السلام عليكم
انهارده كنت متوجه الى ستى استارز عشان اشوف بعض الزمله
وكالعاده تايه على البوابات فقولت مبدهاش بقى اركن العربية وانزل اخدها مشى
المهم لقيت بارك وطبور طويل عريض يمكن يكون سادد الشارع
وده الطبيعى بس الى مش طبيعى انى لقيت الناس مره واحده بقت فى حاله هلع وفزع شديد
المسؤلين عن ركن السيارت وتفتشها عمالين يجروا على الرعبيات عشان ترجع لورا وتخرج بره الطابور وكانوا بيشيلوا الحواجز
فى البدايه كنت مستغرب لما لقيت ان واحد كان هيخبطنى وهوا بيطلع من الخضه وكل واحد عاوز يفلت
بديلوا
لحد ملقيت دخان كتير طالع من مدخل البارك وطبعا مش عارف اوصف اد ايه حاله الفزع الى فيها الناس
والى بيشيل الحاجز بعيد والى بيقطع السلاسل عشان يقدر يخرج
وطبعا الى بيطلع من المدخل بظهره بسرعه وتخبيط العربيات فى بعضها
وربنا يكون فى عون الناس الى تحت لان الدخان يعتبر مش مبين اى شىء نهائيا
تصورت نفسى فى عربية من الى مزنقوين على المدخل والدخان مخلينى مش شايف حاجه
قولت ربنا يكون فى عونهم ومتكنش النار وصلت لاى عربيات ومكينش فى خساير
وطبعا قولت هركنها على ظهرى وامشى بيها احسن
المشكله انى بعد ممشيت بفتره حوالى ربع ساعه لقيت 3 عربيات مطافى جاين طبعا الطريق واقف
والدنيا زحمه رغم ان المفروض يكون فى طفايات حريق ومستوى امان اكتر من كدا
دعائكوا يا جماعه ان ميكنش فى اى اصابات وان ميكنش فى خساير فى العربيات ويكون الموضوع عدى على خير
ومفتكرش ان الواحد هيقدر انوا يفلت من نصيب او قدر مهما حاول ياخد احتياطات
ويمكن لو الحكومة خلت نيران على ناحيتين الطريق وشعللت الدنيا مش هيبقى فى زحمه ابدا
اسف على الإطاله وشكرا