-
بسمع صوت طقطقة من تحت
الاخوة الاعضاء
السلام عليكم جميعا
و كل عام و انتم بخير بمناسبة قرب شهر رمضان
انا عندى مشكلة فى العربية وهى انى بسمع صوت طقطقة من تحت العربية ..... مرة اسمع الصوت من ورا و مره اسمع الصوت من نص العربية مش عارف ايه المشكلة ببالظبط ...... ياريت لو حد عندو فكره يقولى ايه؟؟؟
وعلى فكره الصوت مش دائم الحدوث بس متكرر
شكرا ليكم جميعا
-
غالبا بيض الدريكسيون محتاج يتغير
لف الدريكسيون على الآخر يمين و انزل شد العجلة اليمين من جوة لبرة لو رجرجت معاك يعنى عملت دب دب يبقى البيض رسمى و دوة تغييره سهل إن شاء الله
و نفس القصة فى الناحية الشمال
و روح فى ضهر العربية من اليمين و هزها ناحية الشمال و شوف فيه صوت و لا لأ
لغاية لما تحدد صوت المشكلة من أنهى عجلة و تقل العفشجى و إن شاء الله يزبطهالك على طول.
و ممكن يكون كاوتش السوست و الجلب محتاج يتغير.
دى أشهر الإحتمالات
و إن شاء الله العفشجى يزبطهالك
-
أقترح قبل ما تروح للعفشجى توصل للبنزينة و تغسل كل الكرونة و المقصات و غيرها من أجزاء العفشة بخليط الجاز و الزيت (دة موجود فى معظم البنزينات) و بعدها جرب العربية للوقوف على مستوى الصوت.
د. مصطفى
-
الف شكر على الاهتمام و الرد
-
يا حبيبى اذا كان الصوت دب من الخلف يبقى كاوتشة الشكمان قطعت
ودا كان عندى وركبت كاوتشة جديدة ب2جنيه وخلاص
-
الف شكر للعضو nike هى فعلا من الشكمان عشان مكنش متثبت كويس انا نزلت تحت العربية و شفتها
-
علي فكرة نفس المشكلة دي كانت عندي وغسلت بزيت وجاز والصوت راح
وفعلا ممكن يكون من كوتشة الشكمان
-
الصوت ده بييجي من عيوب بسيطة ..... يا بيضه عاوزة تتشحم و تتربط العفشة كويس يا اما حاجة صغيرة بتتحرك كل الي محتاج تعمله تغسل عربيتك من تحت في بنزينه و تاخدها عدل على عفشجي يبص عليها و يربطها و تخليه يشوفلك لو في حاجة تانية على نظافة كده
Content Relevant URLs by
vBSEO 3.6.0 PL2