كيف تحذف صديق من الفيس بووك

**osoliman88** · 17-07-2010 01:11 PM

أنا عندي كام واحد كنت ضفتهم على الفيس بووك بتاعي من غير ما أعرفهم ، بس دلوقت عاوز أحذفهم من عندي ومش عارف ، يا ريت حد يقولي طريقة الحذف لأني حاولت كذا مرة وفشلت ... أنا في إنتظار الردود ... شكرا جزيلا وحياكم الله

**البرنس** · 17-07-2010 01:27 PM

بص يا ريس في طريقتين

الأولي تفتح البروفايل بتاع الشخص اللي عايز تشيله و تنزل في أخر الصفحة خالص هتلاقي علي إيدك الشمال هتلاقي جملة remove from friends دوس عليها و عيش

التانية بقي في home page بتاعت الفيسبوك اللي هي بتطلعلك أول ما بتفتح الفيسبوك هتلاقي فوق علي إيدك اليمين كلمة account دوس عليها و إختار edit friends من القائمة و بعدين هاتفتحلك صفة جديدة هتلاقي فوق علي إيدك اليمين جملة all connections دوس عليها هايفتحلك صفحة فيها لستة بكل الفريندز و جنب كل واحد فيهم علامة x دوس عليها و عيش . الطريقة دي بقي ليها ميزة واحدة إن لما تعمل add لحد و مايعملكش ولا accept أو Ignore وسايبك متعلق هتلاقيه في اللسته دي و مكتوب تحتية friend request pendig و جنبة علامة x دي ممكن تدوس عليها فا الفريند ريكوست بتاعك هايروح من عندة

أرجو إن اكون أنا أفدتك