انسينى انا صبرى انتهى ......(بفكر اتطوع فى الجيش ) دعوة لنقاش مع واحد مجنون

**viper911s** · 17-07-2010 03:45 PM

المشاركة الأصلية كتبت بواسطة شريف

عبد الرحمن بن ندى العتيبي

الحمد لله المتفضل بالإنعام والصلاة والسلام على خير الآنام، وعلى آله وصحبه الكرام أما بعد:
فشكر المنعم واجب على العباد ومن يجحد فضل ربه إلا القوم الضالون

قال تعالى:{يَا أَيُّهَا الْإِنْسَانُ مَا غَرَّكَ بِرَبِّكَ الْكَرِيمِ (6) الَّذِي خَلَقَكَ فَسَوَّاكَ فَعَدَلَكَ (7) فِي أَيِّ صُورَةٍ مَا شَاءَ رَكَّبَكَ (8)} [الانفطار].
فالله المتفضل على عباده من بداية خلقهم وسخر لهم ما في البر والبحر وسهل لهم سبل كسب المعايش فجعل لهم الأرض مهدا وأخرج لهم منها رزقا وهيأ لهم منها ما يتخذونه سكنا، وخلق لهم في أنفسهم ما لهم فيه نظر وفكر،

قال تعالى: {وَفِي أَنْفُسِكُمْ أَفَلَا تُبْصِرُونَ (21) وَفِي السَّمَاءِ رِزْقُكُمْ وَمَا تُوعَدُونَ (22)} [الذاريات]، وجعل لهم الحواس التي يدركون بها ما حولهم ويستخدمونها فيما ينفعهم ولا يضرهم
قال تعالى: {أَلَمْ نَجْعَلْ لَهُ عَيْنَيْنِ (8) وَلِسَانًا وَشَفَتَيْنِ (9) وَهَدَيْنَاهُ النَّجْدَيْنِ (10)} [البلد]. والحديث يطول لو أردنا ذكر نعم الله على عباده فهي لا تحصى
قال تعالى {وَإِنْ تَعُدُّوا نِعْمَةَ اللَّهِ لَا تُحْصُوهَا} [النحل: 18]،
وهي نعم من الرب الخالق المحي الرازق المنعم، ومقتضى شكر هذه النعم صرف العبادة لله وحده لا شريك له {وَاعْبُدُوهُ وَاشْكُرُوا لَهُ إِلَيْهِ تُرْجَعُونَ (17)} [العنكبوت].
فيجب امتثال أمره واجتناب ما نهى عنه والمحبة والاتباع لرسوله صلى الله عليه فالله بعث نبيه رحمة للعالمين، والحذر الحذر من الشرك بالله، فلا يصح في العقول السليمة أن يتفضل الله وينعم ويعبد غيره أو يستغاث بغيره فيما لا يقدر عليه إلا الله، فلا واسطة بين الله وعباده، واتخاذ الشفعاء ليقربوا إلى الله هي جاهلية قريش التي بعث النبي محمد صلى الله عليه وسلم لطمسها
قال تعالى: {مَا نَعْبُدُهُمْ إِلَّا لِيُقَرِّبُونَا إِلَى اللَّهِ زُلْفَى} [الزمر: 3]،
ومقتضى شكر النعم أن تصرف في طاعة الله والعبد مسؤول عن نعم الله
قال تعالى: {إِنَّ السَّمْعَ وَالْبَصَرَ وَالْفُؤَادَ كُلُّ أُولَئِكَ كَانَ عَنْهُ مَسْئُولًا (36)} [الإسراء]،
وقال تعالى: {لَتُسْأَلُنَّ يَوْمَئِذٍ عَنِ النَّعِيمِ (8)} [التكاثر].

والعبد له موقف يسأل فيه عن كل شيء:

ولو أنا اذا متنا تركنا… لكان الموت راحة كل حي
ولكنا اذا متنا بعثنا… ونسأل بعده عن كل شيء

وفي الحديث عن النبي صلى الله عليه وسلم : "ويسأل عن ماله من أين اكتسبه وفيما أنفقه"، فالأموال نعمة وشكر هذه النعمة بإرجاع الفضل إلى الله فهو المنعم بها والموفق لمن سعى في اكتسابها، وقد سخط الله على قارون عندما جحد هذه النعمة

وقال: {إِنَّمَا أُوتِيتُهُ عَلَى عِلْمٍ عِنْدِي} [القصص: 78]،
فقارون أنكر على الناصح الذي أرشده إلى شكر النعمة
بقوله: {وَابْتَغِ فِيمَا آَتَاكَ اللَّهُ الدَّارَ الْآَخِرَةَ وَلَا تَنْسَ نَصِيبَكَ مِنَ الدُّنْيَا وَأَحْسِنْ كَمَا أَحْسَنَ اللَّهُ إِلَيْكَ وَلَا تَبْغِ الْفَسَادَ فِي الْأَرْضِ إِنَّ اللَّهَ لَا يُحِبُّ الْمُفْسِدِينَ (77)} [القصص].

وفي بعض الأزمنة تكثر الأموال في أيدي بعض الناس ويحصل منهم تخبط في تصريفها فينفقونها في ما يسخط الله ويخالف شرعه، وهؤلاء يقال لهم اتقوا الله واشكروه فهو الذي منحكم إياها ليبتليكم، ومن شكر نعم الله ألا يبصر ما يغضب الله
ويمتثل قوله تعالى: {قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ} [النور: 31-30]
وخاصة في هذا الزمن الذي جدت فيه أمور لم تكن معروفة لأسلافنا فخرجت القنوات الفضائية بعفنها الفني وتنافست في نشر الخلاعة بلا حياء أو مراعاة للآداب الإسلامية فمن شكر نعمة البصر أن يمتنع العبد عن رؤية ما يخالف الشرع، ومن شكر نعمة اللسان أن يكثر من ذكر الله ويجتنب الغيبة والنميمة ويطيب الكلام لعباد الله، وشكر نعمة السمع أن يستمع إلى كتاب الله وما ينفعه ويحذر من الاستماع إلى الغناء الفاحش وآلات المعازف، فالشكر الحقيقي هو اقتران القول بالعمل لينعم العبد برضا ربه، والفوز بجنته التي هي دار رحمته وأعدها لمن قاموا بشكره ولا ينال الجنة إلا من أنعم الله عليه بالهداية وهي أعظم نعمة
قال تعالى: {فَمَنْ يُرِدِ اللَّهُ أَنْ يَهدِيَهُ يَشْرَحْ صَدْرَهُ لِلْإِسْلَامِ وَمَنْ يُرِدْ أَنْ يُضِلَّهُ يَجْعَلْ صَدْرَهُ ضَيِّقًا حَرَجًا كَأَنَّمَا يَصَّعَّدُ فِي السَّمَاءِ} [الأنعام: 125]، وهي منة من الله على من يشاء من عباده قال تعالى: {يَمُنُّونَ عَلَيْكَ أَنْ أَسْلَمُوا قُلْ لَا تَمُنُّوا عَلَيَّ إِسْلَامَكُمْ بَلِ اللَّهُ يَمُنُّ عَلَيْكُمْ أَنْ هَدَاكُمْ لِلْإِيمَانِ} [الحجرات].

فمن هدي إلى الإيمان وعمل بأركان الإسلام فهو الموفق وليسأل ربه الثبات وحسن الختام اللهم آتنا من فضلك وارزقنا شكر نعمتك على الوجه الذي يرضيك عنا.

منقول

ونعم بالله
طبعا اشكرك على الرد
رد ايجابى اوى
الله المستعان

**akramlail** · 17-07-2010 03:50 PM

حبيب قلبى انا زيك والله بس انت احسن منى على الاقل انت لقيت فرص تتمرمط فيها انا مش لاقى بس موصلتش لحالتك دى عايش متاقلم مع الوضع اة مفيش شغل بس الحمد لله عايش وصحتى كويسة وبصلى وربنا هيفرجها علينا ان شاء الله بس متقطعش الصلاة
مهما كنت بتعصى ربنا فى اى حاجة متقطعهاااااااااااااش
الواحد بيحزن وبيكتئب بس بسرعة حاول تطلع نفسك من الحالة دى لو حتى هتتفرج على فيلم كارتون مش بهزر بتكلم جد

**شريف** · 17-07-2010 04:20 PM

المشاركة الأصلية كتبت بواسطة viper911s

ونعم بالله
طبعا اشكرك على الرد
رد ايجابى اوى
الله المستعان

وحاول ان تزيد من قراءة المصحف الشريف بتدبر فاذا كنت تقرا حزب لا خلية حزبين او سورتين بدل سورة واحدة
بس اهم حاجة اقرء بتدبر
و ممكن تعرف اى تفسير لاى اية كريمة من الموقع دة
ط§ظ„ظ‚ط±ط¢ظ† ط§ظ„ظƒط±ظٹظ…
وانا فى الاسكندرية دلوقتى لو حبيت نتقابل نتكلم مع بعض شوية ابعتلى على الخاص وانا تحت امرك

**viper911s** · 17-07-2010 04:33 PM

المشاركة الأصلية كتبت بواسطة akramlail

حبيب قلبى انا زيك والله بس انت احسن منى على الاقل انت لقيت فرص تتمرمط فيها انا مش لاقى بس موصلتش لحالتك دى عايش متاقلم مع الوضع اة مفيش شغل بس الحمد لله عايش وصحتى كويسة وبصلى وربنا هيفرجها علينا انشاء الله بس متقطعش الصلاة
مهما كنت بتعصى ربنا فى اى حاجة متقطعهاااااااااااااش
الواحد بيحزن وبيكتئب بس بسرعة حاول تطلع نفسك من الحالة دى لو حتى هتتفرج على فيلم كارتون مش بهزر بتكلم جد

والله بحاول بس متقطع للاسف يعنى بس بحاول
الله المستعان

**viper911s** · 17-07-2010 04:34 PM

المشاركة الأصلية كتبت بواسطة شريف

وحاول ان تزيد من قراءة المصحف الشريف بتدبر فاذا كنت تقرا حزب لا خلية حزبين او سورتين بدل سورة واحدة
بس اهم حاجة اقرء بتدبر
و ممكن تعرف اى تفسير لاى اية كريمة من الموقع دة
ط§ظ„ظ‚ط±ط¢ظ† ط§ظ„ظƒط±ظٹظ…
وانا فى الاسكندرية دلوقتى لو حبيت نتقابل نتكلم مع بعض شوية ابعتلى على الخاص وانا تحت امرك

ربنا يخليك
ححاول ان شاء الله

**زهير فكري** · 17-07-2010 05:44 PM

[حضرتك واضح ان سنك كبير مش صغير ممكن تكون شفت الحلو فى البلد دى علشان كدة شاف انها ممكن تكون حلوة
حضرتك متعلمتش تعليم عالى علشان اقعد صبى صنيعى(كهربائى ) لعدم وجود فرصة عمل تتحمل اهانة وشتيمة وقلة ادب
لمجرد الفلوس الى لو سبتها هتبقا خايب ومش عارف تعمل حاجة فى نظر نفسك واهلك تدخل شركة وتشوف معنى القهر بعد اربع سنين بهدلة مع الشغلة نفسها مرمطة ما بعدها مرمطة بخلاف انى امد ايدى لسواق علشان 5 جنية ولا حاجة
والحمد اللة الانجاز الى قدرت احققة انى اكون امين مخزن
يكفى انك بعد ما تفهم وتحترف الشغلة دى تكرهايجيلك ناس تدربهم انت وتلاقيهم وقت التدريب بياخدوا اكتر منك خد بالك انا وقتها كنت باخد 450 جنية وكان عندى 22 سنة
وهما بداو ب900 وحاولت انى اعرف السبب طلعوا قرايب ناس فى الادارة
المهم عملت فلم علشان ازيد معرفتش غير انى اوصل 650
وبعد سنتين بقيت 900
مع العلم انا امين مخزن لا ثلاث مخازن لثلاث توكيلات سيارات
وفى فترة كدة جابوة واحد كدة يشتغل معانا ولقيت مرتبة فى اول اسبوع ضعف مرتبى ولسة هدربة
عاوز اعمل اى خطوة فى حياتى مش قادر مفيش فلوس مفيش شغل كويش مفيش فلوس
انا ابويا حارب 8 سنين فى الجيش استنزاف والعبور واتحاصر فى الثغرة كمان
زمالة الى هربوا دلوقتى بيتعاملوا احسن منة الف مرة علشان معاهم فلوس وهو زى ما هو
قبل ما تحكم عليا شوف الى انت ممكن تكون عاصرتة والى انا وغيرى شفناة
صدقنى عندى 100 الف واحدة معندهمش استعداد يموتوا علشان البلد دى
يموتوا علشان شباب تانية تعيش فى مارينا مرتاحة دول الى مش هيدخلوا جيش
ودول الى هتدافع عنهم علشان يعيشوا مبسطوين ويعرفوا يلعبوا براحتهم
وانت عيش زليل خدام واقبل بأى حتة لقمة نرميها وكمان موت علشانا
ياريت قبل ما تحكم تفكر فى ممكن ابنك يشوفة لو انت مقدرتش تأمن مستقبل كويس
وشكرا لرد حضرتك واسف انى طولت

لا يا باشا ما طولتش ولا حاجه , شوف انا معاك 100% في اللي انت ذكرته وده مش ازمتك لوحدك بل ازمه شباب كثير في البلد دي . بس الانسان الذكي المتعلم هو اللي يقدر يفكر في وقت الأزمه صح و مايندفعش تحت ضغط اليأس و الاحتياج للماده انه يتهور و يخسر كل حاجه و يرجع تحت الصفر بدرجات . يعني مش معني اني قرفان من ظروف البلد و عيشتي اروح اطوع في جيش اسرائيل او امريكا مثلا !! عشان انتقم من البلد اللي ذلتني و بهدلتني و اهانتني و محترمتنيش و بعد ما تمر السنين و الايام هتلاقي نفسك انتقمت من نفسك و اهلك مش من البلد و لا من الشباب ( السيس ) اللي انت بتقول عليهم !لان انت ببساطه لما تقول اتطوع في جيش بلد ليها تاريخ معادي لبلدك ممكن ياخدوك و هيعرفوا يستغلوا طاقه الانتقام الجباره اللي جواك و يوجهوها صح لخدمه اهدافهم الخبيثه و هتاخد فلوس آه لكن قصادها هتخسر كل حاجه , و يا ويلك لحظه استيقاظ صوت ضميرك و تحاسب نفسك في لحظه معينه من عمرك و تلاقي حصادك هبو رياح ساعتها تتمني انك ما اتوجدتش اساسا ّ!

بص ياسيدي كلنا مرينا بظروف صعبه في حياتنا و حسينا باليأس كثير , و احمد ربنا انك بتشوف المراحل الصعبه في بدايه حياتك و انت شاب مش و انت في ارزل العمر و المفروض ترتاح !! و ثق تماما و ابقي افتكرني ساعتها انه ان شاء الله لما ربنا يفرجها عليك( ممكن بعد سنه او اثنين او عشرين ) هتفتكر الأيام الصعبه دي و تضحك عليها .

نيجي بقي لمشكلتك , من الواضح و من خلال عملك في احد توكيلات السيارات انك بتشوف نماذج من الناس اللي بتشتري عربيات وطبعا ممكن تلاقي شباب لسه في ثانوي او جامعه و جاي يشتري عربيه تمنها يعدي 100 الف جنيه ( هديه نجاحه مثلا او عايز يغير من موديل لموديل اعلي منه) ..الخ و طبعا سيادتك بتقارن دول بنفسك , بالاضافه لظروف شغلك الغير ملائمه لشخصيتك و شعورك بالانكسار نتيجه تجارب فاشله في بدايه حياتك و ايضا غياب العداله في المرتبات و الأجور بينك و بين زملاؤك , كل ده ادي للشعور بالغضب تجاه المجتمع , فأولا انصحك انك ما تبصش لغيرك وربنا يزيد كل واحد لو كان من حلال , ثانيا مشكله فرق الأجور ده بينك و بين زمايلك ؟ انت اتكلمت مع الاداره بهدوء فيه؟ طيب انت بتشتغل في توكيل سيارات امين مخزن ؟ و بتقول انا مؤهل عالي ما تحطش في اعتبارك داخليا انه طالما انا بقيت مؤهل عالي يبقي لازم تبقي قاعد علي مكتب بيه ببدله و الساعي تحت امرك و الصوره السينمائيه دي ! و انه مش معني ان الواحد لو مؤهل عالي يبقي الصوره اللي احنا قلناها دي هي جزاء المشوار و مكافأه التعب و الكفاح و ما عدا ذلك فهو اهانه لذاتك و تقليل من شأنك و لسان حالك يقوللك كأنك يا ابو زيد ما غزيت و فرقت ايه عن واحد بدبلوم او واحد ما اتعلمش حتي ؟؟

لا يا صديقي !!! ممكن اكون مؤهل عالي و اشتغل عامل في محطه بنزين بس عيني اني ابقي صاحب المحطه !وممكن اشتغل جرسون و انا مؤهل عالي بس عيني اني ابقي صاحب سلسله فنادق !! و ممكن اكون مؤهل عالي و اشتغل عامل حفر بس عيني اني ابقي صاحب شركات مقاولات ! و هكذا و سواء العمل ده كان باختياري او الظروف فرضته عليا لازم انظر للجانب الايجابي منه و اتحمل مشقاته و صعوبته في سبيل هدف اعظم و اسمي , هو ده الفرق بينك و بين اي واحد تاني ينظر للتعليم نظره دونيه و شايف انه العمليه محصله بعضيها و كله بيتساوي في الآخر . استحاله و ان بدا ظاهريا ذلك , و ان كل العظماء لازم يتعبوا في الأول و يلاقوا مشقه كبيره في الأول , و ان الناس اللي انت بتشوفهم حياتهم ناعمه و سهله و ليهم واسطه مضمونه و يشتغلوا في احسن الأماكن و ما تعبوش في الأول , تعالي بقي اتفرج عليهم لما الزمن يديهم ظهره بس في وقت المفروض يرتاحوا فيه!! بتبقي حياتهم ضنك ربنا ما يحكم علي حد . ليه ؟ لأنه ما تعبش في الأول !!! الدنيا ميزان يا صاحبي .
و انا هحكيلك قصتين و انت احكم , الأولي اثنين ضباط شرطه نفس الدفعه و نفس المستوي المادي و الاجتماعي الأول اتعين ظابط نظامي في قسم من الأقسام و التاني في الأمن المركزي, الأول صبر و اتحمل و ادي واجبه , و التاني لم يتحمل و بحث عن واسطه تنقله مكان تاني مريح و اتنقل فعلا. السنين مرت و الاثنين بقوا لواءات ! بس الأول بقي مدير امن محافظه و بعدين مساعد وزير و التاني خد لواء سنتين و طلعوه معاش !! طبعا فرق شاسع بين المركز و السلطه و الدخل المادي بين الاثنين , ! المثال التاني اتنين مهندسين الأول اشتغل في المواقع و اتبهدل في بدايته , و التاني اشتغل في مكتب احد وكلاء الوزاره كمدير مكتب لتنظيم الورقيات و الصيغ الرسميه و طبعا ببدله و مكتب وممكن عربيه توديه البيت ! السنين مرت و الأثنين بقوا وكلاء وزاره الأول بقي فاهم الشغل و الناس بتحبه و ناجح جدا , و الثاني مش فاهم حاجه في الشغل و بيلطش في مخاليق ربنا و همه كله الورقيات و بس و المظهر العام و عنده الشغال زي اللي مش شغال و الناس بتكرهه و بتلعنه وهو نفسه حاسس بكده و عنده امراض الدنيا كلها و عايز يساوي معاشه !!! النماذج دي موجوده قدام عيني و معاصرها مش قصص خياليه و مسكنات , المهم انت عايز ايه ؟؟؟

دلوقتي تستهدي بالله و تروح تبوس ايد ابوك البطل اللي رباك , و حاول تعيد النظر تاني و ما تستعجلش الأمور و ما تبصش لغيرك اهم حاجه و تحدد انت عايز ايه , و ما تصعبهاش علي نفسك . و ربنا معاك و معانا كلنا .

**zalpany2000** · 17-07-2010 06:03 PM

حبيبي viper911s
ممكن تبعتلي رقم تليفونك علي الخااااص
عندي كلام كتير مش عارف اكتبهولك
ممكن ؟؟ لو تسمح

**A7MED_PHARMA** · 17-07-2010 06:21 PM

شوف علاقتك بربنا يا فايبــــر
مش مهم هتقولي إيه هنا على صفحات المنتدى ..
بينك وبين نفسك
شوف علاقتك بربنا ...وإنت تعرف سبب همك

ماتتخيلش إنك لوحدك إلي مخنوووق
إنت كل إلي شايفه ..مشاكلك لوحدك
ماتعرفش مشاكل الناس التانية

وأرجع وأقولك...إدعي ربك يفرج همك
وإقعد مع نفسك
وورقة وقلم ...وإحسب حساباتك من تاني

وإوعى تتخيل إني مبسط الأمور ....
أنا متخيل وضعك جدا.

**viper911s** · 17-07-2010 06:56 PM

المشاركة الأصلية كتبت بواسطة a7med_pharma

شوف علاقتك بربنا يا فايبــــر
مش مهم هتقولي إيه هنا على صفحات المنتدى ..
بينك وبين نفسك
شوف علاقتك بربنا ...وإنت تعرف سبب همك

ماتتخيلش إنك لوحدك إلي مخنوووق
إنت كل إلي شايفه ..مشاكلك لوحدك
ماتعرفش مشاكل الناس التانية

وأرجع وأقولك...إدعي ربك يفرج همك
وإقعد مع نفسك
وورقة وقلم ...وإحسب حساباتك من تاني

وإوعى تتخيل إني مبسط الأمور ....
أنا متخيل وضعك جدا.

انا مع حضرتك يا دكتور بس
انت شايف قد اية
الامل انتهى حتى الحلم با بفلوس
هى دى بلدنا علشان بقا الحلم فيها غالى اوى
بس بعيدا عن موضوعى انا بحترم مواضيعك جدا
واتمنى لك التوفيق