مشكلة في الفتيس - ماروتي

**kimo_cat** · 17-07-2010 12:21 PM

السلام عليكم ورحمة الله و بركاته
و بعد

عندي مشكلة يا جماعه في ماروتي 2008 عاملة دلوقت عشرة ألاف كيلو
الفتيس فجأة من امبارح الغيارات كانت ناعمة وكويسة وفجأة
دلوقت لما بدي الغيار التاني وحبيت ادي الاولاني او التالت الفتيس مبيخرجش من التاني بسهولة لازم ازقة جامد قوي
جربت كل الغيارات كويسة الا التاني بس هوه اللى فيه المشكلة
مع انى لما بدي التاني الفتيس بيدخل في الحارة عادي بنعومة انما المشكلة لما بحب اغير من التاني مش بيخرج غير بالعافيه
انا خايف مش عارف العيب في ايه
ويكلف كام تصليحه ؟ و لو ودتها التوكيل تتصلح تبع التوكيل ولا على حسابي ؟

طمنوني

**aymanay32** · 17-07-2010 10:23 PM

راجع المواضيع اللى بتتكلم على الفتيس فى المنتدى و شوف موضوع الشحم اللى بيتحط على العصاية الفتيس و بعدين قول لنا ايه رايك و هل تم حل المشكلة و لا لسة

**kimo_cat** · 18-07-2010 10:40 AM

شكرا على ردك
بس يا ترى محدش هنا يقدر يفيدني أكتر من موضوع انى ادور وممكن ملقيش نفس الحالة بتاعتي بالظبط

فينكم يا ماروتية

**alking_2006** · 18-07-2010 11:21 AM

السلام عليكم

بقولك يا جميل حاول تروح لميكانيكى هوا بيفك الكونصول بتاع الفتيس و تحته بيبقى فيه كاوتشه بيفكها و بيشحم و يزيت الفتيس و بيبقى اخر حلاوة و شغلانه كلها على بعضها 5 جنيه بس بتفرق كتييييييييييير

انا عملت الموضوع دا بس انا ماروتى 99 مش عارف بقى انتا ايه وضع التوكيل بالنسبة ليك

ابقى طمنى عملت ايه

**abogogo** · 19-07-2010 10:56 PM

بص يا أخ كيمو ..... نفس الاعراض دي كانت في عربية صديق لي ماروتي 97 فضل سايب العيب ده لحد لما كان بيدي غيار مارشدير وراح الفتيس قفش على الوضع ده لف على كذا ميكانيكي كان التشخيص أن العربية واخده غيارين مع بعض ولازم الفتيس يتحل الى أن هداني ربنا لمتخصص فتيس أفتكرته رحنا له واحنا بنزق العربيه بعد ما ثبتنا دواسة الدبرياج عشان العربية تتذق الراجل حل طبه قطرها 15 سم وفضى الزيت وخلع حاجة تقريبا اسمها العقربة بتتاكل من كتر استخدام الغيار وراح زودها عند الخراط وقفل وحط زيت وكله أصبح تمام .............. بس قبل أي شئ من الكلام ده شوف زيت الفتيس أخباره ايه عندك لانه ممكن يكون السبب وحاول تشحم العصايا وأن شاء الله خير

**kimo_cat** · 21-07-2010 10:28 AM

السلام عليكم
شكرا على ردودكم جميعا و أحب اطمنكم أنها اتحلت من عند ربنا (الحمد لله)
انا قلت اروح اعمل صيانة عشرة الاف وهمه يشوفوها لو كان زيت هايزودوه ولو كان العيب مكلف اعمله بره علشان طبعا التوكيل غالى زي ما احنا عارفين
وانا مروح من الشغل ماشي بالراحة زي ما الناس قالت لى وانا بدي غيار وماسك الفتيس لقيت حاجة خبطت من تحت جامد حسيت بالخبطة في ايدي فدست دبرياج بسرعه علشان التروس تبعد عن بعضها (كأنها كانت بتخبط في بعض) ومورت
وابتديت امشي تاني بالراحة لقيتها الحمد لله بسم الله ما شاء الله اتعدلت وشغاله عادي زي الأول
اللهم لك الحمد حتى ترضى ولك الحمد إذا رضيت ولك الحمد بعد الرضى