الكورسا مع اني من محبي وملاك فولكس بس ملاحظتي انها منتشرة جدا في المانيا وعليها طلب هنا اكتر من السيات بكتير
عرض للطباعة
الكورسا مع اني من محبي وملاك فولكس بس ملاحظتي انها منتشرة جدا في المانيا وعليها طلب هنا اكتر من السيات بكتير
تماام ياباشا منورنا اخبار الكورسا هناك ايه ياباشا كلامي مزبوط مش كدا انها منتشره وخدت درجات الامان عاليه
الكورسا والأسترا في المانيا او على الأقل في برلين مكان ما انا عايش منتشرين جدا ،الكورسا البابين بأشوفها كتير جدا ، وانا جربت الأسترا الجديدة عجبتني قوي انا مش خبير زيكم في العربيات لكن العربية حلوة وسريعة وثباتها ممتاز وعليها طلب ، السيات فولكس فاجن صحيح بس ما بأشوفهاش غير كل فين وفين جايز عشان الأصل موجود لكن برضه سكودا وهي تبع فولكس فاجن منتشرة برضه بشكل ملحوظ، وبالمناسبة انا حتى الآن عندي باسات 2009، الأوبل بالرغم من انها تبع جنرال موتورز لكن الألمان بيعتبروها بتاعتهم وكانوا عايزين جنرال موتورز تبيعها بأي طريقة لشركة اخرى لكن جنرال موتورز اتمسكت جامد بيها وحصل خلاف بين امريكا والمانيا السنة اللي فاتت ووزير الاقتصاد الألماني سافر مخصوص امريكا عشان موضوع اوبل
شكرا ياباشا ع رد حضرتك يعني كلامي طلع صح زي ما قالي صاحبي هناك برده
طب ياباشا الانسينيا اخبارها ايه هناك
عفوا على التأخر في الرد الانسينيا دي شكلها بيعجبني اوي عربية روعة وأخدت لقب سيارة العام في سنة 2009 ومنتشرة برضة بشكل ملحوظ، بس اعتقد انها ما بتنزلش مصر مش كدة برضه
مش حتنزل ياباشا ف مصر عشان التوكيل بتاعها سيء
السلام عليكم الاول..
انا رايى الاتنين حلوين جدا بس احنا لازم نبص على القيمه بتاعه العربيه تساوى ولا لا...
بصراحه انا شايف ان الاوبل سعرها اوفر اوى وماتستاهلش... ودة مايمنعش طبعا ان العربيه محترمه جدا بس سعرها من وجهه نظرى غير مناسب معاها طبعا الفورد فييستا و الفولكس بولو الجديدة...
انا مش عارف سعر السيات كام بالظبط بس شوف مستوى الكماليات والموتور...
بس فيه برضه الفيات بونتو ايفو 1400 سى سى ايطالى بتتجمع فى اهم مصنع لفيات فى تركيا وال فول كاتيجورى اظن ب 106 الفا وفيها abs+ ebd + ba ودركسيون مالتى فانكش وكل الكماليات اللى تتوقعها...
وفى الاخر هى والكورسا 1400 سى سى والاوبل بتبدا من 110 و الفيات بتبدا من 90 الف يعنى فرق 20 الف اظن انك اولى بيهم لان الاتنين حلوين ونضافه صنع متناهيه...
بس لو بصيت فوق شويه الرينو فلوانس عربيه هايله جدا 1600 سى سى وبتبدا من 113 الف..
وليك الاختيار بس انا رايى ان لو قارنت الكورسا بالايفو اكيد هاتبقى المقارنه فى صالح الفيات
وعندك برضه الاسكودا فابيا (نفس موتور الابيزا)