الاجابة لا يبقى مساعدينك سليمة
MMamdouh
شكرا يا جماعه علي ردودكم
انا بحس في المطبات برزع وره في العفشه(في واحد بيقولي دي جلد وره بيتغير ؟؟)
ولو خدت حفره جامده تحس قدام ان مفيش مساعد اصلن تسمع صوت حديد(مش عارف ده طبيعي في الانوس ولا ؟)
وانا ماشي في السفر بلاقيها بتحدف فعلن حدفه جامده لازم امسك الدريكسيون كويس بمجرد ما اسيبه بلاقي العربيه حدفت عالطول
الثبات معقول يا استاذ ممدوح بس في حدفه زي ما قولت ومفيش مساعد جايب زيت
يا جماعه عايز رأيكم في حاجه
الاوكتافيا لما اخد بيها مطب بحس فعلن ان في مساعد لكن الانوس بحس ان العربيه اتشالت واتهبدت
المقارنه دي يا جماعه ظالمه ولا انا عندي مشكله في عفشه اللانوس؟ طبعا السؤال ده غير موضوعنا الاساسي
راجع على الجنوط والكاوتش
ممكن يكون جنط تعبان او كاوتش متاكل من جنب
لو كله تمام ظبط ترصيص عند واحد كويس عنده ماكينه كويسه
العفشة لو مظبوطة مش هتبقى بالشكل اللي بتقول عليه ,
و الدليل لو ركبت لانوس جديدة مش هتحس بالحاجات دي ,
انا رأي انك تروح عند واحد متخصص في العفشة زي اولاد إمام في المنيب ,
و خليه يكشف على العفشة كلها و أي حاجة محتاجة تتغير غيرها.
فين مكانهم فى المنيب استاذ اكرم