| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 2 من 5 الأولىالأولى 1 2 3 4 5 الأخيرةالأخيرة
النتائج 11 إلى 20 من 44

  1. #11

    الصورة الرمزية A7MED_PHARMA

    رقم العضوية : 16690

    تاريخ التسجيل : 19Aug2008

    المشاركات : 9,439

    النوع : ذكر

    الاقامة : الـــــ زقا زيـــــــ ق

    السيارة: Classic BMW-79

    السيارة[2]: Nubira-auto

    دراجة بخارية: CBR600F4I-2006

    الحالة : A7MED_PHARMA غير متواجد حالياً

    افتراضي -

    hasad">

    على فكرة يادكتور بحري

    الثورة دي كانت مشهورة بإسمين
    ثورة الجيااااع
    أو
    ثورة الحرامية
    ...................
    وبالنسبة للوقف

    ربنا يستر...عندي كام مشاركة أهه في الموضوع
    والحمد لله ...لسه ماحدش إتوقف

    [rmade]http://im58.gulfup.com/qswdwL.jpg[/rmade]


  2. #12

    الصورة الرمزية powerofhelll

    رقم العضوية : 30677

    تاريخ التسجيل : 21Jan2009

    المشاركات : 3,496

    النوع : ذكر

    الاقامة : alex

    السيارة: proton saga 1.3

    السيارة[2]: BMW E36

    دراجة بخارية: no

    الحالة : powerofhelll غير متواجد حالياً

    افتراضي -

    ايه يعني فار ده بروتين

    [mtohg=null]http://upload.wikimedia.org/wikipedia/ms/f/f9/Ayat_kursi.png[/mtohg]
    http://www.mp3quran.net/basit_mjwd.html
    القران الكريم بصوت الشيخ عبد الباسط عبد الصمد

    143


  3. #13

    الصورة الرمزية magyver

    رقم العضوية : 26178

    تاريخ التسجيل : 26Nov2008

    المشاركات : 5,505

    النوع : ذكر

    الاقامة : mansoura

    السيارة: ان شاء الله E36 M3 ياامسهل

    السيارة[2]: BMW E21 2500CC

    دراجة بخارية: no

    الحالة : magyver غير متواجد حالياً

    افتراضي -

    فعلا والله مافيش كلام بتقاال
    والف مبروك لمحمود

    [media]http://www6.0zz0.com/thumbs/2011/09/14/04/347541799.jpg[/media]
    MY BMW 2500CC


  4. #14

    الصورة الرمزية dr-mohamed

    رقم العضوية : 40918

    تاريخ التسجيل : 23May2009

    المشاركات : 4,852

    النوع : ذكر

    الاقامة : الجيزة

    السيارة: بروتون بيرسونا 2010 اوتو

    السيارة[2]: لانسر كريستالة 99 اوتوماتيك

    دراجة بخارية: لا يوجد ومش بحبها كمان

    الحالة : dr-mohamed غير متواجد حالياً

    افتراضي -

    اقتباس المشاركة الأصلية كتبت بواسطة a7med_pharma مشاهدة المشاركة
    أيامها كنا شباب في بداية التلاتينات من عمرنا ...أعضاء في حزب التجمع
    وكانت واخدانا الحماسة ...
    قبل الموضوع ده بشوية ..كانت حصلت ثورة الحرامية ..وعلشان كده
    أمن الدولة مكنش عاوز أي خروج عن النص ..خصوصا بين العمال

    عهد السادات ياأحمد شوفنا فيه حاجات ...ماتقدرش تتخيل البلد كانت عاملة إزاي"

    بص يا عم احمد زي ما قال اخونا بحاري لازم يا انت تتوقف يا اما حد يتوقف بسببك والمرة دي هيحصل الاتنين انا وانت هنمسك في رقبة بعض لغاية ما نتوقف احنا الاتنين ومش بعيد ناخد في رجلينا اخوك بحاري اهو بالمرة يجرب حياة السجن والوقف لانى من يوم ما عرفته مفتكرش انه اتوقف ولا مرة

    اولا والدك بيقول انه كان شاب واخداه الحماسة وعضو في حزب التجمع وبعد كدة انت اللى بتوصف احداث 18 - 19 يناير 1979 بانها ثورة الحرامية لان لو والدك الله يديه الصحة كان عضو في التجمع في الوقت ده لا يمكن يوصف الاحداث دي بانها ثورة حرامية لانها بالفعل كانت ثورة جياع

    ويا سيدي والله اللى عاش في العهد اللى بعد كدة بيترحم على عهد السادات على الاقل مكانتش الفروق الطبقية رهيبة كدة كنا كلنا بنلبس مريلة تيل نادية ونروح المدرسة مشي ونجيب اللحمة البلدي بجنيه والصومالي ب68 قرش مش دلوقت فيه ناس بتشتري اكل للكلاب والقطط مستورد وناس مش لاقية العيش الحاق


    اقتباس المشاركة الأصلية كتبت بواسطة ahmed4000 مشاهدة المشاركة
    والغريبة كل حاجة الناس تقولك فين ايام السادات؟
    مش عارف بصراحة ازاى مش ملاحظين ان البلد بدأ خرابها على ايده بالانفتاح الاستهبال والطبقة المتوسطة انهارت وظهرت بدايات كل الفساد من فراخ فاسدة وتجارة عملة و"قطط سمان" ولا الشلة اللى كانت حواليه ..انيس منصور المستشار السياسى (ومتسالش ايه علاقة انيس منصور بالسياسة) التهامى (الراجل العجيب ده اللى كان مدروش) اما الناس المحترمة فكانت بتستقيل لما تلاقى العته اللى كان بيعمله -تقريبا مفيش وزراء استقالوا فى عهد اى رئيس الا فى عهده

    وحتى لما مبارك جه -اختلفنا او اتفقنا معاه- كانت مصر متخانقة مع طوب الارض وكان البلد عايمة فى المجارى وكانوا بيتريقوا ان الاسهل على الواحد يسافر قبرص يوصل الرسال بنفسه على انه ينتظر الحرارة تيجى فى التليفون
    قطط سمان مين بس يا باشا اكبر واحد فيكي يا بلد وقتها كان رشاد عثمان بالمقولة الشهيرة خد بالك من اسكندرية يا رشاد وكانت ثروته تقدر بالملايين وكان عثمان احمد عثمان وكان راجل عصامي مش زي دلوقت 30 ولا 40 واحد وثروتهم بالمليارات دول المعروفين غير اللى منعرفهمش ومش بيظهروا في الاعلام وبردو ثروتهم بالمليارات ومعظمهم بطريق غير مشروعة
    وبعدين يا سيدي لما يبقي انيس منصور مستشار احسن ما يبقي الشاذلي ثم احمد عز هم رجال النظام والمعبرين عنه
    اما الاستقالات اللى حصلت في ايام السادات فكانت دليل حقيقي على ان الراجل بيختار ناس عندها راي وفكر بدليل انهم ممكن يعارضوه لدرجة الاستقالة زي وزيري الخارجية اللى استقالوا اثناء مفاوضات كامب ديفيد وحتي استقالتهم قدر يحولها لورقة ضغط يحصل بها على مكاسب اكتر
    هات لي بقة وزير واحد استقال في عهد ناصر او العهد الحالي وخلينا في لاعهد الحالي لا يمكن واحد يستقيل لان الكل منتفعين مجرد رجال اعمال همهم يبيعوا البلد لنفسهم

    ومصر ماتخانقتش مع طوب الارض ايام السادات هي الدول العربية بس ما عدا الامارات خوفا من صدام وبسبب معاهدة السلام لان العرب كانوا رافعين شعار تحرير فلسطين لاخر قطرة دم في اخر جندي مصري
    يعني عايزين مصر اللي تحارب بالنيابة وتستمر في لاحروب للابد والسادات رفض الاستمرار في الحروب
    وظاهرة الجعجعة الصوتية العربية معروفة وجربناها كتير يا اما نحارب ونخسر من جميع النواحي وفي الحالة دي لو كسبنا الحرب يبقي العرب كسبوا وكل دول تقولك شاركت في الحرب ولولا قواتنا ما كانت مصر كسبت وتلاقي قواتهم دي كلها 200 ولا 300 عسكري وكانوا في القاهرة يا اما نخسر ووقتها تشتغل التريقة على المصريين
    السادات لانه عسكري قرر عدم الاستمرار في الحرب واعاد سيناء كاملة هتقولي غير مسلحة هقولك احسن من الجولان والضفة الغربية
    تخيل لو كنا استمرينا في حالة الحرب كان زمان حصل كام حرب وكان زمان حالة البلد عاملة ازاي والعرب طبعا كانوا هيتفرجوا علينا لا يا سيدي مش عايزين نحارب

    اما المشاكل بتاعة البنية الاساسية كنت منتظر ايه يا باشا من بلد بتخرج من حرب تدخل التانية ودخلت حربين كبار جدا في 6 سنوات وبينهم حرب استنزاف يا دوب البلد كانت لسة هتفوق السادات اتقتل


    اقتباس المشاركة الأصلية كتبت بواسطة dr.almaghraby مشاهدة المشاركة
    اكتر كلمة يتضايقني من الشعب المصري
    لما اسمع واحد يقولك فين ايام السادات و الانفتاح و السلام و الكلام دا و يمجد فيه كانه زعيم بجد

    ياااه بضايق اوييييييييييي
    راجع كلامي اللى فوق يا دكتور مغربي وقولي اي عهد الافضل ناصر ام السادات ام مبارك ؟
    ثورة الجياع كانت علشان رفع رغيف العيش من 5 مليم لقرش وكيلو اللحمة من 68 قرش لجنيه والسكر ولا مش فاكر الارز من 4 قروش ل 5 قروش
    شوف انت لااسعار ارتفعت كام مرة وكام ضعف من يوم علاوة ال30 % الملعونة
    وشوف بردو تعقيب اخونا بحاري


    اقتباس المشاركة الأصلية كتبت بواسطة بحري مشاهدة المشاركة

    أولا ألف مبروك لأخوك


    ثانيا السادات هو من سماها ثورة حرامية كعادة أهل الحكم في التلاعب بعقول الجماهير التي ضاقت بها السبل ورأت مستقبلا مظلما أمامها فثارت مطالبة بما يسد جوعها بسبب ارتفاع الأسعار...كانت في الحقيقة ثورة جياع وليست ثورة حرامية...فالحرامية هم من سرقوا الجياع وتلاعبوا بأقواتهم

    لكن من جاءوا بعد ذلك استوعبوا الدرس جيدا وعرفوا أساليب أكثر تأثيرا وقدرة على تمرير ارتفاع الأسعار..
    إشاعة كبالونة اختبار
    ثم عدم تنفيذ الإشاعة
    ثم بالونة مرة أخرى بارتفاع أشد
    ثم عدم تنفيذ الإشاعة
    ثم علاوة اجتماعية 10٪
    ثم رفع الأسعار بدرجة أقل من الإشاعات
    فالناس يحصل لها ارتياح وتحمد ربنا أن الأمور لم تكن أسوأ مما توقعوا..ودورة كرة قدم وفيلم وأغنية ورقصة وسي دي فضيحة وخبر ملتهب ينسوا الناس اسمها أصلا


    على فكرة يا دكتور ملاحظة دكتور محمد كايرو في محلها...مواضيعك إما إنت بتتوقف فيها أو حد تاني لازم يتوقف...ربنا يستر

    تحليل قمة في الاحترافية يا بحاري باشا
    النظام اتعلم من اللى حصل في ثورة الجياع وعلشان كدة نزع كل العوامل اللى ممكن تخلي الناسش تثور او تفكر
    خللى الناس تجري ورا لقمة العيش من الفجر لمنتصف الليل وكلنا عارفين كويس ان محدش فينا بيشتغل اقل من 10 ساعات يوميا وفي الاخر مفيش
    وزاد الجهل الحقيقي بينما ايام السادات كانت ما زالت هناك حركة فكرية والدليل ان العمال اللى مع والد فارما كانوا اعضاء في التجمع وكان الفكر اليساري منتشر جدا في اوساط الشباب والعمال ومعه الفكر الاسلامي
    قولي الفكر المنتشر دلوقتي ايه
    فكر انت تمراوي ولا عمراوي زي الموضوع اللى كان معمول هنا من كام يوم


  5. #15

    الصورة الرمزية ahmedbeirut123

    رقم العضوية : 73619

    تاريخ التسجيل : 22Jun2010

    المشاركات : 243

    النوع : ذكر

    الاقامة : alex

    السيارة: mercedes e300 2010

    السيارة[2]: JETTA 2009

    الحالة : ahmedbeirut123 غير متواجد حالياً

    افتراضي -

    هو الفار يعرف يزعزع الامن

    طيب لو قال الرغيف فيه نووى

    يبقى بيزعزع المنطقة

    ههههههه


  6. #16

    الصورة الرمزية MTAK

    رقم العضوية : 604

    تاريخ التسجيل : 12May2007

    المشاركات : 3,344

    النوع : ذكر

    الاقامة : مصر المحروسة-السويس

    السيارة: لا يوجد

    السيارة[2]: الحمد لله Tiida 07 auto

    دراجة بخارية: لا

    الحالة : MTAK غير متواجد حالياً

    افتراضي -

    فكرتنى بصديق وجد "صرصور" داخل وجبة طبق الطبيخ فى وجبة غذائية بتاعت شركة برضه
    انما ما وصلتش لأمن الدولة
    بس طلعوه مش عارف يفرق بين الصرصور و قشرة البصل بتاعة التقليه :)

    كيميائى / محمد طه
    ------------------
    بسم الله الرحمن الرحيم
    وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ
    صدق الله العظيم
    التوبة 105


  7. #17

    الصورة الرمزية dolly13

    رقم العضوية : 27439

    تاريخ التسجيل : 12Dec2008

    المشاركات : 1,913

    النوع : انثى

    الاقامة : العبور

    السيارة: ستروينc3 2007

    السيارة[2]: ........

    دراجة بخارية: لا يوجد

    الحالة : dolly13 غير متواجد حالياً

    افتراضي -

    يعنى انت يا احمد مستغرب من الناس اللى بتقول الله يرحم عهد السادات ؟
    طيب احب اقولك ان السادات لما فتح البلد كان عشان الناس تهيص شوية بعد حكم قراقوش وبعد الحروب اللى قضت على اى ملامح ترفيه وتبقى فيه عملة فى البلد يعنى يبقى فيه بذرة اقتصاد جديد واول مالبذرة ظهرت جه اللى كبرها ونماها وخلاها فلوس مالهاش حد وخدها
    قبل الانفتاح ماكانش فيه حاجات كتير قوى كان شعب حافى بمعنى الكلمة بدون اى ترفيه
    لكن على الاقل يا اخى لما كان فيه انفتاح ماكانش على البحرى لفوانيس رمضان والذى منه
    لما كانت بتتعرف قضية رشوة الناس كانت بتقوم وماتقعدش
    كان راجل ديكتاتور بصراحة ايوة لكن ارائه كانت صائبة وتخدم مصلحة عامة مش خاصة
    دلوقتى ايه رايك فى الديمقراطية المزعومة مش انت بتتكلم زى مانت عايز وتشتم براحتك ها مبسوط من الديمقراطية قدرت تاخد بها حقك فى التعليم والعلاج واقل مستويات معيشية تضمن انك انسان
    بلاش يا سيدى مش اتعملت البنية التحتية للبلد ايه رايك فى مستوى اداء المشروعات دى دلوقتى ايه رايك فى شبكات الصرف والطرق وشبكات الرى وخلافه
    باقولك ايه يا احمد بلاش نتكلم فى الماضى خلينا فى دلوقتى احسن اكيد طبعا انت شايف مستوى العيش بدون فيران وصل لايه والا نقول كمان؟


  8. #18

    الصورة الرمزية بحري

    رقم العضوية : 2387

    تاريخ التسجيل : 30Sep2007

    المشاركات : 3,446

    النوع : ذكر

    الاقامة : alexandria

    السيارة: لا يوجد

    السيارة[2]: accent'99-F/O A/T

    الحالة : بحري غير متواجد حالياً

    افتراضي -

    اقتباس المشاركة الأصلية كتبت بواسطة dolly13 مشاهدة المشاركة

    قبل الانفتاح ماكانش فيه حاجات كتير قوى كان شعب حافى بمعنى الكلمة بدون اى ترفيه
    بالنسبة إلى إنه كان شعب حافي بمعنى الكلمة قبل الانفتاح فده كلام غير دقيق ولا حتى على المستوى البلاغي لو اعتبرنا أنها نوع من التصوير البلاغي ليس إلا...غير كده الترفيه موجود طول عمره في البلد ولكن الواقع الحالي إن صناعة الترفيه تطورت في الدنيا كلها بطريقة رهيبة وبوسائل وصلت لكافة المجتمعات وكافة المستويات...المقارنة تظهر عند إجرائها مع أحوال الدول الصناعية الكبري في هذا التوقيت..مدى حصول عموم الشعب على الترفيه مقارنة بالشعب المصري وهنلاقي إن النسب متقاربة إلى حد كبير....طبقة مطحونة ومش شايفة قدامها وطبقة مترفة ومش حاسة بالدنيا

    اقتباس المشاركة الأصلية كتبت بواسطة dolly13 مشاهدة المشاركة

    لكن على الاقل يا اخى لما كان فيه انفتاح ماكانش على البحرى لفوانيس رمضان والذى منه
    أحمد بهاء الدين يومها وهو من هو أطلق عليه انفتاح السداح مداح....وياريت الموضوع دلوقتي على قد فوانيس رمضان كان مش هيبقى فيه مشكلة

    اقتباس المشاركة الأصلية كتبت بواسطة dolly13 مشاهدة المشاركة


    لما كانت بتتعرف قضية رشوة الناس كانت بتقوم وماتقعدش

    وهذه أيضا غير دقيقة...وقتها كان الفساد البكر الذي لم تطؤه قدم بشر...كان استكشاف لذة الفساد المقنن..الدنيا كانت ماشية ومحدش بيعترض ولا حاجة ولما الأسعار غلت مرة واحدة الناس ثارت وبرغم كده تم اعتبارها ثورة حرامية...والموضوع مشى

    قال الله عزوجل في محكم آياته

    (وإذ أخذ الله ميثاق الذين أوتوا الكتاب لتبيِّنُّنه للناس ولا تكتمونه فنبذوه وراء ظهورهم واشتروا به ثمنًا قليلاً فبئس ما يشترون)

    (إن الذين يكتمون ما أنزلنا من البينات والهدى من بعد ما بيناه للناس في الكتاب أولئك يلعنهم الله ويلعنهم اللاعنون . إلا الذين تابوا وأصلحوا وبينوا فأولئك أتوب عليهم وأنا التواب الرحيم)


  9. #19

    الصورة الرمزية dolly13

    رقم العضوية : 27439

    تاريخ التسجيل : 12Dec2008

    المشاركات : 1,913

    النوع : انثى

    الاقامة : العبور

    السيارة: ستروينc3 2007

    السيارة[2]: ........

    دراجة بخارية: لا يوجد

    الحالة : dolly13 غير متواجد حالياً

    افتراضي -

    اعتقد يا استاذ بحرى قبل السادات الناس ماكانتش تعرف او تحلم حتى انها تلبس بناطيل جينز قصدى كاو بوى
    وعلشان اكون دقيقة ممكن تقوللى مصادر دخل الدولة بعد الحرب كانت ايه ؟
    وايه اللى بدا مرحلة انتعاش اقتصادى فى البلد؟
    ووصلنا لايه؟


  10. #20

    الصورة الرمزية dolly13

    رقم العضوية : 27439

    تاريخ التسجيل : 12Dec2008

    المشاركات : 1,913

    النوع : انثى

    الاقامة : العبور

    السيارة: ستروينc3 2007

    السيارة[2]: ........

    دراجة بخارية: لا يوجد

    الحالة : dolly13 غير متواجد حالياً

    افتراضي -

    hasad">

    بعد وفاة الرئيس جمال عبد الناصر في 28 سبتمبر 1970 وكونه كان نائباً للرئيس أصبح رئيساً للجمهورية. وقد اتخذ في 15 مايو 1971مصر وهو ما عرف بثورة التصحيح، وفي نفس العام أصدر دستوراً جديداً لمصر. قراراً حاسماً بالقضاء على مراكز القوى في
    وقام في عام 1972 بالاستغناء عن ما يقرب من 17000 خبير روسي في أسبوع واحد في خطأ استراتيجي كلف مصر الكثير إذ كان السوفييت محور دعم كبير للجيش المصري وكان الطيارين السوفييت يدافعون عن سماء مصر التي كان الطيران الإسرائيلي يمرح فيها كيفما شاء ومكن هولاء الخبراء مصر من بناء منظومة الدفاع الجوي الصاروخي لكن السادات حاول التقرب لأمريكا فأقدم على خطوة كهذه . بينما يؤمن الكثيرون بأن اقدام السادات على هذا التخلي كان من خطوات حرب أكتوبر، حيث اراد السادات عدم نسب الانتصار إلى السوفيت.
    وكذلك من اهم الأسباب التي جعلته يقدم على هذه الخطوه هو ان الاتحاد السوفياتي اراد تزويد مصر بالاسلحه بشرط عدم استعمالها الا بامر منه.حيث اجابهم السادات بكلمة: (أسف) فلا اقبل فرض قرار على مصر الا بقراري وقرار الشعب المصري. وقد أقدم على إتخاذ قرار مصيري له لمصر وهو قرار الحرب ضد إسرائيل التي بدأت في 6 أكتوبر 1973 عندما استطاع الجيش كسر خط بارليف وعبور قناة السويس فقاد مصر إلى أول انتصار عسكري على إسرائيل.

    وقد قرر في عام 1974 على رسم معالم جديدة لنهضة مصر بعد الحرب وذلك بإنفتاحها على العالم فكان قرار الانفتاح الاقتصادي.
    ومن أهم الأعمال التي قام بها كان قيامه بإعادة الحياة الديمقراطية التي بشرت بها ثورة 23 يوليو ولم تتمكن من تطبيقها، حيث كان قراره الذي اتخذه بعام 1976 بعودة الحياة الحزبية حيث ظهرت المنابر السياسية ومن رحم هذه التجربة ظهر أول حزب سياسي وهو الحزب الوطني الديمقراطي كأول حزب بعد ثورة يوليو وهو الحزب الذي أسسه وترأسه وكان اسمه بالبداية حزب مصر، ثم توالى من بعده ظهور أحزاب أخرى كحزب الوفد الجديد وحزب التجمع الوحدوي التقدمي وغيرها من الأحزاب.


    لم تكن ردود الفعل العربية إيجابية لزيارته لإسرائيل، وعملت الدول العربية على مقاطعة مصر وتعليق عضويتها في الجامعة العربية، وتقرر نقل المقر الدائم للجامعة العربية من القاهرة إلى تونس العاصمة، وكان ذلك في القمة العربية التي تم عقدها في بغداد بناء على دعوة من الرئيس العراقي أحمد حسن البكر في 2 نوفمبر 1978، والتي تمخض عنها مناشدة الرئيس المصري للعدول عن قراره بالصلح المنفرد مع إسرائيل مما سيلحق الضرر بالتضامن العربي ويؤدي إلى تقوية وهيمنة إسرائيل وتغلغلها في الحياة العربية وانفرادها بالشعب الفلسطيني، كما دعى العرب إلى دعم الشعب المصري بتخصيص ميزانية قدرها 11 مليار دولار لحل مشاكله الاقتصادية، إلا أنه رفضها مفضلاً الاستمرار بمسيرته السلمية المنفردة مع إسرائيل.
    وقد أقدمت الدول العربية على قطع علاقتها مع مصر، باستثناء سلطنة عمُان والسودان. وقد اعتبر كثير من الباحثين أن هذا القرار كان متسرعاً وغير مدروس، وكان في جوهره يعبر عن التطلعات المستقبلية للرجل الثاني في العراق آن ذاك صدام حسين. لكن سرعان ما عادت الجامعة العربية لجمهورية مصر العربية عام 1989, ومن الغريب أن معظم الدول التي قاطعت مصر لعقدها معاهدة سلام مع إسرائيل وإعترافها بها عادت بعدها بسنوات واعترفت بدولة إسرائيل بل وتسابقت في عقد اتفقيات عسكرية واقتصادية, ولذلك قيل عن السادات أنه كان سابق لعصره.



 
صفحة 2 من 5 الأولىالأولى 1 2 3 4 5 الأخيرةالأخيرة

المواضيع المتشابهه

  1. استفسار عن 735 1979
    بواسطة sir_welo في المنتدى بـى إم دابـــليو
    مشاركات: 2
    آخر مشاركة: 15-11-2011, 01:17 PM
  2. Mazda 929 Mo 1979
    بواسطة Ahmedelattar في المنتدى مــــــازدا
    مشاركات: 1
    آخر مشاركة: 13-12-2009, 01:00 PM
  3. 230 /1979
    بواسطة mahmod2020 في المنتدى مــــرسيدس
    مشاركات: 10
    آخر مشاركة: 04-05-2009, 03:06 AM
  4. 128 موديل 1979
    بواسطة wael2008 في المنتدى قســم خاص لبيع السيارات فقـــط
    مشاركات: 0
    آخر مشاركة: 21-06-2008, 09:44 PM
  5. Mercedes E230 1979
    بواسطة MMamdouh في المنتدى قســم خاص لبيع السيارات فقـــط
    مشاركات: 0
    آخر مشاركة: 08-06-2008, 01:24 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2