كنت عاوز اعرف اى توكيل بيدينى اطول فترة ضمان من حبث عدد السنيين وعدد الكيلومترات ونوع العربية التابعة للتوكيل دة لان اكيد كل ما الضمان بيزيد كل ما بيدل على قوة و كفاءة المنتج اللى هوة العربية وكمان ثقة التوكيل فى منتجة وكفاءة الوكيل نفسة وثقلة واحترامة مستنى مشاركتكم اللى اكيد هتفيدنا كلنا
ماعتقدش ان الكلام ده مطبق فى مصر عندنا
العربيه الكويسه بتثبت نفسها حتى لو وكيلها تعبان او موش بيقدم خدمه كويسه
واكيد الوكيل لو اهتم بالعربيه اكتر ده حايعود عليه وعلى انتشار العربيه بس نعمل ايه فى ثقافات قديمه لسه متحكمه فى حياتنا
اعلى فترة ضمان للتوكيلات العادية ( تحت الربع مليون يعنى ) هى كيا بخمس سنين أو 100 ألف كم
الباقى كله ثابت على 3 سنوات وما بين 60 ل 100 ألف كم
بس صدقنى قوة التوكيل ومصداقيته اهم كتير من مده الضمان , عندك مثلا برليانيس جالينا ( غنية عن التعريف) ومع ذلك بأعلى فترة ضمان فى السوق المصرى كله
اعلى حتى من الجاجوارات والمرسيدس , 5 سنين ضمان بدون حد أقصى للكيلومتر انما ملهمش ثلاثين لزمة
يعنى طول فترة الضمان مش مقياس لجودة المنتج دى مجرد حاجة من الحاجات اللى بتشدك فى الاعلان لكن مصداقية تقديم الدعم فى الفترة دى هو المقياس
طيب جميل بما ان دة مطلعش مقياس عايزين نعرف اية هيا احسن التوكيلات فى الصيانة و الاهتمام بالعميل وخدمة ما بعد البيع مش نظام يضحك فى وشى لحد ما اشترى العربية و بعد كدة يقعد يضحك عليا يعنى باختصار توكيل يحترمنى مش يخلينى اندم يوم ما اشتريت العربية
- أعتقد أن "أبو الفوتوح" من التوكيلات الجيدة جدا في مصر بدليل نجاح الاسبرانزا في مصر خلال فترة وجيزة
- أيضا توكيل "تويوتا" محترم و بيقدم خدمة جيدة جدا في الصيانة و الاصلاحات بغض النظر عن سياستهم في التسويق
مع خالص تحياتي
م/ سمير الشهاوي
رينو وكيا توكيلات قوية وتحترم سمعتها
توكيل نيسان
راااااااااااااااااااااااا اااااااااائع
بس معظم اللى معاهم عربيات اسبرانزا بيشتكوا من حاجات كتير و عيوب تقرف فى العربيات وبالذات m11 .ودة معروض فى منتدى اسبرانزا وان كمان التوكيل بيكبر فى حاجات كتير مع انها عيب صناعة غير القواضى اللى مرفوعة عليهم من بتوع التاكسىاقتباس:
المشاركة الأصلية كتبت بواسطة SE_coralsea
وكنت عاوز اعرف هل توكيل كيا هو توكيل رينو وعاوزين نحط مثلا مثال اسبرانزا التوكيل ابو الفتوح وكدة
التوكيلات الأتية ذات سمعة جيدة على حسب علمى
رينو
كيا
تويوتا
دايهاتسو
رينو و كيا توكيلات محترمة جدا جدا لكن الباقى زى بعضه حتى تويوتا و غبور و منصور