موديلات 2011 حتنزل امته

انا ان شاء الله نويت اشترى ساجا

وكنت عايز اعرف هل ممكن تنزل ساجا موديل 2011 قريب خلال الشهرين الجايين؟؟؟

وشكرا ليكم

ساجا 2011 مش هتفرق حاجة عن 2010
ودة من لسان شخص فى التوكيل

واعتقد مافيش جديد في موديلات 2011 ( ساجا و جين2 )

مش المفروض انه بينزل الموديل الجديد فى شهر 9 ؟؟؟ ولا مش شرط ينزل موديل لكل عربية كل سنة؟؟

ايوا حتي لو مافيش جديد في العربية المفروض في موديل بينزل باسم 2011 ..
لو مستعجل هاتها دلوقتي لو مش مستعجل استني الجديد ..

اقتباس:

---

المشاركة الأصلية كتبت بواسطة mo7hamedemad

ساجا 2011 مش هتفرق حاجة عن 2010
ودة من لسان شخص فى التوكيل

---

يبقى نتوكل على الله ونجيب 2010

:satelite:

انا ان شاء الله ناوي علي الجين 2 بس مستني 2011 حتي لو مفيش جديد يبقئ انا معايا موديل سنه مش تتحسب علي 2010 واحنا في اخرها وان شاء الله علي امل انه تنزل بتعديل ولو بسيط من كلام شخص من التوكيل انا مستني وعلي عيني والله

ربنا يوفقك و تجيبها ان شاء الله

انا مستنى بردو جين 2 - 2011 - عشان اللون الجديد بتاعها- اسود فى احمر -والجنوط رمادى - احتمال ينزل - ولو منزلش - هاتبقى راكب 2011 مش 2010 - والسنه اساسا خلاص قربت تخلص - و ممكن يعملو خصم على 2010 عشان يبيعوها - وممكن كمان يتفادو اى عيوب و تقل فرصه ظهور العيوب اللى بتظهر حاليا - بص كده كده هاتبقى كسبان لو استنيت الكام شهر دول

اعتقد ان اللي هيفرق هي البرسونا لان هينزل الاليجانس و دي هتبقي مختلفه بس شكلا من ورا و من جوا كراسي جلد و خامات انضف و شكل العدادات مختلف و غمازات اشاره في المرايات....بس انا عن نفسي عاوز اشتري في اقرب وقت ممكن عشان كدا ان شاء الله هجيب ال 2010 لان الفرق مش جوهري يعني...اما بالنبسه لموضوع الخصومات طب مالتوكيل عندو العربيات الهاف ابشن بقالها كتير (علي حسب مسمعت من بعض اعضاء المنتدي) و مع ذلك منزلش خصومات... اما بقي اللي بيبص انو يركب 2011 احسن ميبقي راكب 2010 و كدا دا كلام بتاع مظاهر انما مش عملي قوي الا للي عندو استعداد يستني و يجازف (ممكن 2011 تبقي أسوا من 2010) زي محصل في العربيات الرينو ميجان 2005 ظهر فيها عيوب و مساويء مكنتش موجوده في الموديلات الاقدم

والله هو مش موضوع مظاهر بس فعلا ممكن تقل فيها العيوب ويكون فيها امكانيات اكتر ليه لا وكلنا عارفين ان كل موديل بينزل بيعالجو فيه العيوب اللي في الموديلات اللي قبله وممكن تكون الخامات اعلي ونجيب دلوقتي ونرجع نندم طب وعلي ايه اللي مخليني مستني كل ده مجتش علي كام شهر

اقتباس:

---

المشاركة الأصلية كتبت بواسطة x512

...اما بالنبسه لموضوع الخصومات طب مالتوكيل عندو العربيات الهاف ابشن بقالها كتير (علي حسب مسمعت من بعض اعضاء المنتدي) و مع ذلك منزلش خصومات...
الخصومات شغاله كده كده لاعضاء نايل موتورز
احنا بنتكلم عن خصومات الموديلات القديمه(2010) - باعتبار ما سيحدث لما تنزل 2011 :U_thin1[1]:

اما بقي اللي بيبص انو يركب 2011 احسن ميبقي راكب 2010 و كدا دا كلام بتاع مظاهر انما مش عملي قوي الا للي عندو استعداد يستني و يجازف (ممكن 2011 تبقي أسوا من 2010) زي محصل في العربيات الرينو ميجان 2005 ظهر فيها عيوب و مساويء مكنتش موجوده في الموديلات الاقدم

عمرك سمعت ان عربيه بروتون فيها الاحدث اسوأ من الاقدم ؟؟ عمرها ما حصلت بل بالعكس - كل سنه بتقل بعض العيوب و اهمها التقفيل و استهلاك الوقود
احنا دلوقتى فى نص 7 - 2010 - هاتجيب عربيه يعنى فى حدود شهر هايبقى دخلت على نص 8 او اول 9
وده المتوقع تنزل فيه موديلات 2011
وعلى فكره انك تركب موديل السنه دى مش مظاهر خالص - بالعكس - اقل حاجة ممكن اقولهالك انها بتفرق فى تمنها لو قررت تبيع - دى بتفرق لو كنت فى اوائل او اواخر السنه يا راجل - ده انت شايفه مش مهم - ده يرجعلك و يخصك انت فقط
لو موديلات 2011 مش هتفرق عن ال 2010 اى حاجة خالص خالص - هايبقى قدامك فرصه انك تختار برضو 2010 وسعرها هايبقى فى خصم كبير مش الطبيعى ده - او 2011 بتمنها الطبيعى و لك الاختيار :U_thin1[1]:
مش الفكره انك راكب عربيه 2011 بالورق فقط لا لا :N_no[1]:- ما عندك مثلا الالنترا - هى هى من يوم ما طلعت مش شايف اى تعديلات على الشكل الخارجى - لو 2 وقفو جنب بعض واحده 2008 وواحده 2010 مش هايبانو من بعض :L_bhuhhh[1]:
لكن لو فرق فى الشكل ( على الاقل ) فى الموديلات الجديده اكيد هايخلينى اصبر شويه - والشويه دول اللى هما شهر و نص بس :S_thum1[1]:
وربنا يوفقك لما فيه الخير لك دائما
تحياتى

---

:S_thum1[1]:+11111111111111
تمام

اقتباس:

---

المشاركة الأصلية كتبت بواسطة mikology

انا مستنى بردو جين 2 - 2011 - عشان اللون الجديد بتاعها- اسود فى احمر -والجنوط رمادى - احتمال ينزل - ولو منزلش - هاتبقى راكب 2011 مش 2010 - والسنه اساسا خلاص قربت تخلص - و ممكن يعملو خصم على 2010 عشان يبيعوها - وممكن كمان يتفادو اى عيوب و تقل فرصه ظهور العيوب اللى بتظهر حاليا - بص كده كده هاتبقى كسبان لو استنيت الكام شهر دول

---

وممكن العكس تظهر عيوب في موديلات جديدة ماظهرتش في موديلات قديمة ..
والله اعلم ..

عامة انا حجزت 2010 لاني مش هاينفع استني طبقا لظروف عندي كدا :)

وانا لو منك فعلا استني لو مش مستعجل ..

عندكم حق والله
انا على العموم همشى فى اجراءات تضبيط تمنها وربنا يسهل لو نزلت موديلات احدث ولا لا

المشكلة يا جماعة إن بنسبة كبيرة و عن تجربة سنتين لحد دلوقتى و بسؤال محسن صالح كمان موديلات السنة الجديدة فى بروتون بالذات بتبقى على شهر 11 أو 12 يعنى مش 8 أو 9 زى باقى العربيات يعنى دلوقتى احنا فى نص السنة بالنسبة لبروتون مش فى آخرها أما بالنسبة للبرسونا إليجانس فأكيد طبعا تستاهل الانتظار خاصة لو اللى هيشترى هيشترى الهاى لاين هتبقى الاختلافات تستاهل و كمان اللى أنا أعرفه إنها هتبقى بنفس السعر اللى موجود دلوقتى