...اما بالنبسه لموضوع الخصومات طب مالتوكيل عندو العربيات الهاف ابشن بقالها كتير (علي حسب مسمعت من بعض اعضاء المنتدي) و مع ذلك منزلش خصومات...
الخصومات شغاله كده كده لاعضاء نايل موتورز
احنا بنتكلم عن خصومات الموديلات القديمه(2010) - باعتبار ما سيحدث لما تنزل 2011
اما بقي اللي بيبص انو يركب 2011 احسن ميبقي راكب 2010 و كدا دا كلام بتاع مظاهر انما مش عملي قوي الا للي عندو استعداد يستني و يجازف (ممكن 2011 تبقي أسوا من 2010) زي محصل في العربيات الرينو ميجان 2005 ظهر فيها عيوب و مساويء مكنتش موجوده في الموديلات الاقدم
عمرك سمعت ان عربيه بروتون فيها الاحدث اسوأ من الاقدم ؟؟ عمرها ما حصلت بل بالعكس - كل سنه بتقل بعض العيوب و اهمها التقفيل و استهلاك الوقود
احنا دلوقتى فى نص 7 - 2010 - هاتجيب عربيه يعنى فى حدود شهر هايبقى دخلت على نص 8 او اول 9
وده المتوقع تنزل فيه موديلات 2011
وعلى فكره انك تركب موديل السنه دى مش مظاهر خالص - بالعكس - اقل حاجة ممكن اقولهالك انها بتفرق فى تمنها لو قررت تبيع - دى بتفرق لو كنت فى اوائل او اواخر السنه يا راجل - ده انت شايفه مش مهم - ده يرجعلك و يخصك انت فقط
لو موديلات 2011 مش هتفرق عن ال 2010 اى حاجة خالص خالص - هايبقى قدامك فرصه انك تختار برضو 2010 وسعرها هايبقى فى خصم كبير مش الطبيعى ده - او 2011 بتمنها الطبيعى و لك الاختيار
مش الفكره انك راكب عربيه 2011 بالورق فقط لا لا - ما عندك مثلا الالنترا - هى هى من يوم ما طلعت مش شايف اى تعديلات على الشكل الخارجى - لو 2 وقفو جنب بعض واحده 2008 وواحده 2010 مش هايبانو من بعض
لكن لو فرق فى الشكل ( على الاقل ) فى الموديلات الجديده اكيد هايخلينى اصبر شويه - والشويه دول اللى هما شهر و نص بس
وربنا يوفقك لما فيه الخير لك دائما
تحياتى
المفضلات